Dill

Sjå òg elva Dill

Dill (Anethum graveolens) er ein krydder- og medisinplante i skjermplantefamilien som opphavleg stammar frå Sentral-Asia. Planten er eittårig og blir 40-60 cm høg, med smale blad som er 10-20 cm lange. Blad og frø blir begge brukte til å gje smak på mat.

Dillblad blir brukt som urter, helst ferske men også tørka, særleg saman med fisk og skalldyr. Frøa blir mellom anna brukte til sylting.

Dill har vore i bruk lenge blant menneska. Det eldste funnet er frå yngre steinalder i Sveits. Ein har også funne kvastar i faraograva til Amenhotep II.

Commons har multimedia som gjeld: Dill

Denne biologiartikkelen er ei spire. Du kan hjelpe Nynorsk Wikipedia gjennom å utvide han.