SilentHill Plot Analysys - Part 1 Mechanism

ვიკიპედიის ხარისხის სტანდარტების დასაკმაყოფილებლად, ამ სტატიას ან სექციას ვიკიფიცირება სჭირდება. გთხოვთ, დაგვეხმაროთ მის გაუმჯობესებაში შესაბამისი შიდა ბმულების მითითებით. ამოიღეთ ეს თარგი სტატიის გამართვის შემდეგ.

Silent Hill - ქალაქი, სადაც ხდება აუხსნელი მოვლენები... ჩაძირული სხვა სამყაროებში... მარად ცოცხალი მოგონებები... ღმერთების დაბადება და ხალხის იდუმალი გაუჩინარებები... არის თუ არა ამ აუხსნელ მოვლენებში დაფარული რაიმე ლოგიკა? რა არის მათი მიზეზი, არიან თუ არა ისინი ურთიერთკავშირში? თავი პირველის ამოცანაა მისცეს მაქსიმალურად ზუსტი და შესაბამისი ახსნა Silent Hill-ის სიუჟეტის უკეთესად გაგებაში. ბუნებრივია, ყველა თეორია ახსნილი მაქვს საკმაოდ პოპულარულ ენაზე, მისაწვდომად, დამამტკიცებელი საბუთებით.

1 ალტერნატიული სამყარო, პირველი შთაბეჭდილება, ძირითადი კანონზომიერებები. როგორ ფიქრობთ, რის გარეშე ვერ წარმოგიდგენიათ Silent Hill-ის სერია? გარდა ღრმა სიუჟეტისა და გამორჩეული პერსონაჟების... მაგრამ ჩემის აზრით თამაშის ძალიან მნიშვნელოვან სტრუქტურულ ნაწილს წარმოადგენს სწორედ ალტერნატიული სამყარო, რადგან ეს იდეა შესამჩნევად აღრმავებს სიუჟეტს, ამას გარდა, წარმოადგენს ბრწყინვალე მიგნებას Gameplay-ში. ასე რომ დავიწყოთ სწორედ ალტერნატიული სამყაროს განხილვით.

1-1 რას ხედავთ? (ალტერნატიულობის კანონზომიერებები) მოდით გავარკვიოთ, რას ხედავენ პერსონაჟები ალტერნატიულ სამყაროში. პირველ რიგში, უნდა ავღნიშნოთ, რომ ყველა პერსონაჟისთვის ალტერნატიული სამყარო გამოიყურება სხვადასხვანაირად. (გაიხსენეთ Anjela “for me it always like this…” არაჩვეულებრივი მომენტია, სხვათაშორის) ანუ ყველა ხედავს საკუთარ ალტერნატიულ სამყაროს. (“in the otherworld, the world is seen differently depending on the person“ ამ იდეას ადასტურებს Lost Memories) მეორე რიგში უნდა ავღნიშნოთ “ობიექტური” და “ალტერნატიული” სამყაროების უკიდურესი მსგავსება მე ვფიქრობ, რომ რუქები ფაქტიურად ერთი და იგივეა, იცვლება მხოლოხ “ხასიათი“ და განწყობა. ეს შეიძლება განვიხილოთ Heather-ის მაგალითზე: ალტერნატიულ სამყაროში მისთვის პრაქტიკულად არ იცვლება კარებები და დერეფნების მდებარეობა იცვლება მხოლოდ ხასიათი. ანუ უფრო ზუსტად რომ ვთქვათ, ის ამოატრიალეს პირუკუღმა Heather-ს ეს სამყარო რაღაცით აგონებს “ალისას საოცრებათა სამყაროში“ გადატრიალებულ სამყაროს რომელიც თავიდან სრულ სიგიჟედ ეჩვენება. მაგრამ ის უცბად ჩაგითრევს, ეჩვევი საგნების ახლებულ წესებს. მაგალითად, თამაშის დასასრულს, (SH3, მორგი სადაც აიღეთ Hadged Man – Taro Card) Heather-ი აღიარებს რომ უკვე მიეჩვია გვამებს, სისხლს და ა.შ. და აღარ აქცევს მათ ყურადღებას... იგი აგრეთვე ეკითხება საკუთარ თავს “იქნებ უკვე გავგიჟდი” (I feel i’m gonna go crazy myself sooner or later, I might even already be crazy. who knows?) მაგრამ საინტერესოა - რატომ ეგუება ადამიანის ცნობიერება ასეთ გადაგვარებულ სამყაროს? ცნობიერების შემგუებლობის გამო? თუ იმიტომ რომ ეს სამყარო ანიჭებს მას ქვეცნობიერ სიამოვნებას, ასრულებს მის დაფარულ სურვილებს?

1-2 კოშმარი თუ სამოთხე? (იდეური + სიუჟეტური ანალიზი) როგორც ვხედავთ, Silent Hill-ის ყველა პერსონაჟს თავისი სამყარო ზოგადად აკმაყოფილებს (გამონაკლისი - პერსონაჟები, რომლებიც ხედავენ არა თავიანთ სამყაროს). უნდა ავღნიშნოთ, რომ ალტერნატიული სამყაროს აღქმა დამოკიდებულია ცალკეულ ადამიანის იდუმალ სურვილზე. შეიძლება ითქვას, რომ ეს სამყარო ადამიანის გონების სანაცვლოდ უსრულებს მათ სურვილებს, შეშლილობა უსრულებს სურვილებს? ეს საკმაო სიზუსტით განსაზღვრავს სერიების იდეას. Silent Hill 2-ის ბოლოს James-ი ამბობს ძალიან ღრმა შინაარსიან მნიშვნელოვან ფრაზას "I was weak. That's why I needed you..." მაგრამ ეს ფრაზა შეესაბამება Pyramid Head-ების წყვილს ან Maria-ს?? არა, James-ი ლაპარაკობს მთელს თავის სამყაროზე, რადგან პატიოსანი კლერკის სურვილი იყო რამენაირად დაესაჯა თავი ცოდვებისთვის და მისი სამყარო მის სადომაზოხისტურ სურვილს წარმატებით უსრულებს. დაახლოებით იგივე ხდება Anjela Orosco-ს თავზეც, Eddie Dombrowskie-ს სურვილი იყო ძალადობა, უფრო სწორად სასტიკი ანგარიშწორება ადამიანებზე, რომლებიც მას ამცირებდნენ. (ფაქტიურად, მას სურდა, რომ მისთვის დაეცინათ - ეს გაამართლებდა Eddie-ს და მისი ძალადობა საკუთარ თვალში სამართლიანი შურისძიება იქნებოდა) - და შეშლილმა სამყარომ მისცა Eddie-ს ასეთი შესაძლებლობა, ახლა მას შეუძლია იხილოს რამდენიც უნდა ადამიანი, რომლებიც მას დასცინიან, იმისთვის რომ მერე გაუსწორდეს მას. Alessa Gellispie-ს სურვილი იყო დამალვოდა ადამიანებს - და იგი დაიმალა ჯოჯოხეთურ კოშმარში, იქ სადაც არარის ადამიანების ადგილი, იქ, სადაც ვერ გაბედავს შეხედვას ვერცერთი ნორმალური ადამიანი, ხოლო Claudia Wolf-ი მთელი ცხოვრება იმედით და რწმენით ცხოვრობდა. ის ყოველთვის ოცნებობდა იმაზე, რაც არასოდეს არ იყო მის ცხოვრებაში. იდეალურ სამყაროზე, "where people would be happy just by being there ", ამიტომ ალტერნატიული სამყარო მას სამოთხედ მიაჩნია (“სამოთხის ხილვები” Claudia-სთან ბავშვობიდან სტუმრობდნენ - "Even as a child I saw the coming of this day"). მაგრამ როგორც ვხედავთ Silent Hill 2-ის პერსონაჯების მაგალითზე, ყველა ადამიანი არ ოცნებობს სამოთხეზე ამ სიტყვების ტრადიციული გაგებით. ამგვარად გასაგებია, რომ ალტერნატიული სამყარო შეიძლება იყოს “სამოთხეც” და “სისხლიანი კოშმარიც”. გარე სინამდვილის აღქმა დამოკიდებულია სუბიექტურ თვისებებზე, ღირებულებათა სისტემაზე და ადამიანის სურვილზე. ეს იდეა ძალიან სიმბოლურია და ჩვენს დროშიც ძალიან აქტუალური.

1-3 რეალურია თუ არა ალტერნატიული სამყარო? (იდეური ანალიზი, ფილოსოფიური აზრი) სინამდვილეში ეს ბევრად უფრო ფაქიზი და ფილოსოფიური კითხვაა, ვიდრე ერთი შეხედვით ჩანს. საქმე იმაშია, რომ სამყაროში არარსებობს აბსოლიტური რეალობა (ისევე, როგორც აბსოლიტური ჭეშმარიტება). ამგვარად აზრი აქვს, მხოლოდ სუბიექტურ რეალობაზე ლაპარაკს - იმას თუ როგორ აღიქვამს ადამიანი გარემომცველ სამყაროს და არის თუ არა ეს ერთადერთი რეალობა ამ ადამიანისთვის... მაგრამ აქ არის გარკვეული ეშმაკობა: ადამიანის გონება მოწყობილია ისე, რომ ის ცდილობს გაექცეს ყველაფერს, რაც მას ტკივილს აყენებს, ამიტომ გამოდის, რომ ნებისმიერი ადამიანი აღიქვამს გარე სამყაროს (ან მის ელემენტებს) ისე, როგორც მას უფრო აწყობს... ამგვარად იქმნება სუბიექტური აღქმების, სუბიექტური რეალობების, სუბიექტური სამყაროების გარკვეული რაოდენობა... მაშინვე გვახსენდება ძველ ბერძენი ფილოსოფოსები თეორიები ცნობიერების მიერ მატერიის არეკვლაზე... ამგვარად ვამთავრებ შესავალს და ვპასუხობ 1-3 კითვას: "For him there is simply no other reality, furthemore , he is happy there” ვკითხულობთ საავადმყოფოში ექიმის დღიურიდან ეს ფრაზა ჩემის აზრით, ყველაზე ზუსტად აღწერს ალტერნატიული სამყაროს სუბიექტურ რეალობას და აგრეთვე მის აზრს.

