3 август

3 август е 215-иот ден во годината според григоријанскиот календар (216-и во престапна година). Остануваат 150 денови до крајот на годината.

Логото на НБА

[уреди] Настани

• 1909 - Во Солун почна Основачкиот конгрес на Народната федеративна партија на која беа усвоени правците и задачите на партијата и беше избрано партиско раководство на чело со Димитар Влахов.
• 1936 - Џеси Овенс го освојува својот прв златен медал на Олимпијадата во Берлин каде во финалната трка го победува Ралф Меткалф.
• 1946 - Во САД се основа Националната Кошаркарска Асоцијација.
• 1960 - Нигер се стекнува со независност од Франција.
• 2002 - Турција ја укина смртната казна

[уреди] Родени

• 1832 - Иван Зајц, хрватски композитор, диригент, пијанист и музички педагог, втемелувач на хрватската опера. Умре во Загреб, на 26 декември 1914 година.
• 1882 - Алојз Градник, словенечки преведувач и поет и на националниот отпор против угнетувањето. Негови најпознати збирки песни се Ѕвезди што паѓаат, Златни скали и Песни за Маја. Умре во Љубљана, на 14 јули 1967 година.
• 1926 - Тони Бенет, американски пејач.
• 1959 - Коичи Танака, јапонски хемичар и Нобелов лауреат.
• 1979 - Еванџелин Лили, канадска популарна актерка и манекенка, позната по својата улога во Изгубени.

[уреди] Починати

• 1857 - Ежен Си, француски писател.
• 1902 - Лазар Москов, еден од најпознатите македонски револуционери. По завршувањето на класичната гимназија во Битола, разви организациона дејност во Костурско. Таму тој стана еден од поактивните организатори на ВМРО и со својата агитација и пропаганда ја подигнуваше револуционерната свест и борбеноста на македонскиот народ. Роден е во селото Д'мбени во 1877 година.
• 1924 - Џозеф Конрад, британски писател со полско потекло, автор на Срце на темнината.