Pangulo ng Pilipinas

Pangulo ng Pilipinas
Sagisag
Kasalukuyan	Gloria Macapagal-Arroyo
Nagsimula	Hunyo 30 (Tuwing ikaanim na taon)
Pagkatatag	Marso 22, 1897 (de facto) Enero 20, 1899 (de jure)

Ang Pangulo ng Pilipinas ang pinakamataas na pinuno ng Republika ng Pilipinas. Pinamumunuan ng pangulo ang Tagapagpaganap na sangay ng pamahalaan, na kinabibilangan ng Gabinete, at siya rin ang Commander-in-Chief ng Sandatahang Lakas ng Pilipinas.

Sang-ayon sa kasalukuyang saligang-batas (1987), ang pangulo ay nararapat na may gulang na 40 taon pataas, mamamayang Pilipino mula kapanganakan, at nakatira sa Pilipinas sampung taon bago ng halalan. Tuwirang ihahalal ng mga Pilipino ang pangulo na mananalo kung siya ang may pinakamalaking bilang ng boto. Magsisilbi ang pangulo ng isang termino sa loob ng anim na taon at hindi na makakatakbo muli para sa re-eleksyon, maliban kung siya ay naging pangulo sa pamamagitan ng constitutional succession at nagsilbi ng hindi hihigit sa apat na taon bilang pangulo.

[baguhin] Ang mga pangulo

Pilipinas
Ang lathalaing ito ay bahagi ng mga serye: Pulitika at pamahalaan ng Pilipinas
Pamahalaan
Kasaysayang pampulitika · Saligang-batas
Tagapagpaganap
Pangulo (tala) Gloria Macapagal-Arroyo 2001 – 2010 Pangalawang Pangulo (tala) Noli de Castro 2004 – 2010 Mga Kagawarang Tagapagpaganap (tala)
Tagapagbatas Ika-14 na Konggreso 2007 – 2010 Senado Kapulungan Pangulo Manuel Villar, Jr. Ispiker Prospero Nograles
Panghukuman
Kataas-taasang Hukuman Punong Mahistrado: Reynato Puno Hukuman ng Apelasyon · Sandiganbayan Hukuman ng Apelasyon sa Pagbubuwis · Tanodbayan
Halalan
Komisyon sa Halalan Tagapangulo: Jose Melo Pampanguluhan: 2010 | 2004 | 1998 | 1992 | 1986 | Lahat Tagapagpaganap: 2013 | 2007 | 2001 | 1995 | Lahat Reperendum / Plebisito: 1987 | 1984 | 1981
Mga partidong pulitikal Lakas-CMD KAMPI NPC NP LP UNO PDP-LABAN PMP Mga iba pa
Paghahati ng pamamahala Kabisera Mga rehiyon Mga lalawigan Mga lungsod Mga bayan Mga baranggay Mga ugnayang panlabas Websayt ng Pamahalaan Mga karapatang pantao
Mga ibang bansa · Kalipunan ng mga mapa  Portal ng Pulitika tignan • pag-usapan • baguhin

Ang Pilipinas ay nagkaroon na ng labing-apat na pangulo. Sa kabila ng pagkakaiba sa saligang-batas at ng pamahalaan, itinuturing na walang hinto ang pagkasunod-sunod ng mga pangulo. Halimbawa, ang kasalukuyang pangulo, si Gloria Macapagal-Arroyo, ay itinuturing na panglabing-apat na pangulo.

Habang kinikilala ng Pilipinas si Aguinaldo bilang unang pangulo, hindi siya kinilala ng ibang bansa dahil bumagsak ang Unang Republika sa ilalim ng Estados Unidos pagkatapos ng Digmaang Pilipino-Amerikano. Si Manuel L. Quezon ang kinilala bilang unang pangulo (at ang una na nanalo sa halalan — hinirang lamang si Aguinaldo) ng Estados Unidos at pandaigdig na kapisanang pangdiplomasya at pampulitika.

Nagkaroon ng dalawang pangulo ang Pilipinas sa isang punto sa panahon ng Ikalawang Digmaang Pandaigdig na kumakatawan sa dalawang pamahalaan. Isa ay kay Quezon na kumakatawan sa pamahalaang komonwelt at ang isa ay kay Jose Laurel na kumakatawan sa pamahalaang itinaguyod ng mga Hapones.

[baguhin] Unang Republika

• Emilio Aguinaldo: 1899-1901

[baguhin] Komonwelt ng Pilipinas

• Manuel L. Quezon: 1935-1941, 1941-1944 (namatay)
• Sergio Osmeña: 1944-1946 (nanungkulan sa pagkamatay ni Quezon)
• Manuel Roxas: 1946-1948 (naging pangulo ng Ikatlong Republika)

[baguhin] Ikalawang Republika

• Jose P. Laurel: 1943-1945

[baguhin] Ikatlong Republika

• Manuel Roxas: 1946-1948 (namatay)
• Elpidio Quirino: 1948-1949 (nanungkulan sa pagkamatay ni Roxas); 1949-1953
• Ramon Magsaysay: 1953-1957 (namatay)
• Carlos P. Garcia: 1957 (nanungkulan sa pagkamatay ni Magsaysay); 1957-1961
• Diosdado Macapagal: 1961-1965
• Ferdinand E. Marcos: 1965-1969, 1969-1972 (iprinoklama ang batas militar)

[baguhin] Panahon ng Batas Militar / Bagong Republika

• Ferdinand E. Marcos: 1972-1981 (namahala bilang isang diktator sa ilalim ng batas ng pangulo)

[baguhin] Ikaapat na Republika

• Ferdinand E. Marcos: 1981-1986 (inalis sa pwesto)
• Corazon C. Aquino: 1986

[baguhin] Ikalimang Republika

• Corazon C. Aquino: 1986-1992
• Fidel V. Ramos: 1992-1998
• Joseph E. Estrada: 1998-2001 (pinaalis sa pwesto)
• Gloria Macapagal-Arroyo: 2001 hanggang sa kasalukuyan

[baguhin] Tingnan din

• Pangalawang Pangulo ng Pilipinas

[baguhin] Mga kawing panlabas

• Opisyal na Pahina ng Pangulo ng Pilipinas
• Opisyal na Portal ng Pamahalaan ng Pilipinas
• Opisyal na Websayt ng Pilipinong Republika