Collipo (districtum)

Collipo est districtum Lusitaniae (Luse Distrito de Leiria), inter provincias traditionales Ripae Litoralis et Extremorum Durii divisum. Septemtrione Districto Aeminio, Oriente Districtis Castris Leucis et Scalabe, Meridie Districto Olisiponensi et Occidente Oceano Atlantico finitimum. Superficies est 3517 km² (ergo 13 maximum Lusum districtum), 477 967 incolis inhabitantibus. Sedes districti est urbs Collipo.

148 parochias (Luse freguesias) in suis 16 conciliis sive municipiis habet.

[recensere] Concilia sive municipia et divisio per regiones

Districtum Colliponense subdividitur in haec 16 municipia sive concilia:

Situs Districti Colliponis

In praesenti principali nationis divisione, districtum in Regione Centro omnino continetur, suis municipiis se distribuentibus per subregiones Septemtrionis (Luse Oeste) (quae in Regionem Centrum anno 2002 translata est, minuta area Regionis Olisiponis et Vallis Tagi (Luse Lisboa e Vale do Tejo), Pineti Litoralis (Luse Pinhal Litoral) et Pineti Interioris Septemtrionalis (Luse Pinhal Interior Norte). Summatim:

• Regio Centrum
  • Septemtrio (subregio Lusa)
    • Alcobatia
    • Bombarralia
    • Calidae Reginae
    • Eburobrittium
    • Nazara
    • Penizia
  • Pinetum Interius Septemtrionale
    • Albaiazaria
    • Ansio
    • Castanearia Petrae
    • Figarium Vinorum
    • Petroco Magnus
  • Pinetum Litorale
    • Collipo
    • Machopolis
    • Marina Magna
    • Pombalum
    • Portus Molis

[recensere] Incolae

Concilium cum maximo numero incolarum Collipo est, quod unum cum amplius 100 000 incolarum est. Excepto Collipone, solum Alcobatia, Calidae Reginae et Pombalum amplius 50 000 incolarum habent.

Concilia Boreali Oriente sita incolas amiserunt ultimis annis.

Collipo unum concilium cum minima percentatione incolarum amplius 65 annos natorum est.

Collipo, Calidae Reginae et Marina Magna concilia quorum numerus incolarum plus auxerunt sunt.

[recensere] Politia

Castanearia Petrae et Portus Molis a Partibus Socialistis, Penizia et Marina Magna a Partibus Communistis Portugalliensibus et caetera a Partibus Socialibus Democraticis gubernantur.

[recensere] Catalogus gubernatorum et eorum mandatorum

• Henricus Pereira do Vale a 26 Iunii 1926 ad 18 Aprilis 1929
• Antonius Manuel Pereira a 18 Aprilis 1929 ad 18 Februarii 1930
• Iosephus Rodrigues da Silva Mendes a 18 Februarii 1930 ad 9 Septembris 1931
• Manuel Iosephus Ribeiro Ferreira a 09 Septembris 1931 ad 19 Aprilis 1933
• Iosephus Rodrigues da Silva Mendes a 19 Aprilis 1933 ad 24 Aprilis 1935
• Franciscus Iosephus Valdez Trigueiros M. Patrício a 26 Aprilis 1935 ad 25 Martii 1936
• Marius de Vasconcelos a 25 Martii 1936 ad 26 Octobris 1944
• Acacius Sampaio Correia de Paiva a 26 Octobris 1944 ad 02 Decembris 1947
• Alphonsus Eduardus Martins Zúquete a 02 Decembris 1947 ad 29 Maii 1951
• Ioannes Ferreira Dias Moreira a 29 Maii 1951 ad 14 Februarii 1959
• Olympius Duarte Alves a 14 Februarii 1959 ad 12 Novembris 1968
• Iosephus Damasceno Campos a 20 Novembris 1969 ad 28 Februarii 1974
• Manuel dos Santos Machado a 6 Martii 1974 ad 25 Aprilis 1974
• Ludovicus Antonius de Almeida Trindade a 25 Aprilis 1974 ad 9 Octobris 1974
• Ioachim da Rocha Silva a 9 Octobris 1974 ad 23 Februarii 1979
• Iosephus Augusto Santos da Silva Marques a 23 Februarii 1979 ad 21 Februarii 1980
• Rodericus Manuel Lemos Garcia da Fonseca a 21 Februarii 1980 ad 16 Decembris 1991
• Franciscus Manuel dos Santos Coutinho a 16 Decembris 1991 ad 18 Novembris 1995
• Iulius da Piedade Nunes Henriques a 18 Novembris 1995 ad 21 Novembris 1996
• Carolus Ascenso André a 22 Novembris 1996 ad 30 Aprilis 2002
• Iosephus Antonius Leitão da Silva a 30 Aprilis 2002 ad 4 Aprilis 2005