1-4 ახდენს თუ არა ალტერნატიული სამყარო პერსონაჟების სურვილების მატერიალიზაციას? არიან თუ არა მონსტრები მატერიალური? ამგვარად, ჩვენ ვიცით, რომ ალტერნატიული სამყარო სუბიექტურად რეალურია. მაგრამ როგორ გავარკვიოთ, არის თუ არა ალტერნატიული სამყარო მატერიალური? ამის გარკვევის ერთადერთი გზა არის გავარკვიოთ, ამ სამყაროს ყველა პერსონაჟი ხედავს თუ მხოლოდ მთავარი გმირი? გავარჩიოთ ეს რამდენიმე მკაფიო მაგალითზე:

ა) თუ Alessa-ს (ან Alessa+Cheryl+Heather)-ს მონსტრები იყვნენ აფსოლიტურად მატერიალურნი, მაშინ ისინი უნდა ყოფილიყვნენ ქალაქში Silent Hill 2 -შიც, მაგრამ James-ი ვერ ხედავს Alessa-ს მონსტრებს.

ბ) James-ის საუბარი Laura-სთან SH2-ში "-What a little girl like you doing here anyway? - Are you blind or something?? " ან კიდევ ეს :

"-You don't even have a scratch on you! - Why should I??"

ბ) Eddie გამოტყდება, რომ არ უნახავს არანაირი Pyramid Head-ი (SH2, ლაპარაკი ტუალეტში James: You’re not friends with that red, Pyramid thing, are you? Eddie: Red pyramid thing? I don’t know what are you talkin’ about. Honest. ნუთუ ეს მხიარული Dombrowskie-ს მორიგი ხუმრობაა?

გ) ბრძოლაში მონსტრთან (კატაკომბები SH2) Anjela ხედავს მონსტრში მამამისს... ნუთუ მამამისი ამ მონსტრის ორეული ან ტყუპი ძმა იყო?? ან იგი ხედავს მას სხვანაირად, ვიდრე James-ი.

დ) Anjela-ს სამყაროში მუდმივად ბობოქრობს ჯოჯოხეთური ცეცხლი - ალტერნატიული სამყარო აბსოლიტურად ნამდვილი რომ ყოფილიყო - მაშინ ცეცხლიც ნამდვილი იქნებოდა - და Anjela-ს ჩამოსვლის შემდეგ მთელი ქალაქი უნდა გადამწვარიყო. მაგრამ ეს ასე არ მოხდა. დასკვნა: სინამდვილეში არანაირი ცეცხლი არ ყოფილა! ესეიგი შეიძლება ალტერნატიული სამყარო არარის მატერიალური და არსებობს მხოლოდ გონებადაბნელებულ პერსონაჟების წარმოდგენაში?!

ე) SH2-ის დასასრულს (კიბეზე) Anjela თავიდან (პირველი 5-10 წამის განმავლობაში) James-ს ხედავს თავის დედის სახით - იგი რა? “blind or something??”, თუ Sunderland-ი თავის დედაში აერია 1 მეტრზე ნაკლებ მანძილზე? თუ James-ი მართლა Anjela-ს დედა იყო?=)

ვ) იქ სადაც Anjela ლაპარაკობს თავის ცეცხლოვან სამყაროზე "You see it too ? For me it's allways like this “ Anjela-სთვის ყოველთვის ასეა, ხოლო James-ი ამ სამყაროს ხედავს მხოლოდ ერთხელ - ესეიგი Anjela-ს ცეცხლი მატერიალურად არ არსებობს.

ზ) თუ ხვრელები, სადაც ვარდება James-ი და მიძვრება Henry, აბსოლიტურად მატერიალურია, მაშინ... ოხ არც კი ვიცი რა ვთქვა ამის თაობაზე.

თ) თუ Pyramid Head-ი თავისი Great Knife-ით აბსოლიტურად მატერიალური იყო, მაშინ James-ი თამაშის ბოლოს დაემგვანებოდა მოსიარულე სისხლიან ვინეგრეტს... და საერთოდ - ნამდვილი მონსტრების სინამდვილეში მიყენებული ჭრილობები შეიძლება მორჩეს Health Drink-ის ბოთლის დალევით? ჰეჰ დასაფიქრებელია...

ი) ჩანაწერი SH2-იდან (Memo next to corpse #2): "I saw those demons. They were there, I'm certain. But my friend says he didn't see anything. If that's true, does that mean that what I saw was an illusion?" - ეს კი 100% მეტყველებს მონსტრების არამატერიალობაზე. ზემოთ თქმულიდან გამომდინარეობს, რომ ალტერნატიულ სამყაროს და მონსტრებს ყველა ვერ ხედავს, ესე იგი ისინი არ არიან მატერიალურნი. თუმცა... უნდა ავღნიშნოთ, რომ Lost Memories-ში არის ასეთი ფრაზა : "Silent Hill 2 the materialization of delusions" - რას უნდა ნიშნავდეს ეს? ავტორების მორიგი ხუმრობაა? არამგონია, თუმცა ამაზე მოგვიანებით ვილაპარაკებთ. მანამდე მივაქციოთ ყურადღება, რომ ავტორები იყენებენ სიტყვას "delusion" (ილუზია, დაბნეულობა) ამას დიდი მნიშვნელობა აქვს... სხვათა შორის Lost Memories-ში ტერმინს “მატერიალიზაცია” აქვს რამდენიმე “უცნაური” მნიშვნელობა, მაგალითად "In the church that is the final stage of the game, a young girl's crying voice and footsteps materialize" ჰმმ.. საეჭვოა (ამაზე მოგვიანებით 1-10 პუნქტში)

1-5. განსხვავება სინამდვილეს, ილუზიასა და ჰალუცინაციას შორის Silent Hill-ის სიუჟეტის უფრო ნაყოფიერი ანალიზისთვის მომიწია, წამეკითხა რამდენიმე წიგნი ფსიქოლოგიაში ჰალუცინაციების თემაზე - მოკლედ გადმოვცემ იმ მნიშვნელოვან საკითხებს რომლებიც უნდა იცოდეს ყველამ ვისაც უნდა Silent Hill-ის გაგება.

ა) სინამდვილე - არის ის, როგორც უნდა აღიქვას “ნორმალურმა” ადამიანმა გარემომცველი სამყარო, ანუ ობიექტის ჭეშმარიტი ფორმა და შინაარსი იგივეა რაც მისი ფორმის და შინაარსის ანარეკლი ადამიანის ცნობიერებაში. უფრო მარტივად გეტყვით : ჭეშმარიტი (ობიექტური) ობიექტი = ამ ობიექტის სუბიექტურ ასახვას ადამიანის მიერ... კიდევ ვერ გაიგეთ? ჰმმ, მძიმე შემთხვევაა - მაშინ მოვიყვანოთ ცხოვრებისეული მაგალითი, რომელიც მისაწვდომი იქნება ძვირფასი მკითხველისთვის... მაგიდაზე დევს Health Drink-ის ბოთლი, იღვიძებს ძვირფასი მკითხველი ახალი წლის შემდეგ, შეხედავს Health Drink-ის ბოთლს და აღიქვამს სწორედ Health Drink-ის ბოთლს და არა სხვა რამეს, გაიგეთ? =)

ბ) ჰალუცინაცია - ეს ის არის რაც არ უნდა ემართებოდეთ “ნორმალურ” ადამიანებს, ანუ გარემომცველი სამყაროს მცდარი ხედვა, იმ საგნის აღქმა რომელიც რეალურად არ არსებობს. რა არის (უფრო ზუსტად - რა ითვლება) “მცდარი”? - გასაგებია, ის რასაც ხედავს მხოლოდ “არანორმალური” და სხვა არავინ - ანუ ერთი ადამიანის გალუცინაციას ვერავინ დაინახავს ამ “გიჟის“ გარდა. (აი საინტერესო და მრავალ მნიშვნელოვანი ამონაწერი Lost Memorie-დან ( Red Devil-ისა და Walter Sullivan-ის შესახებ) : Sullivan says that he saw a "red devil." What was it that he saw? - No one besides Sullivan himself can really know what he saw."). და რას წარმოადგენს ეს თვითონ ეს “მცდარი სახეები”, რომლებსაც შეშლილის გარდა ვერავინ ხედავს. ეს არის ადამიანის ქვეცნობიერის ელემენტები (სახეები ქვეცნობიერიდან), რომლებიც “გამოძვრნენ” გარეთ და დაფარეს სინამდვილე. რატომ ვერ ხედავს ამას სხვა? რადგან ისინი ერთი ადამიანის ცნობიერებაში არსებობენ და სინამდვილეში არ არსებობენ, მათ ვერავინ დაინახავს. მაგალითი : პატივცემული მკითხველი, რომელმაც დალია ახალ წელს ბოთლიდან, დარბის ნაძვისხის გარშემო და ყვირის: “მიშველეთ!! მას ჩემი მოკვლა უნდა!! სანტაკლაუსი მომძდევს!!” ამგვარად, გასაგებია, რომ ჰალუცინაცია არარის დამოკიდებული სინამდვილეზე.

