Pudor

La pudor es un sentiment especiau de vergonha que se pòt sentir davant la mòstra de parts determinadas dau còs o de foncions fisiologicas o per la manca de vestiduras. La pudor es un sentiment inculcat culturalament e es desparier segon lei societats. Dins la cultura occidentala, la pudor s'apren a partir de l'observacion dau mond adult e a travèrs lei messatges, verbaus o non (frasas, blaimes, puniments, agachs), que se dirigisson cap ai mainatges. Se focaliza subretot dins la possibilitat que d'autrei personas obsèrvan leis organs genitaus, mas tanben lei foncions sexuala e excretritz. La societat a defendut qu'es un sentiment naturau, mas s'aquerís e se transmet culturalament e es desparier segon lei culturas.