Archaeologia

Porta·Vicipaediae · Scientiae·Humanae
Archaeologia · Civilitas · Geographia · Historia · Ius · Linguistica · Oeconomia · Philosophia · Psychologia · Sociologia

Cavatores Pompei

Archaeologia (-ae, f.) est scientia exstantium antiquitatum. Sic multum historiae confert. Nam scientiam rerum antiquarum et historiae auxilium non solum a scriptis sed etiam ab aedificiis, supellectili, ornamentis,sepulchris ceterisque rebus ad humanam vitam pertinentibus quae supersunt ducit.

Nomen "archaeologia" a verbis Graecis ἀρχαῖος (archaios, "antiquus") et λόγος (logos, "studium") originem ducit.

Archaeologia nationum aliarum alia est. Continentes (id est, Africa, Europa, Asia, America et Terra Australis) multas classificationes tenent. Archaeologia romana, arabica, graeca aut poenica exempli Europae sunt, archaeologia aztecarum aut maiarum Americae.

Classificatio archaeologiae in nationibus ista:

- Archaeologia Mediterranea sive Graecoromana et Punica
- Archaeologia Imperii Byzantini
- Archaeologia Europaea sive Medii Aevi
- Archaeologia Aegyptica et Mesopotamica
- Archaeologia Americana: Archaeologia Mexicana Archaeologia Andinaque divisa est
- Archaeologia Sinensis sive Orientalistica

[recensere] Methodae

Methodae traditionales archaeologicae sunt excavatio et analysis stilistica rerum repertarum. Hodie etiam methodae physicae chemicaeque biologiaeque accedunt, per exemplum

methoda radiocarbonica, quae ex relatione inter ¹⁴C et ¹²C supputat vetustatem rerum.
analysis pollinum de climate et vegetatione certiorem facit.
photographia aerea et prospectio magnetometrica monumenta subterranea quasi detegunt, sed inexcavata intactaque praeservant.