Синамо

Синамо (Кинемато́граф, кино) (аз юнонӣ: κινεμα — ҳаракат ва γραφο — навиштан, тасвир кардан) — навъи санъати тасвирии муосир мебошад, ки дар асри XIX ихтироъ шуда дар айни замон машҳуртарин намуди санъат ба шумор меравад. Соҳаи саноат, ки ба истеҳсоли филмҳо банд аст, киноиндустрия ном дорад. Филмҳоро дар киностудияҳо истеҳсол мекунанд. Филмҳоро дар кинотеатрҳо (мутаҳаррик ва доимӣ), телевизион, дар шакли видеокассета ва видеодискҳо тамошо мекунанд.