Papa

Haec pagina de summo pontifice Ecclesiae Catholicae Romanae explicat. Si quod quaeris etiam "Papa" appellatur, vide Papa (discretiva).

Papa Innocentius III

Papa (-ae, masc.) est Summus Pontifex Ecclesiae Catholicae Romanae. Secundum doctrinam ecclesiae Catholicae, Papa est successor Sancti Petri, et munus universae ecclesiae Christianae regendae gerit.

Origo ministerii Petrini funditur in illis Christi verbis, dicentis Simoni coram suis apostolis:

"Tu es Petrus, et super hanc petram aedificabo ecclesiam meam, et portae inferi non praevalebunt adversum eam et tibi dabo claves regni caelorum et quodcumque ligaveris super terram erit ligatum in caelis et quodcumque solveris super terram erit solutum in caelis" (Mat 16:18-19)

Natura huius ministerii ab ecclesia semper interpretatur esse constantam in tempore, aliquo semper id exercente in ecclesia. Cum Petrus Romam pervenerit, et ibi munere episcopali functus sit, et ibi mortuus, Episcopi Romani semper soluerunt officium hoc. Iam a veterrimis temporibus, ministerium paparum fuit non tantum erga Romam, sed ad universalem ecclesiam. Itaque Papa Clemens I (tertius post Petrum) scripsit ad Ecclesiam Corinthiorum ut pater, eos adiuvens et monens in vita eius ecclesiae. Natura huis muneris per historiam ecclesiae semper est adaptata ad necessitates temporis, sed essentialiter semper idem est.

In Codice Iuris canonici sic definiuntur munus et auctoritas Summi Pontificis:

"Can. 330—Sicut, statuente Domino, sanctus Petrus et ceteri Apostoli unum Collegium constituunt, pari ratione Romanus Pontifex, successor Petri, et Episcopi, successores Apostolorum, inter se coniunguntur.

"Can. 331—Ecclesiae Romanae Episcopus, in quo permanet munus a Domino singulariter Petro, primo Apostolorum, concessum et successoribus eius transmittendum, Collegii Episcoporum est caput, Vicarius Christi atque Universae Ecclesiae his in terris Pastor; qui ideo vi muneris sui suprema, plena, immediata et universali in Ecclesia gaudet ordinaria potestate, quam semper libere exercere valet.

"Can. 333—§1. Romanus Pontifex, vi sui muneris, non modo in universam Ecclesiam potestate gaudet, sed et super omnes Ecclesias particulares earumque coetus ordinariae potestatis obtinet principatum, quo quidem insimul roboratur atque vindicatur potestas ordinaria, propria et immediata, qua in Ecclesias particulares suae curae commissis Episcopi pollent.

§2. Romanus Pontifex, in munere supremi Ecclesiae Pastoris explendo, communione cum ceteris Episcopis immo et universa Ecclesia semper est coniunctus: ipsi ius tamen est, iuxta Ecclesiae necessitates, determinare modum, sive personalem sive collegialem, huius muneris exercendi.

§3. Contra sententiam vel decretum Romani Pontificis non datur appellatio neque recursus."

Nunc papa a cardinalibus in conclavi eligitur, et papa in Civitate Vaticana habitat. Papa hodiernus est Benedictus XVI, olim Iosephus Aloisius Cardinalis Ratzinger (natus die 16 Aprilis 1927 in Marktl ad Aenum, regione Altötting in Bavaria); ille est papa ducentensimus sexagensimus quintus Sanctae Ecclesiae Catholicae.

Index

[recensere] Tituli et Insignia

Papa Benedictus XVI

Papae tituli sunt:

Episcopus Romanus
Vicarius Christi
Successor principis apostolorum
Caput Universalis Ecclesiae
Summus Pontifex Ecclesiae Universalis^[1] vel Pontifex Maximus
Patriarcha Occidentis (unus ex quinque patriarchis antiquis: Roma, Constantinopolis, Alexandria, Antiochia, et Hierosolyma; hanc titulationem Benedictus XVI in Annuario Pontificio 2006 omitti constituit)
Primas Italiae
Archiepiscopus et metropolitanus provinciae ecclesiasticae Romanae
Princeps sui iuris civitatis Vaticanae
Servus Servorum Dei

Papae insignia sunt:

Tiara sive Triregnum (a Papa Paulo VI abrogata)
Pallium
Fanon
Subcinctorium
Mantum Papale
Annulus piscatoris
Camaurus
Sedes gestatoria
Flabella
Insignia episcopalia

Caerimonia incoronationis papae (a Papa Ioannis Paulo I reformata in modum quasi anniversarium) includebat ritus "Sic transit gloria mundi."

Benedictio urbi et orbi est solemnis benedictio papae, ut episcopo Sanctae Romanae Ecclesiae ("urbi") et pastori universali ("orbi") reservata, proclamata in sollemnitatibus maximis, id est Natali Iesus Christi et Paschae.