გ) ილუზია - ხანდახან “ნორმალურ” ადამიანებსაც ემართებათ. ილუზიის მნიშვნელობა იმაში მდგომარეობს, რომ რეალურად არსებულ ობიექტს ადამიანი აღიქვამს რაღაც სხვანაირად, თავისებურად, ზედმეტად სუბიექტურად. ხშირად ასეთი რამე ხდება გაძლიერებული ლოდინის (წინათგრძნობის) ან ემოციური დაძაბულობის დროს ისეთ ფაქტორებთან ერთად, როგორიც არის მხედველობის დეფექტი, გაძნელებული ხილვადობა (მაგალითად ღამით). პრინციპი ასეთია - ადამიანი ობიექტს ხედავს არა მთლიანად, არამედ ნაწილობრივ (მაგალითად, ობიექტი ძნელი დასანახია) - მაშინ ადამიანის ცნობიერება ავტომატურად ასრულებს ობიექტის აღქმას, მისი განწყობის და იმ ინფორმაციის შესაბამისად რაც ქვეცნობიერში უდევს. ეს ცოტა ძნელი გადმოსაცემია სიტყვებით, ამიტომ მოვიყვან მაგალითს : “საღამოა. მიდის პატივცემული მკითხველი გზაზე. ბნელდება, გარშემო ნისლია, თითქმის არაფერი ჩანს - პატივცემული მკითხველი კი ამ გასეირნების წინ მთელი დღე Silent Hill-ს ურტყამდა თავს - ასე რომ ის შეშინებულია მიდის ნისლში, ყველა ფაჩუნზე თვალებს აცეცებს ეშინია საკუთარი ნაბიჯების ხმის - მოკლედ, სრულ გაუგებრობაშია. წინ მიდის მეორე ადამიანი, მაგრამ პატივცემული მკითხველი მას ვერ ხედავს - უფრო სწორედ ხედავს მხოლოდ სილუეტს, რომელიც მის წინ ირხევა. იგი როგორც ვთქვით, Silent Hill-თან იჯდა მანამდე - და ეხლა მზად არის ნებისმიერი მონსტრი დაინახოს თავის წინ : ის ყურადღებით უცქერს მის წინ მოძრავ სილუეტს და!! იგი მართლაც იწყებს ამ სილუეტში მონსტრების მოხაზულობის აღმოჩენას!! იღებს შეშინებული მკითხველი უზებს და ესვრის წინ მიმავალ “მონსტრს” (ანუ ადამიანს, რომელშიც მან ნერვიულობისგან მონსტრი დაინახა) ჰეჰე, ეს მაგალითი არაფერს გაგონებთ? შეიძლება სხვანაირადაც ვთქვათ : ადამიანი ბრუნდება ნისლში ეკლესიიდან, იგი თვით დაჯერებული რელიგიური ფანატიკოსია - მაშინ მის წინ მოძრავი (სტოლბის/ბუჩქის/მანქანის) ან რაიმეს სილუეტში, იგი დაინახავს ანგელოზს ან რაიმე მის მსგავსს. ასევე შესაძლებელია აზრობრივი ილუზია (“ქვეტექსტების ილუზია“) - მაგალითად, დასახელება "Rosewater Park" - თქვენის აზრით, ის საშიშია? თუ თქვენი პასუხი იქნება დიახ, ეს ნიშნავს, რომ თქვენი ცნობიერება თვითონ ეძებს ამ დასახელებაში ასოციაციას, რომელიც შეესიტყვება Silent Hill-ს (ესეც არის ილუზია), თუ თქვენი პასუხი არის “არა”, ეს ნიშნავს რომ თქვენ არ გითამაშიათ Silent Hill-ი - წესიერად. ამგვარად ილუზია არის რთული გადაჯაჭვა ობიექტური რეალობის და გამონაგონისა, მატერიის და ქვეცნობიერისა. ეს გამორჩეული ფენომენია, რომელიც აერთიანებს თავის თავში რეალობის და ჰალუცინაციის ელემენტებს. სწორედ ასეთივე აღწერილობას ალტერნატიული სამყაროსი ჩვენ ვპოულობთ ექიმ Brookhaven-ის ჩანაწერებში (SH2) : "The "other side' perhaps may not be the best way to phrase it. After all, there is no wall between here and there. It lies on the borders where reality and unreality intersect." და რას უნდა ნიშნავდეს ეს?

1-6 არის თუ არა მონსტრები და ალტერნატიული სამყარო ჰალუცინაციები? ეხლა ვიფიქროთ, მთელი ეს ალტერნატიული სამყარო თავის მონსტრებთან ერთად არის თუ არა ერთი დიდი ჰალუცინაცია? სინამდვილეში თამაშის მსვლელობაში მონსტრების ამგვარი ინტერპრეტაციის ბევრი მტკიცებულებაა - მაგალითად:

ა) SH1, Bad - დასასრული - გამოდის რომ, მთელი Silent Hill 1 იყო ჰალუცინაცია, მომაკვდავი მწერლის ტვინში რაღაც გაელვება? თუმცა SH3 იდან ვიცით რომ ეს არის “არასწორი“ დასასრული.

ბ) SH2,თუ Pyramid Head-ი არ იყო ჰალუცინაცია, მაშინ რა იყო? (ამის შესახებ მოგვიანებით)

გ) SH1-ში ჩვენ ვნახულობთ შეხსენებას PTV-ზე (White Claudia) როგორც ჰალუცოგენზე.

დ) SH4-ში ყოველი “სამყაროს” შემდეგ Henry-ს ეღვიძება საწოლში - ეს მხოლოდ სიზმარი იყო??

მაგრამ ამ თეორიის მიხედვითაც კი უპასუხოდ უამრავი კითხვა რჩება:

ა) ჰალუცინაცია მხოლოდ ერთ ადამიანს შეიძლება ჰქონდეს, მაგრამ მაშინ როგორ ხედავენ Claudia და Heather-ი ერთად Missioner-ს სახურავზე, თუ ის სინამდვილეში არ არსებობს? (იმას აღარ ვამბობ, რომ Lost Memories-ში გარკვევით წერია, რომ ეს არის კულტის წევრი) და ისედაც არარსებული Missioner-ი როგორ მოკლავდა Harry Mason-ს?

ბ) თუ დაუშვებთ კიდევაც, რომ პერსონაჟები რაღაცნაირად ხედავენ ერთმანეთის ჰალუცინაციებს, მაინც Anjela როგორ ხედავს მამას, James-ი კი სწორედ ამ მამაში ხედავს მონსტრს? რა, უბრალო დამთხვევაა?

გ) თუ ალტერნატიულ სამყაროს არანაირი საერთო აქვს რეალობასთან, მაშინ რატომ იმეორებს იგი “ნორმალურ“ სამყაროს ისე ზუსტად, რომ ორივე სამყაროში ერთიდაიგივე რუკით შეიძლება გაგნება?

დ) ცხადია, რომ Leonard-ი არ იყო უბრალო ჰალუცინაცია - ის ზუსტად იყო ცოცხალი ადამიანი (Heather-ის მოსვლამდე) - ის არ შეიძლება უკვე მკვდარი ყოფილიყო, ამას ამბობს Claudia ფრაზით : "Why did you (Vincent) sent her (Heather) to my father (Leonard)" - თუ Leonard-ი არ არსებობდა, მაშინ რა აზრი ჰქონდა ამ ფრაზას.

ე) თუ მთელი ეს სამყარო და Silent Hill-ის მოვლენები პერსონაჟების სიზმრებია, მაშინ როგორ მივიდა Heather-ი სახლამდე? თუ მისი სახლი, მამა, Claudia, მხოლოდ სიზმარია?

ვ) თუ მონსტრები - ჰალუცინაციაა, მაშინ როგორ შეიძლება მათი მოკვლა, მაგალითად, პისტოლეტით რომელსაც აძლევს Cybil-ი Harry-ს, ან Heather-ის ელექტრო-შოკერით? ან ბოლოსდაბოლოს Heather-ის ფეხით (იმედია Heather-ის ფეხის რეალურობაში და მატერიალურობაში ეჭვი არ გვეპარება?) =)

ზ) SH2-ში ქალაქის გზაზე (შუქნიშანთან ახლოს) შეიძლება დავინახოთ მონსტრი, რომელიც გაიტანა მანქანამ. უბედური შემთხვევაა? თუ მონსტრი James-ის ჰალუცინაციაა, მაშინ როგორ გადაუარა მას მანქანამ?

1-7 აღქმის ილუზია? როგორც ვნახეთ, ზემოთ მოყვანილი ვერც ერთი თეორია ვერ ხსნის სრულად ალტერნატიულ სამყაროსა და “მონსტრების” ფენომენს... რა ვიღონოთ? ნუთუ ჩიხში ვართ? დაგვრჩა უკანასკნელი იმედი - აღქმის ილუზიის თეორია, რომელიც მოიცავს თავის თავში ორივე წინა თეორიას. ამ თეორიის მიხედვით გამოდის, რომ (მაგალითისთვის უბრალოდ მოვიყვანოთ Heather-ი) Heather-ი აღიქვავს გარე სამყაროს, როგორც ალტერნატიულს - ანუ როდესაც Heather-ი უყურებს ჩვეულებრივ კედელს, ის მას უბრალოდ აღიქვავს როგორც დაჟანგებულს - ანუ ნორმალური სამყაროდან ალტერნატიულში გადასვლისას კედლები სინამდვილეში არ იცვლება, ასევე კედლები, იატაკი და ჭერი უმრავლეს შემთხვევაში არ წარმოადგენს პერსონაჟის ბოდვას - ისინი რეალურად არსებობენ, მაგრამ მათ აღიქვავენ რაღაც სხვანაირად, სუბიექტურად. ეს ვარიანტი მთლიანად ხსნის რუკების მსგავსებას - გასაგებად რომ ვთქვათ, იცვლება მხოლოდ “შპალერი”. ამ შემთხვევაში უფრო სწორი იქნებოდა გველაპარაკა არა სინამდვილის გადასვლაზე ალტერნატივაში, არამედ პერსონაჟების აღქმის გადართვაზე “ნორმალურიდან” “ალტერნატიულზე”. შემოვიტანოთ ახალი ტერმინი - “გარე სინამდვილის აღქმის ალტერაცია” - ანუ ადამიანის ცნობიერების გადართვა “ნორმალური აღქმიდან” “ალტერნატიულ აღქმაზე“, როგორც ცნობილია, ალტერაციის სახე დამოკიდებულია პერსონაჟების პირად გემოვნებებზე და არჩევანზე - ამით აიხსნება, თუ რატომ ხედავენ James-ი და Anjela დერეფანში ერთიდაიგივე კედელს სხვადასხვანაირად.

