Alcòl

Un alcòl es un compausat quimic que conten un grop foncional -OH. En quimia s'apèlan alcòls los idrocarburs saturats (o alcans) que contenon un grop idroxil (-OH) en substitucion d'un atòm d'idrogèn ligat de manièra covalenta. Ça que la, se parla generalament d'alcòl per se referir a l'etanòl, CH₃CH₂OH o l'alcòl que se trapa dins las bevendas alcolicas, coma la cervesa, lo vin... Los alcòls pòdon èsser primaris, segondaris o terciaris, en foncion del nombre d'atòms d'idrogèn remplaçats per un atòm de carbòni que s'i trapa ligat lo grop idroxil.

D'exemples d'alcòls son:

alcòls primaris;

CH₃OH (metanòl)

CH₃-CH₂-OH (etanòl)

alcòls segondaris;

(CH₂OH)₂CH-OH (propantriòl, gliceròl o glicerina)

alcòls terciaris;

(CH₂OH)₃C-OH

[modificar] Nomenclatura

• Correnta (pas sistematica): Antepausant lo mot d'alcòl e en remplaçant lo sufix -an de l'alcan correspondent per -ilic. Atal, per exemple: alcòl metilic, etilic, propilic...
• IUPAC: Se remplaça lo sufix -an per -òl dins lo nom de l'alcan original e s'identifica la posicion de l'atòm de carbòni que s'i trapa ligat lo grop idroxil.

[modificar] Formulacion

Los alcòls alifatics respondon a la formula generala: C_nH_2n+1OH. I a, ça que la, fòrça tipes d'alcòls, que contenon de ligams dobles e triples, anèls aromatics o d'autres grops foncionals, e que respondon pas a aquesta formula generala.

[modificar] Proprietats generalas

Los alcòls primaris e segondaris son liquids, incolors e d'odor agradiva. Son solubles dins l'aiga en tota proporcion e son mens denses qu'aquesta. Los terciaris, al contrari, son totes solids.