װיקיפּעדיע:קאטעגאריזאציע

דער אַרטיקל איז אין מיטן באַאַרבעטן. און עס קען עס זיין קורץ, אומפארשטענדלעך אד"ג. איר קענט העלפן אים פארברייטערן מיט פארזיכטיקייט. דער מוסטער קען בלײַבן ביז צװײ װאָכן אָן דײַטיקע ענדערונגען.

דער בלאט איז אן אפיציעלע אנווייזונג פאר דער אידישער וויקיפעדיע וואס איז ברייט אנגענומען דורך שרייבערס. כאטש עס איז ראטזאם נאכצופאלגן די אנווייזונגען דערינען, ס'איז אבער נישט קיין פאליסי. אויב איר ווילט ענדערן דעם בלאט, מאכט זיכער אז עס איז דא אויף אייערע טוישונגען א קאנצענזוס. האט איר א ספק, דאן רעדט עס דורך אויפ'ן רעדן בלאט.

קאטעגאריע איז דער צעמענט צו די ציגל פון דעם בנין וואס הייסט וויקיפעדיע.

ווען מען שרייבט אדער לייענט אן ארטיקל, איז קריטיש וויכטיג אים צו קאטעגאריזירן אין קאטעגאריעס, ווייל אן דעם איז דאס ווי א נאדל אין א ריזיגן, ענדלאזן ים-סוף, קיינער וועט קיינמאל נישט דאס אפיר טרעפן. כדי צו טרעפן אלע ארטיקלען אן קאטעגאריעס קוועטשט אהער.

א יעדע קאטעגאריע מוז האבן אן הויפט ארטיקל וואס אלע אין די קאטעגאריע זענען ווי א תולדה אדער נאנט צו יענעם ארטיקל אין מיינונג.

[בעאַרבעטן] ווען צו ניצן קאטעגאריעס

קאטעגאריעס העלפן באניצערס צו טרעפן אינפארמאציע, אפילו ווען מען איז נישט געוואר פון איר.

יעדער בלאט אין דעם ארטיקל נאמענטייל דארף געהערן צו לכל הפחות איין קאטעגאריע. די קאטעגאריעס (וואס באדינען אלס קלאסיפיקאציע) אין וועלכע מען שטעלט דעם ארטיקל זאלן זיין ניצלעכע טעמעס וואו דער ענין פונעם ארטיקל געהערט אלס מיטגליד, און וואו באניצערס וועלן זוכן ווען זיי געדענקען נישט דעם נאמען פון דער זאך וואס זיי זוכן. למשל:

ארטיקל: ישכר דוב רוקח

פאסיגע קאטעגאריע: קאטעגאריע:אדמורי"ם

נישט פאסיגע קאטעגאריע: קאטעגאריע:רבנים מין נעמען אנהייבנדיג מיט ר

צו דערגיין צי א קאטעגאריע איז צוגעפאסט, פרעגט די פאלגנדע פראגעס:

• ווען די קאטעגאריע עקזיסטירט נאך נישט, צי איז מעגלעך צו באשרייבן זי אין א פאראגראף אדער צוויי די טעמע פון דער קאטעגאריע?
• אז מ'גייט פון דער קאטעגאריע צום ארטיקל, צי איז קלאר פארוואס דער ארטיקל געהערט אין דער קאטעגאריע? צי איז די טעמע פון דער קאטעגאריע ארומגערעדט אינעם ארטיקל?

[בעאַרבעטן] וועגווייזער פונקטן

• געוויינטלעך שטעלט מען נישט קיין ארטיקל אין א קאטעגאריע און אויך אין איר'ס אן אונטערקאטעגאריע. למשל, דער ארטיקל זעגלשיף געהערט צו קאַטעגאָריע:שיפן, דערפאר דארף ער נישט זיין אין קאַטעגאָריע:טראנספארטאציע.