1-8 აზრის ძალა Silent Hill-ის კონცეფცია და ძირითადი იდეები მჭიდროდ არის გადაჯაჭვული რეალურად არსებულ პარაფსიქოლოგიურ და ფილოსოფიურ თეორიებთან. ითვლება, რომ ადამიანის თითოულ აზრს და ემოციას გააჩნია გარკვეული ძალა, რომელიც შეგვიძლია დავახასიათოთ როგორც “ფსიქიური ენერგია“ და რაც უფრო ძლიერია ეს გრძნობა, უფრო დიდ ფსიქო ენერგეტიკულ პოტენციალს ფლობს იგი. ზემოთ ნახსენები “ძალის” შინაარსი გამოიხატება აზრების და გრძნობების შესაძლებლობაში, მოახდინოს გარკვეული ზემოქმედება ადამიანის გარემომცველ სამყაროზე, და ხანდახან, სხვა ადამიანებზე. სხვა სიტყვებით, ნებისმიერი ადამიანის ფსიქიური პროცესების გავლენის სფერო არ შემოიფარგლება მხოლოდ ამ ადამიანის შინაგანი სამყაროთი, არამედ შეიძლება მოახდინოს გავლენა გარე სამყაროზე. სწორედ ამის შესახებ არის Leonard Rain-ის წიგნი რომელიც ფაქტიურად განმარტავს სერიების ყველა საიდუმლო მოვლენას, რომელსაც ჩვენ ვპოულობთ სკოლის ბიბლიოთეკაში Silent Hill 1-ში "...Poltergeists are among these. Negative emotions, like fear, worry, or stress manifest Into external energy with physical effects" – ანუ ადამიანის “შინაგანი” ფსიქიურ აქტიურობას შეიძლება ჰქონდეს ფიზიკური შინაარსის გამოვლინება და წარმოადგენდეს ისეთი ამოუცნობი მოვლენის მიზეზს, როგორიც არის პოლტერგეისტი ეს არის ფსიქიური ენერგიის ყველაზე მკაფიო მაგალითი. ამ წიგნის თანახმად, განსაკუთრებით დიდი ძალა გააჩნია უარყოფით ემოციებს (მაგალითად, შიშს, მღელვარებას, ტკივილს, სიძულვილს), რომელსაც განიცდიან მოზარდი გოგონები (ალბათ ეს დაკავშირებულია განსაკუთრებით ძლიერ დეპრესიებთან რომლებიც გამოწვეულია გარდატეხის ასაკით). მაგრამ როგორც ვხედავთ Silent Hill-ის სერიებიდან ფსიქიური ძალა შეიძლება გამოვლინდეს ნებისმიერ ადამიანში (განსაკუთრებით, თუ მისი განცდები ნამდვილად ძლიერია) - იქნება ეს მოკლულ ცოლზე მგლოვიარე კლერკი, სასოწარკვეთილი მამის მკვლელი გოგონა თუ ობოლი ბიჭუნა, რომელსაც ყველაზე მეტად უნდა რომ დედა ჰყავდეს. მაგალითისთვის შეგვიძლია მოვიყვანოთ გოგონა, რომლის აზრის ძალით, მთელი ქალაქი Silent Hill-ი იყო შთანთქმული მისი შინაგანი სამყაროს ბნელეთით. ("Due to the power of Alessa's thoughts, the town is transfigured into the otherworld" – Lost Memories-ს ოფიციალურ Guide-ში ავტორები განსაკუთრებით აღნიშნავენ Alessa-ს “აზრის ძალას” Silent Hill 1-ში) შეგვიძლია მოვიყვანოთ მეორე მაგალითი - Toluca Prison-ის პატიმრების და ქალაქში ადრე ეპიდემიით დაავადებული ადამიანების უარყოფითმა ემოციებმა მოახდინეს მნიშვნელოვანი გავლენა “ქალაქის ძალაზე” ("because of the unforeseen deaths of the town's population, as well as the thoughts and feelings of the prisoners, the original power that the town held was gradually distorted" – Lost Memories) - Silent Hill-ის იდუმალ “ძალაზე” კი ჩვენ მოგვიანებით ვილაპარაკებთ.

1-9 ზემოქმედება ზემოთ უკვე ავღნიშნე, რომ ადამიანის აზრებს, გრძნობებს და შინაგანი სამყაროებს აქვთ გარკვეული “ძალა”. მოდით, გავარკვიოთ ამ “ძალების” რაობა, ფსიქიური ენერგიის ადამიანებზე ზემოქმედების ფორმების განსაზღვრებით. გამომდინარე თამაშის მსვლელობიდან, შეიძლება გამოვყოთ ზემოქმედების ორი ძირითადი ფორმა : შინაგანი სამყაროს ძალას (რომელიც არსებობს რაღაც სახით მსგავსად პარალერული რეალობისა) შეუძლია ჩაითრიოს სხვა ადამიანები ამ სამყაროში, დაამახინჯოს მათი რეალობის აღქმა და აიძულოს აღიქვან შინაგანი სამყარო - ადამიანს ამ ძალის ზემოქმედებით შეუძლია მოხვდეს ამ სამყაროს შიგნით და იმყოფებოდეს იქ. სხვა სიტყვებით, SH-ს სერიების იდეების თანახმად, ადამიანის შინაგან სამყაროსთან შეუძლია იკონტაქტოს არამარტო მისმა შემქმნელმა, არამედ სხვა ადამიანებმაც.

-- აზრების და გრძნობების ძალას შეუძლია მოახდინოს გავლენა ადამიანის პიროვნებაზე, ხდის მას “შეპყრობილს” ამას გარდა,

-- აზრის ძალის დახმარებით, შესაძლებელია ადამიანს სიცოცხლეც კი წავართვათ.

1-10 აკუმლაცია აზრების და გრძნობების ფსიქიურ ენერგიას (მათ შორის ნეგატიურსაც) აქვს თვისება, თავი მოიყაროს რომელიღაცა ერთ ადგილზე, რომელთანაც ამ ენერგიის წყარო იყო დაკავშირებული. ჩვეულებრივ ეს ენერგია რჩება იმ ადგილებზე, სადაც გამოსცადეს ძლიერი გრძნობები - შეიძლება ვიფიქროთ, რომ სწორედ ამ მიზეზის გამო სწამდათ Silent Hill-ის ძირძველ მაცხოვრებლებს რომ სულებით იყო დასახლებული ხეები, წყალი და მიწა. ადვილი მისახვედრია რომ თუ სხვადასხვა ადამიანების (რომელთაგან თითოეული ფლობს გარკვეულ ძალას) აზრები და გრძნობები თავს მოიყრის ერთ გარკვეულ ადგილზე, მაშინ ეს ადგილიც შეიძენს გარკვეულ “ძალას”. Lost Memories-ის მიხედვით, ქალაქი Silent Hill-ი თავისთავად წარმოადგენს რაღაც სპირიტულ ღრუბელს (ან გახდა ასეთი დროთა განმავლობაში), რომელიც იწოვს ადამიანების აზრებს და გრძნობებს, და გააჩნია ფსიქიური ენერგიის დიდი მარაგი. თამაშის მსვლელობის დროს შეიძლება დავინახოთ (ვიგრძნოთ) ბევრი ადამიანის აზრების და გრძნობების ნარჩენები. მოდით გავარჩიოთ ეს რამდენიმე მკაფიო მაგალითზე Silent Hill-ის სერიებიდან.

ა) SH3 - გოგონას შავბნელი აზრები, რომელსაც სურდა თავი მოეკლა, რომ განთავისუფლებულიყო ტანჯვისაგან, როგორც ჩანს დაკავშირებულია გასართობი პარკის კარუსელთან და აგრძელებენ არსებობას მისი სიკვდილის შემდეგაც. ("At the merry-go-round in the amusement park, the "memory of Alessa (Alessa's obsession)" appears. In accordance with her name, she is not Alessa herself but her profoundly dark emotion that clings to this place"- გვიმარტავენ Lost Memories-ის შემქმნელები).

ბ) SH3 - გოგონას აზრები, რომელიც სასტიკმა დედამ დაწვა და შესწირა ღმერთს, ჯერ კიდევ უხილავად არსებობენ კულტის ეკლესიაში ("Alessa's thoughts from her childhood linger in the church - Lost Memories).

გ) SH3 - პარკსა და ეკლესიაში გამავალ გვირაბში ჩვენ ვპოულობთ სისხლიან წარწერებს. Lost Memores-ის მიხედვით, ეს არის "The voice of a believer that suggests self-sacrifice" - ანუ იმ ადამიანის სიკვდილისწინა აზრები, რომელმაც ჩაიდინა რიტუალური თვითშეწირვა, გადაიქცა ენერგიად, რომელიც სამუდამოდ დარჩა ამ გვირაბში.

