Wikipedia:Kontakt

Dës Säit erkläert Iech, wéi Dir d'Wikipedia an d'Mënschen déi hei schaffe kontaktéiere kënnt. Well de Projet immens oppen ass, gëtt et meeschtens kee fixen Uspriechpartner. Hannert all dëse Méiglechkeete stinn ausschlisslech fräiwëlleg Mataarbechter.

Vill Froë goufe scho gestallt an an der FAQ beäntwert.

• Froen zu Wikipedia, wéi een Artikele schreift etc.
• Froen zu engem eenzelnen Artikel
• Vandalismusmeldungen
• Copyright a Lizenz

• Déi meeschte Wikipedianer luussen e puer mol am Dag an de Stamminet wou mer iwwert allgemeng Saachen zu der Wikipedia poteren, a Konflikter zesumme probéieren ze léisen.
• Bei spezifesche Froe kann een se och op eiser Froesäit stellen, wou déi aner Wikipedianer engem hëllefe kënnen.
• Wann et mat der Sprooch happert, an engem dat eent oder anert Wuert op der Zong läit, ass eise klengen Dictionnaire eng Hëllef.

Wikipedia gëtt vun der Wikimedia Foundation bedriwwen, déi hire Sëtz a Florida, USA huet. Si kann ënnert folgender Adress erreecht ginn:

   Wikimedia Foundation Inc.
   200 2nd Ave. South #caf7ff
   St. Petersburg, FL 33701-4313
   United States of America
   Telefon: +1-727-231-0101
   E-Mail: jwales@wikia.com  

Journalisten, déi sech fir Wikipedia interesséieren, sollen sech un d'Bürokrate vun der Lëtzebuerger Wikipedia wennen. Dëst sinn de Cornischong an d'Briséis. Weider Administratore kënnen Iech awer och weiderhëllefen.

All Benotzer deen ugemellt ass, huet op der Wikipedia eng Diskussiounssäit, wou een him Noriichten hannerloosse kann. Wann de Benotzer eng E-Mail-Adress uginn huet, kann een him selbstverständlech och eng E-Mail schécken.

Wéi ee Feeler an der Software melle kann, gëtt op MediaZilla erkläert. Et lount sech natierlech, virdru bei den anere Wikipedianer nozefroen, op e Problem bekannt ass an op viläicht deen een oder aneren dee selwechte Problem bei sech doheem huet. Schwéier technesch Problemer kënnen op Englesch och ënnert noc@wikimedia.org gemellt ginn. Support-Ufroe ginn hei allerdéngs net beäntwert.