Lucien Gaspar

Lucien Gaspar (e walon, sicrît Lucyin), ki sene ses scrijhaedjes Elgé, a skepyî li 1î d' fevrî 1926, a Beamont-dlé-Ståvleu.

Il a cmincî a scrire e walon… a scole a Lôdômé, … tot metant des mots d' walon dins ses redaccions e francès. ^[1]

A metou ses bokets (tos arimeas) sol pitite gazete "Les Echos de Stavelot" e 1979, et dispu don, cåzu totes les samwinnes. End a bén yeu 1300. Sacwants d' zels fourît rashonnés en on live "Ene pormoennåde di rimes et d' arimeas" (One porminâde du rimes èt d'ârimés). Ci live la a stî eplaidî pal comene di Ståvleu e 1998.

A moussî å Rweyål Club walon d' Måmdey diviè 1996, sol no di Fré Luk.

Justine Zander, a wangnî on côp li bate des "mamjheles lingaedje" avou on boket da Lucyin Gaspar.

Di s' mestî, il esteut cinsî.

Lucyin Gaspar n' est nén parint avou Camille Gaspard, mins l' a foirt bén cnoxhou.

[candjî] Èn arimea da sinne

Li ci k' i lét l' pus voltî :

Dj' î a pinsé

Cwand k' a m' grand-mere, dji bribéve on bonbon

Ele mel dinéve tot m' fiestixhant les djveas,

Mi rabresséve, mi seréve di tot près

Dj' aléve so s' schô et schoûtéve ses tchansons.

Ele mi murzéve al paroe del coujhene,

Avou ene croye, fijhéve ene roye sol mour,

Dj' aléve djouwer, pwis rivnéve fé on tour:

So dj' co crexhou? Racsurè dj' mi cuzene?

Ele mi trovéve tofer totes sôres d' escuzes,

A mes grimaces ou bén a mes biestreyes,

Adon ki m' pere mi saetchive pa ls oreyes:

Leyîz l' trankile, I ni l' fwait nén pa ruze.

Ele fout malåde ki dji cwitéve les scoles,

S' a-t ele plindou? Dji n' l' a djamåy savou,

Ele soria cwand k' ele m' oût ricnoxhou.

Mi dj' aveu håsse et dji passéve al vole.

Tinoz dit-st ele, c' est vos k' årè m' tchaplet,

Dj' a priyî dsu por vos cwand vs estîz ptit,

Vos n' åroz k' a dire on Påter por mi,

I s' pout k' on djoû vos î pinsroz motoit.

[candjî] Hårdêye difoûtrinne

• On responda da sinne (sol tévé walon-cÃ¥zante)

[candjî] Sourdants

1. ↑ Responda da Lucyin Gaspar pa Joseph Docquier, Lucyin Mahin & Pablo Sarachaga li 22 d' octôbe 2007.