Sida

Kidimbu ya nwanu na sida

Sida kele maladi, yina bebisa kiyeka ya nitu ya kunwana maladi ya nkaka. Zina «sida» kwiza tuka kifwalansa «syndrome de l'immunodéficience acquise».

Maladi ya sida kele mingi na ntoto muvimba. Na Afrika, yau mene mwangana ya kuluta bansi ya nkaka. Yau kele mawa mingi, mpamba ve, maladi yina me mwangana mingi kibeni na bampangi na beto ya bankento mpe batoko, samu na bikalulu mingi ya mbote ve bonso:

• kusala bizumba na nkoso muntu, ata nge zaba yandi mbote mbote ve
• kuzanga masonga na makwela
• mpasi ya luzingu
• kukonda kuzaba inki yai maladi ya sida mpe mutindu ya kuditanina na yau
• ndongisila ya imbi ya banduku ya nkaka.

Bikalulu yai kele kumwangisa sida mingi na Afrika.

Bakala fwete lwata kapoti na ntangu ya kuleka na nkento, samu na bau ke tina sida.