დ) SH3 - ეკლესიის სააღმსარებოში მთავარ გმირს ესმის ქალის ხმა, რომელმაც ადამიანი მოკლა შეურისძიების მიზნით თავისი გოგონას სიკვდილისათვის ("The owner of the voice committed a murder in order to get revenge for the murder of her own child" - LM ) - ჩანს რომ მორწმუნის გულწრფელი გრძნობები (და შეიძლება მისი სულიც) ამ დრომდე დარჩენილია სააღმარებლოს კედლებში.

ე) SH2-ში Brookhaven საავადმყოფოს დირექტორის ჩანაწერები და წერილები, Stenly Colmen-ის დღიურები SH3-ში, აგრეთვე Joseb Shraber-ის ჩანაწერები და დღიურები SH4-ში - მკვდარი ადამიანების მოგონებები და აზრები წარსდგებიან Silent Hill-ში ჩამოსული ადამიანების თვალწინ ჩანაწერების დრიურების და წერილების სახით.

ვ) SH4 - თვითმკვლელი რელიგიური ფანატიკოსის გრძნობებისა და აზრების ფსიქიური ენერგია დაკავშირებულია ჩვეულებრივ საცხოვრებელ ოთახთან და აგრძელებს არსებობას თავისი “პატრონის” სიკვდილის შემდეგაც. და ახდენენ გავლენას მთელი შენობის მაცხოვრებრებზე.

1-11. "Monsters ?! - They look like monsters to you ?" ნუთუ მონსტრები ეს.... ასე რომ, თუ ალტერნატიულ აღქმაში ყველა საგანს ჰყავს თავისი პროტოტიპი ნორმალურ სამყაროში, მაშინ რას წარმოადგენენ მონსტრები? რა არის ის, რაც არსებობს ნორმალურ სამყაროში და ალტერნატიულ აღქმაში გადასვლისას მთავარ გმირებს მონსტრად ეჩვენებათ? გამოდის რომ ბევრი მონსტრი ეს... ადამიანია? ჩვეულებრივი ადამიანები, რომლებიც ცხოვრობენ ქალაქში ამის დასამტკიცებელ საბუთებს ჩვენ ვპოულობთ Silent Hill-ის ყველა სერიაში:

ა) SH2 – Wood Side Apartament-ის გასაღები აქვს მონსტრს, ასევე ქალაქში ჩვენ ვხედავთ რუქას სადაც აღქნიშნულია გასასვლელი Wood Side Apartament-ით - ესეიგი მონსტრმა დახაზა რუქა, აიღო გასაღები და მოკვდა არ მისული WSA-მდე. რაღაც უცნაური “მონსტრია” არა??

ბ) SH2-ში ქალაქში James-მა შეიძლება იპოვოს მკვდარი “მონსტრი” (ასეთივე მკვდარი demon patient-ი, მაგრამ კურტაში და ჯინსებში) - მის ახლომახლო მიმობნეულია ჩანაწერები. აი რა წერია იქ : (Memo next to corpse #1) "I'm going to write everything that I've learned so far. Maybe that will help you out somehow. If you're reading this, it probably means I'm already dead." - ამას ხომ მონსტრი ვერ დაწერდა? თუმცა... ეს დაწერა სწორედ “მონსტრმა” - მხოლოდ შესაძლებელია, ის მონსტრი James-ისთვის იყო, ანუ Sunderland-ი ამ მკვდარ ადამიანში ხედავს მონსტრს საკუთარი ქვეცნობიერებიდან.

გ) იმავე ჩანაწერებში (Memo next to corpse #2): "I saw those demons. They were there, I'm certain. But my friend says he didn't see anything. If that's true, does that mean that what I saw was an illusion?"

- აი კიდევ ერთი დადასტურება, რომ ალტერნატიული სამყარო და მონსტრები სწორედ ილუზიაა.

დ) რატომ იცმევენ “მონსტრები” კურტკებს და ჯინსებს თუ ისინი მართლა მონსტრები არიან?

ე) SH2-ში ცოტამ თუ იცის, მაგრამ, თუ დაკვირვებით შევისწავლით ქალაქს, შევნიშნავთ, რომ ქალაქში მუშაობს შუქნიშნები “მონსტრებს” ნუთუ სჭირდებათ შუქნიშნები?

ვ) SH2-ში ქალაქის სამხრეთ დასავლეთ ნაწილში, ხიდზე (James-ისთვის - ჩანგრეული) ასევე დევს ისეთივე მონსტრის გვამი, მის გვერდით კი - რუქა (მასზე აღნიშნულია ავტოსადგომი და ბოულინგის შენობა) - ნუთუ მონსტრებს მანქანები ჰყავთ და ბოულინგზე დადიან?? უცნაური “მონსტრები” არიან. =)

ზ) SH2- გაიხსენეთ ადგილი სადაც James-მა მოკლა თავისი პირველი “მონსტრი” მიდით იქ ცოტა მოგვიანებით (საავადმყოფოს შემდეგ) - თქვენ ნახავთ, რომ ჭიშკარი დაკეტილია და შემოხვეული აქვს პოლიციის ლენტი - რატომ იძიებს პოლიცია მონსტრის მკვლელობას? Sunderland-ი კი ეჭვმიტანილია?

თ) და რატომ დასეირნობენ “მონსტრები” ქალაქში? სახლში ვერ ჩერდებიან?

ი) SH2 - ქალაქში (“ღამით”) შეიძლება შევამჩნიოთ, თუ როგორ ხტება “მანეკენი” სახლის სახურავიდან - რატომ დაამთავრებს “მონსტრი” სიცოცხლეს თვითმკვლელობით?

კ) James-ის და Anjela-ს ბოლოს წინა შეხვედრის დროს (კატაკომბები), ისინი სხვადასხვანაირად ხედავენ ერთიდაიგივე ობიექტს - (James-ი - მონსტრს, Anjela – “მამამისს”) საინტერესოა, სინამდვილეში ვინ არის ეს ობიექტი... მე მგონია თქვენ ისედაც ხვდებით...

ლ) Silent Hill Play Novel-ში საკმაოდ საინტერესო მომენტია. როდესაც Cybil-ი პირველად დაინახავს ძაღლ-მონსტრს შორიდან - კარგად თუ დავაკვირდებით, ჩანს, რომ ეს სრულიად ჩვეულებრივი ძაღლია - მაგრამ შემდეგ კადრში ვხედავთ მას როგორც გატყავებულ Groaner-ს. შეჩერდით. ეს მონსტრი მიიჩნია Cybil-მა თავდაპირველად ძაღლად - თუ პირიქით? Now listen to me, before you pull the trigger, know who you're shooting...

მ) ეს კი ინფორმაციაა Lost Memorie-დან "Missionary." Cult member transfigured by Claudia's power, to Heather's eyes the appearance it takes is that of a monster" - ანუ Silent Hill-ის ოფიციალურ Guide-შიც შავით თეთრზე წერია, რომ მონსტრი - კულტის წევრია, რომელსაც Heather-ი მონსტრად ხედავს. სწორედაც რომ სიმართლეს წერდა Harry Mason-ი თავის გოგოს გამოსამშვიდობებელ წერილში : "I mean, appearances can be deceiving". - მართლაც, გარეგნობა ხშირად მატყუარაა. იქვე ახსენებენ “Claudia-ს ძალას” – (ამის შესახებ მოგვიანებით ვილაპარაკებთ).

ნ) Leonard-ი (რომელიც Heather-მა მოკლა), Claudia-ს და Vincent-ის საუბრის მიხედვით, სინამდვილეში იყო ცოცხალი ადამიანი (და არა მუტანტი!), ანუ შეიძლება ვიფიქროთ, რომ მხოლოდ Heather-ი ხედავს მასში მონსტრს. ო) მიუხედავად იმისა, რომ SH1-ში არანაირი მინიშნება არ არის მონსტრების ვინაობაზე, მე მაინც რაღაცა მოვძებნე: Silent Hill 1-ის დისკში ძალიან საინტერესო ხმოვან ფაილს გადავაწყდი, რომელიც ჩაირთო “psmplay“-თ: თავიდან ისმის საკმაოდ მშვიდი ბგერები - ჩიტების ჭიკჭიკი, ძაღლის ჩვეულებრივი ყეფა - იქნმნება ჰარმონიის სრული შთაბეჭდილება - საკურორტო ქალაქებისთვის სტანდარტული სურათი. შემდეგ ყეფა უცბად წყდება და გადადის წკმუტუნში - იმავდროულად გვესმის რაღაც მაგარის დარტყმის ხმა (მეტალის), როგორც ჩანს ძაღლზე, შემდეგ წკმუტუნიც მომენტალურად წყდება და გვესმის, როგორ ეცემა წვეთები (სისხლის?) ასვალტზე. თუ ვინმემ კიდევ ვერ გაიგო - ავუხსნი - KONAM-ელებმა ჩადეს დისკში ფაილი, რომელიც გვიხსნის, სინამდვილეში როგორ მოხდა Harry-ს ბრძოლა ძაღლთან. შესაძლებელია, ეს ფაილი წარმოადგენს რაიმე საიდუმლო დასასრულის ნაწილს (SH1 Dog -დასასრული?), რომელიც ჯერ ვერავინ იპოვა? (ან ის არსებობს მხოლოდ იაპონურ ვერსიაში?)

პ) SH1, Annie’s Bar - როდესაც Kaufman-ს დაესხმის “მონსტრი” და Harry ესვრის პირდაპირ მონსტრს, მონსტრი ჩვეულებრივი ჰალუცინაცია რომ იყოს, მაშინ ტყვია მონსტრს კიარ მოხვდებოდა, არამედ Kaufman-ს და მოკლავდა მას. მაგრამ ტყვია სწორედ მონსტრს მოხვდა.

