Hanapin

Mga kagamitan

Sa ibang wika

Wikipedia:Supnayan ng mga nagdaang napiling larawan

Ito ang mga tala ng mga napiling larawan. Kung nais mong mag-nomina ng larawan pumunta sa pahina ng nominasyon.

Mga napiling larawan sa Wikipedia

Itinatangi ng pahinang ito ang mga larawan na itinuturing ng pamayanan na maganda, kabighabighani, kaakit-akit at/o nakapagbibigay-kaalaman. Isa itong namamasid at napagmamasdang katumbas ng nababasang mga napiling artikulo at dahil gayon mas makapaksa. Tinipon ang mga larawan sa supnayang ito upang mapagmasdan mo. Mayroon ding mga napiling larawan sa Wikimedia Commons at mga kategorya ng napiling larawan sa Wikimedia Commons na mailalagay sa mga panoorang pangkompyuter.

Sa ngayon, mayroong mga 21 napiling mga larawan sa Tagalog na Wikipedia. Nilalagyan ng tag o tatak na ganito ang mga larawang napili sa kanilang pahina ng talaksan at sa pahina ng usapan, kasama ang petsa kung kailan ito naganap:

Ito ay isang Napiling Larawan noon pang Marso 22, 2008, nangangahulugang itinuring ng pamayanang isa ito sa mga pinakamabuting larawan sa Wikipediang Tagalog.

Kung mayroon kang ibig idagdag na larawan para maging napiling larawan, iharap ito sa pahina ng nominasyon. Dapat lamang na nasa dominyong publiko o nasasakop ng malayang lisensiya ang mga larawang nakatala rito. Kapag napili ang larawan, magkakaroon din ito ng isang maliit na bituing tanso () sa pang-itaas na kanang sulok ng pahina ng usapan ng larawan upang - bukod pa sa tatak na nasa itaas - talagang maipapahiwatig na napili nga ang larawan.

Sa ngayon, maaari ring maglagay ang sinumang patnugot ng anumang larawan mula sa Wikipedia Commons (halimbawa na ang Picture of the day). Hindi na ito daraan sa paghaharap sa Tagalog Wikipedia kung ito ay nakapailalim na sa anumang kategorya ng pagiging natatanging larawan sa Commons, ngunit dapat lamang na may katumbas na artikulo ito sa Tagalog Wikipedia. Dapat ring nakapaloob sa artikulo sa Tagalog Wikipedia ang larawang pinili para itangi dito (ipasok lamang kung wala pa sa artikulong kaugnay; kung may sapat nang bilang ng larawan sa artikulo, maaaring hindi na ilagay sa artikulo ang napiling larawan; suriin na lamang kung dapat bang palitan ang (mga) larawan na nasa artikulo ng napiling larawan; sa ganitong kaso, ipalit ang napiling larawan kapag nararapat lamang). Dapat lamang na dumaan sa paghaharap at halalan ang mga larawang tuwirang ikinarga dito sa Tagalog Wikipedia (hindi doon tuwirang ikinarga sa Wikipedia Commons para kuhanin at gamitin sa Tagalog Wikipedia). Kailangan din iharap para pagbotohan ang mga larawan na bagaman galing sa Wikipedia Commons ay hindi naman nabibilang sa mga itinuturing na tampok o natatangi (tulad ng mga nabanggit sa itaas).

Maaari mong ilagay sa iyong pahina ng tagagamit ang kahon ng napiling larawan, sa pamamagitan ng pagdaragdag ng tekstong {{Napiling Larawan}} kung saan mo man ibig palitawin ang larawan.

Paalala: Isinasama sa paglalagay sa unang pahina ang pangalan ng tagagamit na gumawa (orihinal na kumuha o nag-ambag) ng larawan o litrato. Huwag po sana itong kalilimutan. At mangyari pong limitahan lamang ang mga pananalitang naglalarawan ng larawan sa dalawa hanggang tatlong pangungusap.

