Sëmundja

Sëmundja është çrregullim i funksioneve trupore, kongenitive, sociale ose shpirtërore, i cili e pengon subjektiv kondicionin dhe mirëqenien dhe ndikon negativ në qenie të gjallë. Sëmundja mund të shikohet si gjendje me procese të çrregulluara biologjike, të cilat dërgojnë te çrregullimet e funksionit dhe të ndërtimit të organizmit.

[redakto] Sëmundja dhe shëndeti

Sipas definicionit të Organizata Botërore e Shëndetësisë, shëndeti është “gjendja e mirëqenies së plotë fizike, shpirtërore dhe sociale e jo vetëm mungesa e sëmundjes dhe rraskapitja”. Është vështirë të definohet (përkufizohet ç`është shëndeti dhe sëmundja) nocioni i shëndetit dhe i sëmundjes, ndërsa në format kaluese të përkufizohet, meqë shëndetin optimal dhe sëmundjen e shprehur e lidhin në një sërë gjendjesh në të cilat mund të jetë organizmi.

Sëmundja nënkupton çrregullimin e shëndetit në kuptimin e gjerë. Sëmundja në kuptimin më të ngushtë është entitet nosologjik (nga greqishtja nosos =sëmundje) me etiologji dhe patogjenezë të caktuar dhe me dëmtime karakteristike qelizore e indore dhe me pasqyrë klinike. Ky definicion (përcaktim) është i idealizuar, meqë etiologjia dhe patogjeneza e shumë sëmundjeve ende janë të paqarta.^[1]

[redakto] Sistematika

Ndarja sistemike e sëmundjeve është në një zhvillim të vazhdueshëm. Ndarja moderne e sëmundjeve mund bëhet sipas organeve ose kriterieve të diagnozës (MDC, Major Diagnostic Categories). Një ndarje më e saktë mund të bëhet sipas sistemit ICD-10, për sëmundjet onkologjike sipas ICD-O.

[redakto] Shkaktarët e sëmundjeve

Faktorët e brendshëm:

• mplakja
• trashëgimi
• çrregullimet embrionale

Faktorët e mësipërm janë faktorë të pandryshueshëm dhe pa ndikim nga jashtë.

Faktorët e jashtëm:

• kushtet sociale
• stresi
• faktorët ekologjik
• mikrobet

Këta faktorë janë faktorë që mund të ndryshohen dhe mbi të cilët mund të ndikohet nga jashtë.

[redakto] Ecuria e sëmundjes

Sipas ecurisë dhe kohëzgjatjes, dallojmë sëmundjet:

• akute - fillojnë shpejtë
• subakute - fillojnë ngadalë
• kronike - kohëzgjatje të gjatë, me muaj dhe vite
• kronike recidive - shfaqen kohë pas kohe
• fulminante - shfaqen dhe zhvillohen shumë shpejtë

MIQ TE DASHUR .DESHIRONI SHENDET TEMIR ,DHE LARGIM PLAKJES ECNI ,ME FIRMEN AMERIKANE , QE ESHTE TU SHERU NJERZ, CDO HER ME HERBALIFE, ILAQI MIR ,NE TRUP TE RI AMIN, +38138555556flm ose herbadhurata@gmail.com

[redakto] Referencat

1. ^ Fizpatologjia, Stjepan Gamulin, et al., Botimi i tretë i plotësuar, Prishtinë, 2001

[redakto] Lidhje të jashtme

Para marrjes me seriozitet të ndonjë recepte ose informate për të aplikuar në ju ose ndonjë person tjetër ju lutemi shikoni Udhëzimin rreth artikujve të mjekësisë! Nëse ju pasi keni lexuar artikullin dhe udhëzimet mbi këto artikuj keni aplikuar përmbajtjen e artikullin në ju ose në ndonjë person tjetër atëherë ju merrni tërë përgjegjësinë mbi pasojat.