Iohannes Sebastianus Bach

Iohannes Sebastianus Bach, 1746.

Iohannes Sebastianus Bach (Theodisce: Johann Sebastian Bach; natus Ysenaci 21 Martii 1685; obiit Lipsiae 28 Iulii 1750) fuit compositor Theodiscus organistaque praeclarus Aevo Baroca.

Index

[recensere] Vita

Bach erat excellentissimus musicae creator: consummavit ac perfecit traditiones praecurrentes musicamque aetatum posteriorum usque ad dies nostros permanenter inspirat.

Vitae suae circulus localis tam restrictus erat quam spiritus sui circulus scientiae universalis. Neque Italiam visitavit neque Franciam. Civitates principesque quorum musicae fuit director in media Germania tantum inveniuntur. Tamen in operibus suis totius Europae modos musicales sibi assimilavisse et in altum duxisse videtur.

Post nonnullas stationes praevalente Ecclesia Sancti Bonifatii Arnstadio, Ecclesia Sancti Blasii Mulhausae Thuringorum, Castellum Wimarii, Castellum Cothenae sustinuit dignitatem et obligationes cantoris Ecclesiae Sancti Thomasi Lipsiensis usque ad finem vitae suae.

Bach religione Christiana Lutherana toto corde adhaerebat. Magna operum suorum copia pro cultu divino facta est. In oratoriis et cantatis, tam verba biblica quam cantiones ecclesiae Lutheranae nec non poeses contemplativas ad gustum contemporaneum profunde interpretatus est, quam ob causam saepe praedicatorem esse dicitur musicalem. Eminent Missa, Magnificat, et aliae compositiones in lingua Latina, sed et musicae saecularis genera omnia ei familiaria erant excepta opera quae appellatur. Musicam vero omnem, et sacram et saecularem, Bach insigne Dei donum ac mentis eius in terra imaginem esse credidit, quod opera sua subscribendo "Soli Deo Gloria" vel "S.D.G." expressit.

In Concertis Brandenburgensibus, Passione Domini nostri Iesu Christi secundum Matthaeum, Missa solemni toni Si minoris, hymno Iesu, gaudium meum, et Arte fugae, ultima et optima paene ad genera singularia musicae Occidentalis contributa confecit.