[recensere] Activitas oeconomica

In praesenti, districti oeconomica dynamis generis urbani industrialis praecipue est, cum solum aliquibus conciliis in quibus necessariae condiciones industriali impetui nondum iunctae sunt, et quae igitur praesertim agricolaria et ruralia manent.

Secundum Consocietatem Effectoriam Colliponensem (Luse Associação Empresarial de Leiria, NERLEI), campus primarius in districto, in eo quod attinet ad nationale totum, producit: 80% pirorum, 35% malorum, 20% persicorum, 15% vinorum qualitatis, 50% suinicolarium rerum, 19 500 ha. pineti in continuo regimine, 8 200 ha. communitariae silvae, 17% piscatus et magnam partem casei Rabatialis (Luse Rabaçal) nominati.

Quod attinet ad campum secundarium, Collipo principale districtum metallicas formas fabricans est cum magno pondere etiam industriarum extravivae, transformativae et exstructionis civilis. Adhuc ita, fama bona ergastericae notae vitrum, materiam plasticam, lignum, opera textoria et res agroindustriales comitatur, dum districtorum unum cum maximo indice excellentiae (Luse PME/Excelência) est. Industria praesertim in conciliis Colliponis, Alcobatiae, Marinae Magnae, Pombali et Calidarum Reginae est, quae 70% unitatum industrialium districti et 75% laborum in hoc campo praestat.

Interea, campus tertiarius amplius 50% totius effectorii textus in districto assumit, cuius numerus incolarum activus progressive ultimis annis auxit. Hoc incrementum eadem ratione incrementi hami principalium urbanorum centrorum admodum accidit, superans iam amplius 40%. Amplius 70% societatum effectoriarum huius campi ad commercium pertinet, dum diaconiae praeponderans operculum cum principalibus argentariis et maximi ponderis cautionibus, iuxta atque habent bonam praesentiam societatum transvectionalium, diaconiarum valetudinariarum privatarum publicarumque et notabilis retis scholaris e praeprimaria ad superiorem, cum variis generis Universitatum privatarum et sex Scholarum Superiorum Instituti Polytechnici Colliponensis (Luse Instituto Politécnico de Leiria), in Collipone, in Calidis Reginae et Peniziae. Etiam prelum, locutum et scriptum, in districto delegationes principalium organorum nationalium habet.

[recensere] Infrastructurae

De hamaxostica transvectione, debilitas verificatur propter visibile Ferriviae Septemtrionalis declive. Nihilominus, haec res cum futurae ferriviae magnae velocitatis definitionem mutari poterit. Concilio Pombalensi Ferrivia Septemtrionalis, praecipua Lusa ferrivia servit.

De autocinetico rete, districtum autoviis A1, et A8, usque ad urbem Colliponem transitur, dum accessus caeterorum conciliorum Itineribus Principalibus et Itineribus Complementariis expediuntur.

Possibilitate apertionis civili transitui aerodromi militaris Montiregaliensis adhuc vigente, futurus aeriportus Otensis huic regioni benefaciet.

Sunt etiam praecipui portus piscatorii Peniziae et Nazarae, dum areae industriales, rete gasii naturalis, commeatus aquae et canalizatio basica paene omnia concilia operit.

[recensere] Patrimonium

[recensere] Concilium Albaiazaria

[recensere] Concilium Alcobatia

[recensere] Concilium Ansio

[recensere] Concilium Bombarralia

[recensere] Concilium Calidae Reginae

[recensere] Concilium Castanearia Petrae

[recensere] Concilium Collipo