Tuwirang daan: WP:NL

Napiling nilalaman:

Mga napiling artikulo
Mga napiling larawan

Mga kasangkapan para sa mga napiling artikulo:

Mga nilalaman

· Kasalukuyang napiling larawan · Mga nagdaang napiling larawan

[baguhin] Kasalukuyang Napiling Larawan

Ang mga ibon ay grupo ng mga vertebratang hayop. Maiinit ang kanilang dugo kaya't kumukunsumo ng maraming enerhiya. Nababalutan sila ng balahibo, may pakpak, may kaliskis sa paa, at may tuka ngunit walang ngipin. Kabilang sa may 9,000 uri nito ang Sitta europaea. Kuha ni: Paweł Kuźniar

[baguhin] Nagdaang larawan

Ang tubig ay isang sustansyang walang lasa, walang amoy, at walang kulay kung nasa dalisay niyang anyo, at mahalaga para sa lahat ng mga kilalang buhay. Sagana ang daigdig sa tubig na matatagpuan sa lahat ng lugar, tulad ng dumadaloy mula sa isang gripo sa Switzerland. Kuha ni: Juhanson

[baguhin] Iba pang mga nagdaang napiling larawan

Ang bonsai ay isang sining ng pagpapatubo at pag-aalaga ng mga puno at halaman na pinananatiling maliit. Ginagawa ito sa pamamagitan ng pangangalaga ng isang puno sa isang maliit na paso at pagpuputol ng mga sanga at ugat nito. Tinuturuan ang mga punong bonsai na lumaki sa hugis na kaakit-akit sa paningin. Kuha ni: Peggy Greb ng USDA

Ang lawa ay isang anyong tubig na pinapalibutan ng lupain. Tubig tabang ang karamihan sa mga lawa sa daigdig, at matatagpuan as Hilagang Hemispero. Tinatawag na mga panloob na dagat ang mga malalaking lawa. Nasa timog-silangang Kazakhstan ang Lawang Kaindy. Kuha ni: Jonas Satkauskas

Mga budista ang tawag sa mga naniniwala sa Budhismo. Sinusunod nila ang mga pagtuturo ni Gautama Buddha. Ipinakikita sa larawang ito ang mga istatwa ng mga budistang nagbibigay papuri kay Buddha, sa Hong Kong. Kuha ni: AngMoKio / pinainam ni Olegivvit

Ang talon ay mga daloy ng tubig mula sa isang mataas hanggang sa mababang bahagi ng isang pook. Nabubuo ang mga ito kapag dumadaloy ang tubig mula sa isang lugar na may matitigas na mga batuhan patungo sa mas mahihinang uri ng lupa, yelo o bato.

Kuha ni: Derek Ramsey

Ang mga isda ay mga vertebratang mula sa Kahariang Animalia at nabubuhay sa tubig. Ngunit tulad ng tao, kailangan nila ng sapat na oksiheno para mabuhay. Isang halimbawa nito ang Synchiropus splendidus.

Kuha ni: Luc Viatour

Ang mga mata ang organo ng paningin na nakadarama ng liwanag. Walang ginagawa ang mga pinakapayak na mga mata kundi ang dumama ng liwanag at kadiliman sa kapaligiran, habang nakakapansin naman ng mga hugis at kulay ang mga mas masalimuot na uri ng mga mata.

Kuha ni: Che

Ang dikya ay isang uri ng hayop sa dagat na nakasasanhi ng pangangati kapag nadikit sa balat ng tao. Mala-gulaman ang katawan ng may galamay na hayop pantubig na ito. Binabaybay din itong dikiya, at kilala bilang jellyfish sa Ingles.

Kuha ni: Hans Hillewaert

Ang mekaniko ay isang taong may kaalaman at kakayahang sumuri ng mga sasakyang panlupa, pandagat o panghimpapawid. Sa Pilipinas, karaniwang pinapatungkulan nito ang mga may kakayahang magkumpuni sa mga kotse, bus at mga trak.

