Vicipaedia:Nuntii

Quid novi est

Index

[recensere] 2008

9 Maii Sancta Sedes novam paginam officialem interretialem Lingua Latina creavit, vide[1]
2 Maii—Typhon marinus Nargis nomine, Mare Indico natus die 27 Aprilis 2008, in Birmaniam incidit; secundum nuntios diei 6 Maii homines circa 22,000 interfecit.

Birmania et post adventum typhonis (ad inferiorem partem) et antea

2 Maii—Boris Johnson ut praefectus urbis Londinii a populo Londiniensi electus esse nuntiatur, Kennetho Livingstone ab eodem munere deiecto.
1 Maii—Dies Laboris et dies ascensionis Domini, festa mobilis Christianismi occidentalis, in unum diem incidunt—quod ante proxime factum est anno 1913 et denuo proxime fiebit anno 2160.
15 Aprilis—Papa Benedictus XVI Vasingtoniam advenit, et a Praeside Bush prope aeroplanum salutatus est.
5 Aprilis—Mortuus est Charlton Heston, illustris pellicularum histrio .
18 Martii—Mortuus est Arthurus Clarke, librorum de rebus futuris scriptor Anglicus.
17 Martii—Mortuus est Antonius Minghella, moderator cinematographicus Anglicus

Dalai Lama XIV

14 Martii—Seditiones monacorum populique Thibetanorum reprimuntur a vigilibus sinensibus. Dalai Lama et ministri in exsilio accusant Sinam quod occiderent centum homines.
12 Martii—Petrolei dolium vulgo barrel primum post hominum memoriam pluris septuaginta Euronibus stetit.
12 Martii—Euro primum postquam anno 2001 in Europa introductus est pluris stat quam unum dollarium civitatum foederatarum Americanarum et 55 centesima.
6 Martii —Gustaw Holoubek histrio egregius polonus obiit Varsoviae.
27 Februarii—Euro primum ex sua institutione (anno 2001) pluris stat quam unum et dimidium dollarium civitatum foederatarum Americanarum.
30 Ianuarii—Benus Bernanke usuram Systematis Aerarii Foederalis iterum minuit hoc tempore dimidia centesima parte. Haec usura nunc stat ad tres centesimas partes.
27 Ianuarii—mortuus est Suharto, vir publicus et militaris Indonesiae.
26 Ianuarii—mortuus est Georgius Habash, dux Frontis Popularis pro Liberatione Palaestinae.
26 Ianuarii—Baracus Obama, praesidentialem Factionis Democraticae nominationem contra Hillariam Clinton et Ioannem Edwards petens, in primaria Carolinae Meridionalis electione victoriam permultis suffragiis reportavit.
24 Ianuarii—Senatus Italianus Romano Prodi fidem negat; primus minister Italianus se abdicavit.
22 Ianuarii—Iam secundus est dies quo ad bursas orbis terrarum ursi bursarii regnant; sortium pretia valde minuta sunt. Benus Bernanke usuram Systematis Aerarii Foederalis tribus partibus minuit. Haec usura nunc stat ad tres et dimidiam centesimas partes.
22 Ianuarii—Heath Ledger, actor Australianus, obiit Manhatae in Urbe Novo Eboraco, 28 annos natus.
17 Ianuarii—Robertus Fischer, illustris lusor scaccorum, obiit.
8 Ianuarii—Londinii uncia aurei primum post hominum memoriam pluris 870 CFA dollariis stetit.
3 Ianuarii—Petrolei dolium vulgo barrel primum post hominum memoriam pluris centum CFA dollariis stetit.

[recensere] 2007

27 Decembris 2007—Benazir Bhutto, notissima vitae publicae Pakistaniensis femina, bis prima ministra, in insidiis tromocraticis quae multas alias victimas fecerunt necata est.

7 Decembris 2007—Carolus Henricus Stockhausen, inclutus compositor, obiit.

30 Novembris 2007—Secunda pontificatus papae Benedicti XVI encyclica, de spe, sub titulo Spe Salvi, promulgata est.

22 Novembris 2007—Mauritius Béjart, inclutus orbis saltator et choreographus, Lausonii obiit.

20 Novembris 2007—"Lupercal," antrum quo olim Romulus et Remus a lupa mammati esse dicuntur, Romae ab archaeologicis inventum esse putatur.

