मे ८

मे ८ हा ग्रेगरी दिनदर्शिकेनुसार वर्षातील १२८ वा किंवा लीप वर्षात १२९ वा दिवस असतो.

[संपादन] ठळक घटना आणि घडामोडी

[संपादन] सोळावे शतक

• १५४१ - स्पॅनिश शोधक हर्नान्दो दि सोटो मिसिसिपी नदीच्या मुखाजवळ पोचला. त्याने या नदीचे नाव रियो दे एस्पिरितु सांतो असे ठेवले.

[संपादन] अठरावे शतक

• १७९४ - फ्रेंच क्रांतीच्या काळात सरकारी नोकर असलेल्या रसायनशास्त्रज्ञ आँत्वान लेवॉइझियेला पकडून खटला चालवण्यात आला व संध्याकाळच्या आत त्याचा गिलोटिन वर वध केला गेला.

[संपादन] एकोणिसावे शतक

• १८४६ - मेक्सिकन-अमेरिकन युद्ध-पॅलो आल्टोची लढाई.
• १८६१ - अमेरिकन गृहयुद्ध - दक्षिणेने रिचमंड, व्हर्जिनिया आपली राजधानी असल्याचे जाहीर केले.
• १८८६ - डॉ.जॉन स्टाइथ पेम्बरटनने कोका कोला प्रथमतः तयार केले.
• १८९६ - इंग्लिश काउंटी क्रिकेट स्पर्धेत यॉर्कशायरने वॉरविकशायर विरुद्ध ८८७ धावांची विक्रमी खेळी केली.
• १८९९ - रँड वधाच्या प्रकरणी फितुरी करणार्‍या द्रविड बंधूंना ठार मारणार्‍या वासुदेव चाफेकर यांना फाशी.

[संपादन] विसावे शतक

• १९०२ - मार्टिनिक बेटावर माउंट पेली या ज्वालामुखीचा उद्रेक. सेंट पियरे हे शहर उद्ध्वस्त. ३०,००० ठार.
• १९३३ - महात्मा गांधींचे २१-दिवसांचे उपोषण चालू.
• १९४५ - दुसरे महायुद्ध-युरोप विजय दिन - जर्मनीची दोस्त राष्ट्रांसमोर बिनशर्त शरणागती. युरोपमधील युद्ध समाप्त.
• १९४५ - सेटीफची कत्तल - फ्रांसच्या सैन्याने अल्जिरियात हजारो नागरिकांना ठार मारले.
• १९७३ - अमेरिकेच्या दक्षिण डाकोटा राज्यातील वुन्डेड नी येथील मूळ अमेरिकन व्यक्तिंचा ७१ दिवस चाललेला वेढा बिनशर्त शरणागती नंतर उठला.
• १९७४ - कॅनडाचे सरकार अल्पमतात येउन कोसळले.
• १९८४ - सोवियेत संघाने लॉस एंजेल्समधील तेविसावे ऑलिंपिक खेळांवर बहिष्कार टाकला.
• १९८४ - डेनिस लॉर्टीने कॅनडातील क्वेबेक प्रांताच्या विधानसभेत गोळ्या चालवल्या. ३ ठार. १३ जखमी.
• १९९७ - चायना सदर्न एरलाईन्सचे बोईंग ७३७ जातीचे विमान शेंझेन विमानतळावर उतरत असताना कोसळले. ३५ ठार.

[संपादन] एकविसावे शतक

• २००७ - उत्तर आयर्लंडमध्ये सत्तांतर.

[संपादन] जन्म

• १७५३ - मिगेल हिदाल्गो, मेक्सिकोचा स्वातंत्र्यसैनिक.
• १८२८ - ज्यॉँ हेन्री ड्युनांट, रेड क्रॉसचा संस्थापक.
• १८८४ - हॅरी ट्रुमन, अमेरिकेचा राष्ट्राध्यक्ष.
• १९१६ - स्वामी चिन्मयानंद, भारतीय तत्त्वज्ञानी.
• १९२५ - अली हसन म्विन्यी, टांझानियाचा राष्ट्राध्यक्ष.
• १९३८ - जावेद बर्की, पाकिस्तानी क्रिकेट खेळाडू.
• १९७० - मायकेल बेव्हन, ऑस्ट्रेलियन क्रिकेट खेळाडू.
• १९६१ - रियाझ पूनावाला, संयुक्त अरब अमिरातीचा क्रिकेट खेळाडू.

[संपादन] मृत्यू

• ५३५ - पोप जॉन दुसरा.
• १२७८ - दुआनझॉँग, चीनी सम्राट.
• १३१९ - हाकोन पाचवा, नॉर्वेचा राजा.
• १७७३ - अली बे अल-कबीर, इजिप्तचा सुलतान.
• १८१९ - कामेहामेहा, हवाईचा राजा.
• १९८२ - आत्माराम रावजी देशपांडे उर्फ कवि अनिल, मराठी कवी.

[संपादन] प्रतिवार्षिक पालन

• जागतिक रेडक्रॉस दिन.
• युरोप विजय दिन.

मे ६ - मे ७ - मे ८ - मे ९ - मे १० - (मे महिना)