ჟ) SH3, საავადმყოფო, მესამე სართული Special Treatment Room - გაიხსენეთ პლაკატი კედელზე : "Punishment for brutality towards patient : 12 hours confinement in the Special Treatment Room" - ანუ რომელიღაცა ექთანს მიუსაჯეს “ურჩების” კამერაში ჯდომა, პაციენტებზე ძალადობისათვის - ახლა ვნახოთ “ურჩების კამერის” ერთ-ერთი კარი გარედან არის ჩაკეტილი, Heather-ი აღებს ამ კარს და რას ხედავს - კამერაში ზის ექთანი-მონსტრი!! ანუ შეიძლება, Heather-ი ხედავს ექთანს, რომელიც სამსახურში დასაჯეს ცუდი საქციელითვის, მონსტრის სახით.

რ) ეხლა კიდევ ერთხელ გავიხსენოთ Lost Memories : "Even now I get lots of questions about the true nature of creatures. What Vincent says in the library room is something that was provided as an answer to this question." - ანუ Hiroyuki Owaku - აღიარებს, რომ “ეხლაც კი მას უამრავ კითხვას უსვამენ მონსტრების ჭეშმარიტი რაობის შესახებ და Vincent-ის ფრაზა ბიბლიოთეკაში - არის პასუხი ამ კითხვებზე... “ანუ ეს არ არის უბრალოდ“ ”შეშლილი არისტოკრატის ხუმრობა” (ასე თვლის ბევრი გამოუცდელი Silent Hill-ში ადამიანი), არამედ ძალიან მნიშვნელოვანი ფრაზა, რომელიც ხსნის “მონსტრების” იდეას. მოდით გავიხსენოთ ეს სცენა ბიბლიოთეკაში :

Vincent : "You're the worst person in this room. You come here and enjoy spilling their blood and listening to them cry out. You feel excited when you step on them, snuffing out their lives." Heather: "Are you talking about the monsters?" Vincent: "Monsters...??? They look like monsters to you?" (Heather-ი აბსოლიტურად შოკირებულია, იგი შეშინებულია და რაღაც საშინელების გაცნობიერებით აშკარად გულის რევა ეწყება.) Vincent: "Don't worry, it's just a joke. =)"

ს) SH3 – Duglas-ის ფრაზის მიხედვით "And that monster, what the hell was that?", სავაჭრო ცენტრის შემდგომ დიალოგში აშკარა ხდება, რომ იმანაც დაინახა მონსტრები. ადვილი მისახვედრია, რომ ადამიანებმა, რომლებიც ერთი და იმავე სამყაროს გავლენის ქვეშ იმყოფებიან, შეიძლება დაინახონ ერთნაირი მონსტრები. - და მაშინ ეს მონსტრები იქნებიან “რეალურები” ასეთი ადამიანებისთვის.

ტ) SH1 – Kaufman-ი - Harry Mason-თან პირველი შეხვედრის დროს ამბობს "Something's gone seriously wrong. Did you see those monsters?" - იმიტომ რომ ორივე არიან ერთ “სხვა სამყაროში”, და ორივეს შეუძლია ამ სამყაროს მონსტების დანახვა.

კიდევ ბევრი მაგალითის მოყვანა შეიძლება, მაგრამ, ვფიქრობ, რომ ყველაფერი გაიგეთ... SH-ში მონსტრების მოკვლით, თქვენ კლავდით ჩვეულებრივ ადამიანებს. ან (dauble head-ის შემთხვევაში) - პატარა ფუნფულა უცოდველ ძაღლს.. (მართლაც, ასე ამბობდა Cybil-ი SH1-ში, "before you pull the trigger, know who you're shooting" - მაგრამ როგორ უნდა გაიგოს ჰალუცინაციებიანმა პერსონაჟმა სინამდვილეში ვის ესვრის, როდესაც ფიქრობს რომ მონსტრებს ანადგურებს. როგორც გვესმის, ადამიანს უჭირს თავის მსგავსის მოკვლა, ეს აიძულებს მას მოინანიოს, განიცადოს ტკივილი (მაგალითისთვის გავიხსენოთ როგორ დარდობს James-ი Eddie-ს მოკვლას - "Eddie! I... I killed a... a HUMAN being... A HUMAN being..."), მაგრამ როგორც ადრე ვწერდი, ადამიანის გონება ისეა მოწყობილი, რომ გაურბის ყველაფერს, რაც მას ტკივილს აყენებს... ხოლო “მონსტრის” მოკვლა ადვილია - არნაირი სინდისის ქენჯნა, არანაირი განცდა. . "Well I guess you're not a person anyway" - თქვა მსუბუქი ღიმილით Heather-მა როდესაც Leonard-ში “მონსტრი” დაინახა - და ყველანაირი დაფიქრების გარეშე დახვრიტა Claudia-ს მამა ავტომატით. იგივეა Eddie-ს შემთხვევაშიც - მას უნდა რომ დასცინონ რადგან ეს დაცინვა კანონიერს ხდის მის სასტიკ მოქმედებებს, უწყნარებს სინდისს - და ისიც ნებისმიერ შენიშვნას აფასებს, როგორც დაცინვას. შესაძლებელია, რომ “ალტერაციული აღქმა” - წარმოადგენს თვითშთაგონების, თვითდარწმუნების განსაკუთრებულ საშვალებას, რომელიც დაფუძნებულია გონების სურვილზე, გაექცეს სინამდვილის ტვირთს რომელიც მის სურვილებს არ შეესაბამება... ადვილი შესაძლებელია...

1-12 “მონსტრები” აკეთებენ საპასუხო დარტყმას ახლა, როდესაც ვიცით, რომ მონსტრები - ადამიანები, ძაღლები და ა.შ. არიან, ისმის კითხვა : და რატომ ესხმიან თავს მონსტრები მთავარ გმირებს? მოდით გავარკვიოთ..

ა) SH1 – (პირველი შეხვედრა) კაფეში შემოფრინდება ჩიტი (ალბათ უფრო სწორედ ჩიტებს ხედავს Harry “Screamer”-ის სახით). ჩიტი შემთხვევით შეფრინდა კაფეში და Harry-მ ის მოკლა? (Silent Hill Play Novel-ში ის შეიძლება ცოცხალი დატოვოს).

ბ) SH2 – (პირველი შეხვედრა) Sunderland-ს დაესხა თავს მონსტრი? “Demon Patient” - ის ერთადერთი თავდასხმა - ეს არის ნისლის გადმოფუთხება მაგრამ ნისლი ხომ ისედაც ბევრია გარშემო... შესაძლებელია ეს ფურთხება მხოლოდ ილუზიაა? ანუ მონსტრი თავს არ დასხმია James-ს?

გ) SH3 – (პირველი შეხვედრა) Heather-ს მონსტრი თავს დაესხა? საკმაოდ უცნაურია.. ჩვენ ვიცით, რომ “Closer”-ის დარტყმა ყველაზე ძლიერი დარტყმაა SH3-ში (ექთნების პისტოლეტის გამოკლებით) - ანუ თუ გავითვალიწინებთ მაღაზიის ზომებს, Closer-ს თავისუფლად შეეძლო გაეჭიმა თავისი თათი და გაესრისა Heather-ი. ეს “Extreme X“-ზე Heather-ისთვის სრულიად საკმარისი იქნებოდა) მაგრამ მან ეს არ გააკეთა - ის უბრალოდ მიდიოდა Heather-თან რომელმაც ის მოკლა. ჰმმ...

დ) SH4 - ძაღლები გამოვიდნენ კაცების ტუალეტიდან და დაიწყეს ერთმანეთის ჭამა. რას უნდა ნიშნავდეს ეს? რათქმაუნდა, ამ ყველაფრიდან შეიძლება დასკვნის გამოტანა, რომ მას შემდეგ რაც პერსონაჟი თვითონ ვიღაცას კლავს, მოქალაქეები (ან პოლიციელები) იწყებენ მასზე ნადირობას, თავდასხმას და ა.შ. (ამიტომაც იგი ხედავს შეტევაზე გადმოსულ მონსტრებს)... მაგრამ ასეთი განხილვისას Silent Hill-ის მთელი მოქმედება ემსგავსება რომელიმე GTA-ს ნაირ თამაშს, ასე რომ ეს თეორიაც არარის მთლად მართალი. აგრეთვე შეგვიძლია ვივარაუდოთ, რომ მოქალაქეები ხედავენ James-ში მონსტრს და ესხმიან მას, მაგრამ ეს თეორიაც ვერ გვაძლევს სრულ განმარტებას მონსტრების თავდასხმაზე. სინამდვილეში შეტევაზე გადმოსული მონსტრების საქციელის ახსნა ესე შეიძლება: გავიხსენოთ SH2 როდესაც James-ი იმყოფება კატაკომბის მორგში, გასინჯეთ გვამი - James-ი იტყვის "...Did that just move or was it only my imagination?" – (ეს შეტყობინება მხოლოდ ერთხელ გამოჩნდება - არ გამოტოვოთ!!) ესეიგი ის, რომ პერსონაჟი ხედავს, როგორ ესხმიან მონსტრები მას, სულაც არ ნიშნავს, რომ მას მართლაც ესხმიან - შესაძლებელია, რომ გმირების ნერვები ისეთი დაძაბულია, რომ მონსტრების ყველა მოძრაობას აღიქვამენ მუქარად, თავდასხმად? მათ უბრალოდ უნდათ რომ მონსტრები მათ დაესხნენ? მოდით განვიხილოთ რატომ ხედავენ გმირები სწორედ მათზე თავდამსხმელ მონსტრებს, თვითოეულს - თავისი მიზეზი აქვს.