Vicinuntii – Nuntii pluris…

[recensere] 2006

1 Iulii, Finnia Europeam Unionem praesidet, quod etiam significat maiorem visibilitem Latinae linguae quia adhibitur solemne a Finnis.
9 Iunii - 18^um FIFAe Certamen Mundalis Pediludii in Germania incipit.
- 9 Iulii - Italia certamen vincit, Francogallia secunda, Germania tertia, Lusitania quarta.
3 Maii, Gallia: causa Clearstream: abdicaturusne Dominicus Villepinensis, primus minister rei publicae, post mendacia ?
11 Aprilis In Italia, Romanus Produs e laevis mediis partibus vincit Silvium Berlusconum e dexteris partibus in ancipitibus electionibus.
10 Aprilis In Gallia, Foedus primi muneris "suffectum".
Martii Quadriennio obsides est Franco-Colombiana Ingrida Bettancourt. Multi alii Colombiani capti a Farc exercitu liberationem sperant in silva. Praesidens Urribis condiciones negat.
28 Martii Confessor Abdul Rahman liberatus est ab afganis, a quibus capiti fuit damnaturus propter suam in fidem catholicam conversionem de fide Islamica.
Martii In Gallia , demonstrationes in Foedus Primi Muneris ( contrat première embauche : CPE)conflagrant. Universitates lyciaque obsiduntur. Eversores autem vehicula tabernasque rumpunt.
16 Februarii Photogrammata tormentorum in carcere Abou Graib eduntur. Civitates foederatae damnantur.
16 Februarii Influenza avium Europam contingit. Cycnus mortuus viro morbidissimo H5N1 invenitur in porto vici piscatorum Cellardike in Fife comitate in Scotia.
15 Februarii Chiraco statuente, belli navis Clemenceau reddit in Galliam.
10 Februarii in Taurino: aperiuntur ludi olympici in Piedemontio (Italia).
25 Ianuarii, Vaticanus: Benedictus XVI (Sextus Decimus) edit primam encyclicam epistulam,Deus caritas est

[recensere] 2005

7 Decembris: Vicipaedia paulo minus libera: Iohannes autem Seigenthaler questus est de vita sua in Vicipaedia Anglica scripta quod nullo ratione dictus erat ille in mortis Iohannis Kennedy suspectus esse. Regula vicipaediae scrutitura sunt.
23 Novembris: Angela Merkel cancellaria Germaniae in Galliam ivit ut praesidenti Galliae, Iacobus Chiracus, occureret, atque quo fortiores inter duas nationes nexus essent.
22 Novembris: Angela Merkel cancellaria Germaniae electa est.
Novembris Insidiae tromocraticae in Iordania
3 Novembris: professores galli occupant cum tabernaculo aggerem ante aedes rectoris educationis nationalis in urbe Creteil ut dimisioni intercedant
1 Novembris: seditiones vastant Sequanam-Sancti-Dyonisi( Seine St Denis) post mortem duorum iuvenum in saepto electrico cum agentes custodiae publicae eos sequerentur. Multae autoraedae et aedificia publica (scholae, gymnasia saeptaque uehiculorum publicorum) arserunt.
1 Octobris: Insidiae tromocraticae Kutae Iembaranaeque, urbes in insula Indonesiae Balorum. Interfecti sunt viginti duo minimum homines; fortasse quinquaginta ceterorum iniurias acceperunt.
29 Augusti: Typhon marinus nomine Katrina magna vi Novum Aurelianum oppugnavit et aggeribus perforatis maximam partem vastavit. Omnes incolae urbem relinquere debuerunt.
1 Augusti: Fahd Arabiae Saudianae rex diem summum agit, cui succedit frater consanguineus, Abdullah.
29 Iulii: Nuntiatur "decimam planetam" Systematis Solaris repertam esse, quae pro tempore nomine 2003 UB₃₁₃ designatur.
7 Iulii: Insidiae tromocraticae in ferrivia subterranea Londinii
6 Iulii: Electum est Londinium urbs in qua Ludi Olympici aestate anni 2012 habendi sunt.
2 Iulii: "Live 8" series concentuum musicorum misericordiae in novem urbibus mundi: (Londinii, Philadelphiae Barriae, Moscuae, Berolini, Ioannisburgi, Tokii, Romae, Lutetiae)
19 Aprilis: "Habemus Papam"—novus Pontifex Maximus Ecclesiae Catholicae nuntiatur Iosephus Cardinalis Ratzinger nomine Benedictus XVI.
6 Aprilis : Rainerius III, princeps Monoeci, obit.
2 Aprilis : Ioannes Paulus II papa diem obit.
26 Martii : BBC Radio 3, Plinius Maior, "Naturalis Historia" lingua Latina
14 Ianuarii : Instrumentum exploratorium Hugenianum (a Cassiniano) in superficie Titanis, Saturni lunae, appulsum est.