Kuha ni: Lewis Hine; ambag ni: Solipsist

Napiling larawan

${{{Image_description}}}$

Ang langaw at bangaw ay mga insektong may isang pares ng pakpak sa mesothorax at isang pares ng halteres. Sila ay kumakain ng mga dumi; dahil dito, ang kulisap na ito ay naging kilalang nagpapakalat ng sakit katulad ng malaria, dengue, West Nile virus, yellow fever at encephalitis. Ang langaw ay isa ring simbolo ng kamatayan sa Bibliya at sa mga mitong Griyego. Nakatutulong ang ibang uri ng mga langaw sa polinasyon ng mga bulaklak. kuha ni Richard Bartz

Napiling larawan

${{{Image_description}}}$

Ang Toreng Petronas o Kambal na Toreng Petronas, na nasa lungsod ng Kuala Lumpur, Malaysia, ay minsan naging pinakamataas na gusali sa buong mundo kung susukatin ang haba nito mula sa pasukan nito hanggang sa pinakatuktok nito.

Ang Toreng Petronas ay ang pinakamataas na kambal na tore sa daigdig, at sinasabi nila na sila ang pinakamataas na gusali ng ika-20 dantaon. kuha ni Formulax

Napiling larawan

${{{Image_description}}}$

Ang Marte (o Mars) ay ang ika-apat na planeta mula sa Araw sa ating sistemang solar. Ipinangalan ito sa Romanong diyos ng digmaan (Ares sa Mitolohiyang Griyego). Kilala din ang Marte bilang "Ang Pulang Planeta" hinggil sa mamulang anyo nito kapag nakikita mula sa Daigdig sa gabi. May dalawang buwan ang Marte, ang Phobos at Deimos, na maliliit at kakaiba ang hugis at posibleng nakuhang mga asteroyd katulad ng 5261 Eureka. Makikita ang Marte mula sa Daigdig sa pamamagitan ng hubad na mata na may kaliwanagan ng hanggang -2.9 magnitud, nilalagpasan lamang ng Venus, Buwan at Araw. Kuha ng: NASA

Napiling larawan

${{{Image_description}}}$

Ang Tāj Mahal ang pangalan ng isang bantayog na matatagpuan sa Āgrā, Indya. Ipinatayo ito ng emperador na Mughal na si Shah Jahan, anak ni Jahangir, bilang mausoleum para sa kaniyang Persian na asawang si Arjumand Banu Begum, kilala rin bilang Mumtaz-ul-Zamani o Mumtaz Mahal. Nagtagal ang 23 taon ang paggawa nito (mula 1630 hanggang 1653) at tinuturing ito bilang obra maestra ng arkitekturang Mughal. Kuha ni: Sandeep Dhirad

Napiling larawan
${{{Image_description}}}$	Ang apoy, isang uri ng kombustyon, ay isang reaksyong kimikal, kinakasangkutan ng dalawa o higit pa na mga kimikal kung saan handang magkaroon ng reaksyon ang mga molekula sa bawat isa upang makabuo ng karadagang mga kimikal. Kadalasang kulay kahel, maiinit at mausok ito. Kuha ni:Fir0002

Napiling larawan

${{{Image_description}}}$

Ang Katedral ng San Vitus ay isang katedral sa Prague, Czech Republic, at ang luklukan ng Arsobispo ng Prague. Katedral ng San Vito, San Wenceslas at San Adalberto ang buong pangalan nito. Matatagpuang ito sa loob ng Kastilyo ng Prague at naglalaman ng mga labi ng maraming haring Bohemya, isang magandang halimbawa ito ng arkitekturang Gotika at tinuturing na pinakamalaki at mahalagang simbahan sa bansa. Kuha ni:Diliff

Napiling larawan
${{{Image_description}}}$	Ang paruparong Viceroy (Limenitis archippus) ay isang paruparo sa Hilagang Amerika. May kulay itim at kahel ang pakpak nito na kawangis na paruparong Monarch (Danaus plexippus). Sa Florida, Georgia, at sa Timog-kanluran, hindi gaanong karaniwang ang Monarch, at nakikibahagi ang itsura ng mga Viceroy sa Reynang paruparo (Danaus gilippus). Kuha ni: PiccoloNamek

Ang Hundred Islands National Park ay isang destinasyong panturista na matatagpuan sa Barangay Lucap, Lungsod ng Alaminos, Pangasinan, Pilipinas. Ito ang unang pambansang parke ng Pilipinas.

Binubuo ito ng 124 pulo, ngunit 123 pulo lamang ang makikita tuwing mataas na paglaki ng tubig.

Kuha ni: Emir214