Suedés

Difusion de la lenga suedesa. Avís: aquesta mapa confond lo domeni tradicional del suedés e los domenis ont lo suedés s'es impausat al detriment d'autras lengas. Ten pas compte de las lengas autoctònas o minorizadas, coma lo lapon al nòrd, lo finlandés en Finlàndia e al nòrd-èst de Suècia e lo danés a l'extrèm sud.

Lo suedés (svenska) es una lenga germanica del nòrd d'Euròpa, amb 9 milions de locutors. La màger part son en Suècia, mas tanben i a de locutors en Finlàndia (ont es lenga cooficiala amb lo finés), dont 300 000 personas dins las zònas costièras e dins las illas Åland. Lo suedés es una de las lengas escandinavas orientalas.

Una caracteristica importanta del suedés es un reng vocalic fòrça complet, amb 17 sons possibles.