ა) SH1 - თავდამსხმელი მონსტრების დანახვა დაკავშირებულია Alessa-ს შინაგან აგრესიასთან.

ბ) SH2 – James-ს სურს, რომ მას დაესხნენ, ატკინონ - ის ტანჯვას აღიქვამს როგორ ცოდვებისთვის მიღებულ სასჯელს. ("That's why I needed you.... Needed someone to punish me for my sins...."). თითქმის ასევეა საქმე Anjela-სთან. Eddie-ს უნდა ძალიან, რომ მას დაესხნენ თავს, დაამცირონ - ეს მას აძლევს მორალურ უფლებას, გაუსწორდეს შეურაცხმყოფელს. ხოლო Laura-ს საერთოდ არ უნდა არც მონსტრები არც ტკივილი, არც ძალადობა - ის უბრალოდ ოცნებობს ისევ Mary-სთან იყოს.

გ) SH3 - მიზეზი ეხლა Alessa-ს აგრესია ერწყმის მის სურვილს, შეამსუბუქოს Heather-ის მდგომარეობა ("It would be better for "myself" to die.")

დ) SH4 - იგივეა რაც Silent Hill 1-ში Alessa-სთან შესაბამისად, ჭრილობები, რომლებიც მიღებულია არარეალური თავდასხმებისგან, ასევე არალეარულია (აბა როგორ! სად გინახიათ რომ ნამდვილი ჭრილობები დასალევი წამლით რჩებოდეს?!). შეგვიძლია გავიხსენოთ Eileen-ი : Walter Sullivan-ის სამყაროში იგი დაასახიჩრა მანიაკმა (ამოუგდო თვალი, მოტეხა ხელი და მრავალრიცხოვანი დარტყმები მიაყენა) - მაგრამ თამაშის ბოლოს , როცა ბოლოსდაბოლოს ვხედავთ Eileen -ს ნამდვილ სამყაროში - მისი თვალი, ხელი და სხეული სრულ წესრიგშია! დასაფიქრებელია...

1-13 მონსტრების მატერიალურობის საკითხი, რაუნდი 2 ამგვარად, თუ მონსტრები ილუზიაა, მაშინ გადაწყვეტილი ყოფილა მათი მატერიალურობის საკითხიც და ისიც, თუ რატომ ვერ ხედავს ყველა ადამიანი მონსტრსებს. ესეიგი მონსტრების დიდ ნაწილს ჰყავს რეალური მატერიალური პროტოტიპები ნორმალურ სამყაროში, ხოლო მონსტრების სახება არსებობს მხოლოდ არანორმალურების გონებაში (ანუ Sunderland-ის და მისი კომპანიის) და ეს წარმოსახვები ნაწილობრივ ზედ ედება მატერიალურ ობიექტებს, რომლებიც შეესაბამებიან ამ მონსტრებს (ზომებით და ასე შემდეგ). ამით ისენი ქმნიან ილუზიების რთულ სისტემას. (მონსტრების “გარკვეული ნაწილი” და ალტერნატიული სამყაროს ზოგიერთი ელემენტი ასევე შეიძლება იყოს ჰალუცინაცია) ამაზე ვილაპარაკებთ - პუნქტი 2-3.) ჩემის აზრით იდეა - “მონსტრები და ადამიანები” წარმოადგენს Silent Hill-ის სერიების ერთერთ წარმატებულ მიგნებას : პირველ-რიგში, ის გვაიძულებს მოთამაშეებს, დაუფიქრდეთ ჩვენს მოქმედებებს, შეუსაბამოთ მთავარი გმირის სუბიექტური რეალობა ობიექტურს. მეორე-რიგში, როდესაც SH2-ის შუაში დავიწყე იმის გაგება, რომ მთელი ამ დროის განმავლობაში James-ი ჩემი ხელმძღვანელობით ხოცავდა უდანაშაულო ადამიანებს - თავი მართლაც საშინლად ვიგრძენი, ესეიგი ეს აძლიერებს შიშს ატმოსფეროს თამაშში. მესამე-რიგში, ეს ძალიან ფაქიზად ასახავს სინდისის პრობლემას Silent Hill-ში. მეოთხე-რიგში, ეს მშვენიერი მეთოდია, დაიცვან თამაში ცენზურისაგან, Ethics Committee.

1-14 სიბნელეში მოცეკვავეები (ფილოსოფიურ+ფსიქოლოგიური ანალიზი) როგორც ვხედავთ, ცუდი ხილვადობის დროსაც, ადამიანის კავშირი სინამდვილესთან სუსტდება (Lost Memories-ში ამის შესახებ წერია შემდეგი : "Mist and darkness obstruct the horizon by creating a condition in which visibility is limited. In other words, the boundary between heaven and earth is obscured, which suggests a blurring of the line between dream and reality."), მაგრამ მთლიანად არ იკარგება - უბრალოდ ადამიანი სამყაროს ხედავს საკუთარი მოლოდინის და სურვილების მიხედვით. მაგრამ რა მოხდება, თუ ეს კავშირი საერთოდ დაირღვევა? თუ, მაგალითად, სამყაროს მხედველობითი შეგრძნებები სრული სიბნელით გადაიფარება. და ადამიანი სრულიად მოწყდება რეალობას? შეიძლება თუ არა აბსოლიტურად ბნელი ოთახი იყოს ცარიელი? თუ ის სავსეა შავი კატებით, რომლებიც სიბნელეში იმალებიან? სიბნელეში აღქმა მართლაც იცვლება წარმოსახვით, მაგრამ წარმოსახვა ხშირად შორს არის სინამდვილისაგან... მაგრამ როდესაც გონებას არააქ დასაყრდენი, როდესაც ვერ ამოწმებს თავის სიმართლეს - წარმოსახვა ხდება ერთადერთი რეალობა. ასერომ თუ აღმოჩნდებით სიბნელეში მარტო, იცოდეთ, რომ სიბნელე, რომელიც გარს გახვევიათ - თხელი მატერიაა, რომელიც თქვენს წარმოსახვას ასახავს. შესაძლებელია თვითონ სიბნელეც არის ცნობიერება? ასეა თუ ისე, როდესაც წყდება ობიექტურ რეალობასთან დამაკავშირებელი ძალები, ადამიანის გონება მიისწრაფვის, გამოიგონოს საკუთარი რეალობა... უბრალოდ იმისთვის რომ სადღაც იარსებოს.

2-1 სამყაროთა ომი ვფიქრობ, პატივცემული მკითხველი უკვე მიხვდებოდა, რისი თქმა მინდოდა წინა თავში. როგორც ვხედავთ, Silent Hill-ის სიუჟეტში არსებობს ორი სხვადასხვა სამყარო:

ა) რეალობა, “ნამდვილი” სამყარო. ეს სამყარო ძალიან სასტიკია და ანადგურებს ნებისმიერს, ვინც გაბედავს და მას არ დაეთანხმება. "Suffering is a fact of life. Either you learn to deal with that or you go under" - ამბობს Heather-ი Claudia-სთან საუბარში ეკლესიაში. შესაძლებელია, ამ სამყაროს სისასტიკე გამოწვეულია ადამიანების მიერ, რომლებიც იქ ცხოვრობენ - ცოდვებში ჩაფლულები, თანაგრძნობის უნარს მოკლებულები, მხოლოდ საკუთარი ბედნიერებისთვის მზრუნველები? "Why do they cloing to this corrupt world?"...

ბ) ქვეცნობიერი სამყარო. მაგრამ როგორ მოვიქცეთ, როდესაც ადამიანს არ შეუძლია სასტიკი რეალობის მიღება ისეთის, როგორიც არის? თუ არ შეუძლია მას იქ არსებობა, მასთან შეგუება? ამ კითხვასაც პასუხობს Heather-ის რეპლიკა : "Either you learn to deal with that or you go under.You can stay in your little dream world...” სწორედაც... "You can stay in your little dream world"... და როდესაც სინამდვილე იწყებს ადამიანისთვის მხოლოდ ტანჯვის მოტანას, გადაიქცევა სრულ სიბნელედ - ადამიანის გონება ცდილობს შექმნას თავის საკუთარი რეალობა იმისთვის, რომ სადმე იარსებოს, ისეთი რეალობა, რომელშიც მან შეიძლება იპოვოს თავისი ბედნიერება. მაგრამ რას წარმოადგენს გონების მიერ შექმნილი ეს სამყარო? ამ კითხვაზეც გვპასუხობს Claudia : "A place with no pain. No hunger, no sickness, no old age” ეს სამყარო შექმნილია ქვეცნობიერის მიერ და მას შეუძლია ადამიანის ნებისმიერი სურვილის შესრულება. უფრო ზუსტად, ეს სამყარო თვით ქვეცნობიერებაა, მოგონებათა, სურვილების და იმედების ერთობლიობა, რომელიც ასახულია ადამიანის პიროვნებასა და რაობაში... ის რაღაცით სარკეს გვაგონებს, ან უფრო სწორად წყლის ზედაპირს რომელიც ირეკლავს მას ვინც მასში ჩაიხედავს... მაგრამ როგორ მოვხვდეთ ამ სამყაროში? კურდღლის სოროთი შევაღწიოთ? მასში მთლიანად ჩაძირვა შეგვიძლია, მხოლოდ თუ გავწყვეტთ ყველა ძაფს, რომლებიც აკავშირებს გონებას სინამდვილესთან, გავწყვეტთ ხუთივე ადამიანურ გრძნობას. რა თქმა უნდა, ქვეცნობიერ სამყაროში შეიძლება შევაღწიოთ სიზმრებით (სხვათაშორის მას ზოგი ექიმი “მცირე სიკვდილსაც” უწოდებს) მაგრამ გაღვიძებისას გონება ისევ სინამდვილის ბნელეთში აღმოჩნდება. მაშინ... შესაძლებელია ერთადერთი გამოსავალი - დასასრული “in Water”?