[בעאַרבעטן] וויאזוי צו קאטעגאריזירן אן ארטיקל

[בעאַרבעטן] פראבלעמען מיט קאטעגאריעס

מאכט דאס קאטעגאריע:קליידונג, פאר קליידער, אדער קאטעגאריע:מצוות און מנהגים, פאר עפעס אן ארטיקל איבער אידישקייט. און נעמט דאס ארום מיט צוויי אזאלעכע סימבאלן. [[ ]] סעיווט דאס ווען עס איז שוין אזוי [[קאטעגאריע:מצוות און מנהגים]] אדער [[קאטעגאריע:קליידונג]]

[בעאַרבעטן] לייגן א קאטעגאריע אן סזאל זיך קאטעגאריזירן

ווען מען וויל לייגן א לינק צו א קאטעגאריע בלאט, און נישט צורעכענען דעם בלאט צום ספעציפישן קאטעגאריע, דארף מען צולייגן א דאפלטע נקודה פאר'ן ווארט, אזוי: [[:קאטעגאריע:קליידונג]].

[בעאַרבעטן] מאכן אונטערקאטעגעריעס

אין יעדע באזונדערע קאטעגאריע זאל מען זעהן צו שרייבן אין איר אנדערע געראטענע קאטעגאריעס, ווצ"ב אין "קאטעגאריע רבנים" זאל מען לייגן "קאטעגאריע אדמו"רים", אזוי וועט א יעדער קענען האבן צוטרעט צו אנדערע געראטענע קאטעגאריען, אויך וועט דאס באגרעניצן די צאל פון קאטעגאריעס אין איין איינציגע ארטיקל, ווצ"ב אנשטאט צו שרייבן 10 קאטעגאריעס אין דער ארטיקל "רבי" (רבנים, אדמורים, צדיקים, תורה, יידישקייט, פרומקייט, חסידות, ראשי ישיבות אא"וו) קען מען שרייבן נאר איין גאר פאסיגע קאטעגאריע, ווייל אין דער קאטעגאריע איז דאך דא לינקן צו אנדערע געראטענע קאטעגאריעס.

[בעאַרבעטן] ווען מאכן א קאטעגאריע?

כדי צו מאכן א קאטעגאריע מוז קענען זיין צום ווינציגסטן 5 ארטיקלען וואס שיקן צו די קאטעגאריע.

אויב דערווייל איז נאך נישטא 5 ארטיקלען צום ספעציפישן קאטעגאריע, זאל מען שרייבן ביי די קאטעגאריע אליינס עטליכע ווערטן וואס קען זיין אין צוקונפט ביי די זעלבע קאטעגאריע.

[בעאַרבעטן] שרייבן געפעלטע קעפלאך אין א קאטעגאריע

ס'איז רעקאמענדירט צו שרייבן אלע געפעלטע קעפלאך פון א געוויסע קאטעגאריע אונטער די פאסיגע קאטעגאריע. ווי צ.ב.ש. אויב מען האט נאך נישט געשריבן אן ארטיקל איבער "מזבח", זאל מען צולייגן די קעפל "מזבח" אונטער קאטעגאריע "בית המקדש" אלץ א געפעלטע קעפל, כדי זאלן אנדערע קענען לייכטער שרייבן אן ארטיקל איבער די טעמע. זעט צ.ב.ש. קאטעגאריע:בית המקדש.

[בעאַרבעטן] ביי טעכנישע בלעטער נוצען די נאן אינקלוד טול

טעכנישע בלעטער דארפן אויך קאטעגאריזירט ווערן, אז נישט פארשווערט דאס פארן זיכער. און עס מאכט זיך געדופלטע און אפט מאל מערערע מוסטערן פון זעלבן אויפגאבע אז איינער טרעפט איר נישט. אבער מוסטערן אויב מען לייגט סתם קאטעגאריע וועט זיך דאס אויך אריבערקאפיען דארטן ווי דער מוסטער איז געשטעלט אויפן בלאט דעריבער זאל מען שטעלן די טול ארום די קאטעגאריע. אזוי:<noinclude> שטעלט דא אריין אלע זאכן וואס זאלן זיך נישט מיטראגן מיטן מוסטער. </noinclude>

[בעאַרבעטן] ווי אזוי אנרופן די קאטעגאריע?

גייט פריער אריין דא: קאַטעגאָריע:קאטעגאריעס צו זען אויב ס'איז שוין באשטימט א פאסיגע קאטעגאריע צו די נייע ארטיקל.