Geschirkëscht
Ënnerprefecture
D’ Ënnerprefecture ass de Chef-lieu vun engem franséischen Arrondissement. Den Ausdrock „Ënnerprefecture“ bezeechent och d’Gebai vun der Administratioun, déi ënnert der Autoritéit vum Sous-préfet steet, dee vun engem Generalsecrétaire assistéiert gëtt.
[änneren] D’Roll vun der Ënnerprefecture
De Sous-préfet ass a sengem Arrondissement den Delegéierte vum Préfet. Hien vertrëtt d’staatlech Autoritéit:
- Hien iwwerwaacht d’Anhale vun de Gesetzer a Reglementer an d’ëffentlech Sécherheet,
- Hie coordinéiert déi staatlech Déngschter, besonnesch am Zesummenhank mat der Landesplanung an der lokaler Entwécklung,
- Hien hëllt Deel un der Iwwerwaachung vun de Verwaltungsdéngschter an hie beréit déi local Kollektivitéiten.
De Préfet kann himm speziell Missiounen uvertrauen, sief et temporär oder permanent, souguer baussent de Grenze vum Arrondissement oder Departement.
Wann och d’Missioune vun der Ënnerprefecture deene vun der Prefecture gläichen, sou bleift den Arrondissement dach dee Verwaltungsniveau, deen de perséinleche Kontakt tëscht Verwaltung a Bierger méiglech mécht a wou d’Berodung, d’Schlichtung an d’Ofbaue vu Spannungen eng wichteg Roll ze spillen huet.
Den Arrondissement vum Chef-lieu vun der Prefecture huet keng eegen Ënnerprefecture. Do iwwerhëllt de "secrétaire général de la préfecture" d’Fonktioun vum Sous-préfet.
[änneren] Charakteristike vun de Sous-préfeten
Sou wéi d’Préfeten ginn och d’Sous-prefeten duerch d' École nationale d'administration (ENA) rekrutéiert.
Vum 10. Mee 1982 bis de 29. Februar 1988 haten d’Sous-prefeten den Titel "commissaire adjoint de la République".