2-2. პრინციპულად ახალი შეხედულება ალტერნატივის შესახებ მემგონი გასაგებია, რომ სინამდვილე და ქვეცნობიერი სამყარო მუდმივ კონფლიქტში იმყოფებიან, მაგრამ პრინციპში, “ნორმალურ” ადამიანში უნდა ჯობნიდეს სინამდვილე (ურფო სწორად სინამდვილის შეგრძნება) მაგრამ როდესაც ადამიანს არ შეუძლია მიიღოს სინამდვილე ისეთი როგორიც არის, მსგავსი განაწილება ირღვევა - ადამიანის გონება ცდილობს უარყოს რეალობა, მაგრამ მაინც დაკავშირებულია მასთან შეგრძნების ძაფებით (სმენა, მხედველობა და ა.შ) და როდესაც გონება მიდის ალტერნატიული გზით - ის იწყებს დაემორჩილოს საკუთარი შეცდომის ულუზიას, უყურებს რეალობას იმ კუთხიდან, საიდანაც მას ნაკლები ტანჯვა ელოდება. ამგვარად გონება სინამდვილეს თავისი საკუთარი ფერებით ხედავს, რომლებიც მას აწყობს ("Life ... the game of turning #000000 to #FFFFFF and #FFFFFF to #000000..." - ეს იდეა სიმბოლურად გამოხატულია გამოცანებშიც კი (ამგვარად, ჯერ კიდევ რეალობასთან კავშირში მყოფი, ადამიანის გონება იწყებს თავის აღქმაში რეალობის გადაკეთებას ისე, რომ ის გავდეს თავის საკუთარ ქვეცნობიერ სამყაროს, აყენებდეს მას ნაკლებ ტკივილს. ანუ ალტერნატიული აღქმა - ეს არის გარდამავალი საფეხური ცნობიერებისთვის - ის ერთი ფეხით სინამდვილის ტერიტორიაზე დგას, მეორეთი - ქვეცნობიერის ამასთან, Silent Hill-ში ჩვენ ვხედავთ რომ ის მუდმივად მერყეობს - ხან ცდილობს ჩაებღაუჭოს სინამდვილეს, (“ნისლიანი SH”) ხან პირიქით უახლოვდება თავის სამოთხეს სულ უფრო და უფრო (“კოშმარული SH”, “არსად”).

2-3 - სამი სამყარო, ცნობიერების სამი სტიქია არსებობს ორი “უკიდურესი” სახეობის სამყარო, და აგრეთვე “გარდამავალი” სინამდვილე - ალტერნატიული სამყარო (გარდამავალი, ასევთქვათ “სამოთხე სიცოცხლეში”) - და ქვეცნობიერი სამყარო (“სამოთხე”) ამ სამყაროთაგანს თითოეულს შეესაბამება ცნობიერების გარკვეული სტიქია, რომელიც განსაზღვრავს აღქმის სახეობას. ანუ სინამვილე - “ჩვეულებრივი” აღქმა, ალტერნატიული სამყარო - ილუზია, “სამოთხე” - ჰალუცინაცია, სიზმარი. განვიხილოთ ეს ყველაფერი SH1-ის მაგალითზე :

ა) ჩემის აზრით, ცხადია, რომ სინამდვილისკენ გადახვეულ ალტერნატიულ სამყაროში (“ნისლიანი SH“) დომინირებს რეალობის ნორმალური აღქმა + ილუზია (ქალაქი აღიქმება ჩვეულებრივ, მონსტრები - ილუზია)

ბ) “Silent Hill-ი ღამით” უფრო მეტად არის მიახლოებული “სამოთხესთან”, ისე რომ მასში რჩება რელობის ნორმალური აღქმა (ქალაქი ჯერ კიდევ აღიქმება მეტ-ნაკლებად ჩვეულებრივი სახით), მაგრამ გაუარესებული ხილვადობის გამო გაძლიერებულია ილუზიის ეფექტი.

გ) “კოშმარული Silent Hill-ი” - კიდევ უფრო მეტად “ალტერნატიული” ტიპის აღქმა, ეს უკვე მაქსიმალური მიახლოებაა “სამოთხესთან” ასე რომ იქ ადგილი აქვს ილუზიას (მაგალითად, გისოსები ფეხებ ქვეშ - ილუზიაა) და + სიზმარი - ანუ მასში ბევრ ელემენტს არც კი აქვს პროტოტიპი ნორმალურ სამყაროში (მაგალითად, “კოშმარულ Silent Hill-ში ბევრი მონსტრი - უკვე აღარარის ილუზია, არამედ ჰალუცინაცია - მაგალითისთვის SH3-ში Sluper-ები ისე უბრალოდ არ ჯდებიან მხოლოდ Heather-ის გადასართავად “კოშმარულ” აღქმაში)

დ) და ბოლოს, “არსად” - ალტერნატიული სამყაროს უკიდურესი ფორმა, სინამდვილესთან პრაკტიკულად დაუკავშირებელი აღქმის სტილი. თუ აღქმის წინა ტიპები მაინც წარმოადგენდნენ სინამდვილის ხედვას სხვა კუთხიდან, ეს უფრო ჰგავს სიზმარს ცხადში - ანუ ქვეცნობიერი მთლიანად ფარავს რეალობას, ფაქტიურად სრული ჰალუცინაციაა. იმედი მაქვს, მკითხველს ესმის, რომ ყველა გმირი არ ხედავს Silent Hill-ს მაინცდამაინც “ღამის” ან “კოშმარულს” (ეს სახელები მე შევარჩიე თხრობის გასამართლებლად) - სინამდვილეში ესენი არის სინამდვილის აღქმის მიახლოვება აღქმასთან “სამოთხე”, ხოლო როგორი აღმოჩნდება ეს “სამოთხე” - დამოკიდებულია ადამიანზე.

2-4 “Was I Dreaming?” მაინც რა ემართება ჩვენს სხეულს სინამდვილეში? თავდაპირველად მინდა რაღაცა განგიმარტოთ - მთავარი გმირის სხეული რომელსაც ვხედავთ თამაშში, შეიძლება სულაც არ იყოს მისი ნამდვილი სხეული - სინამდვილეში ეს უფრო არის ადამიანის პიროვნება (ანუ “ეგო”), რომელიც გამოხატულია ქვეცნობიერ სამყაროში (სხვათა შორის, თუ ქვეცნობიერ სამყაროში გამოხატულია “ეგო” მაშინ სრულიად დასაშვებია რომ გამოხატული იყოს “ალტერ-ეგოც“) – აი რატომ არ იმტვრება James-ი ორმოში ჩახტომისას (ანუ Silent Hill 2-ში ხვრელები - ეს სწორედ ჰალუცინაციაა - შეამჩნიეთ რომ ისინი უკვე თამაშის ბოლოსკენ ჩნდებიან, როდესაც Sunderland-ის ცნობიერება იმყოფებია სადღაც “კოშმარულ აღქმასა” და “არსად”-ს შორის, რომლებშიც იწყება სინამდვილესთან კავშირის დაკარგვა) - ანუ სანამ ის ფიქრობს, რომ ხტება ხვრელში - სინამდვილეში მისი რეალური სხეული არსადაც არ ხტება. რა ემართება ადამიანის სხეულს სინამდვილეში სანამ ადამიანის ცნობიერება ღრუბლებში დაფრინავს?

ა) ჩემის აზრით, ცხადია, რომ სხეული არსად არ ქრება “ნორმალური” სამყაროდან აღქმის ალტერაციის დროს და არც მატერიალიზდება მასში ცნობიერების ნორმალურ მდგომარეობაში დაბრუნების დროს. წინაამღდეგ შემთხვევაში, ადამიანები, რომლებიც აღიქვავენ სხვადასხვა სამყაროებს (მაგალითად, James-ი და Anjela, ან Heather, Vincent და Claudia) ვერ დაინახავდნენ ერთმანეთს, ამას გარდა - წარმოიდგინეთ რა აბსურდად გადაიქცეოდა SH-ს სიუჟეტი, თუ დაუშვებდით იდეას ამ “გაქრობებზე”... თუმცა, თუ წარმოვიდგენთ, რომ სინამდვილე - ეს უბრალოდ ვიღაცის მორიგი ქვეცნობიერი სამყაროა ("What is real? What is real? What is real?" - SH4 OST ,Tender Sugar), რომელშიც დიდი ხნის წინ ყველა ადამიანი აღმოჩნდა... მაშინ ერთი სამყაროდან მეორეში გადასვლის დროს რატომაც არ უნდა გაქრნენ? (მაშინ ხომ გამოდის, რომ მატერია ფარდობითია!!) მაგრამ მაინც იდეა “გაქრობის” შესახებ მხოლოდ ჩემი თეორიული ვარაუდია... მოკლედ, არამგონია. ვნახოთ, რა იქნება შემდგომ ნაწილებში.

ბ) შესაძლებელია, სხეული მთელი ამ დროის განმავლობაში უბრალოდ სადღაც გდია გათიშული?? მაგრამ მაშინ გამოდის, რომ მთელი ალტერნატიული სამყარო - სიზმარი, ჰალუცინაციაა, ამასთან, თუ მაგალითად Heather-ი მთელი თამაში სადღაც ღობის ძირას ეგდო და ხვრინავდა - მაშინ როგორ შეეძლო სახლამდე მისვლა მეტროთი? ზოგადად, იხილეთ ნაწილი 1, პუნქტი

1-6 - იქ გამოთქმულია არგუმენტები იმ თეორიის წინაამღდეგ რომ ყველა მოვლენა უბრალოდ სიზმარია. "This is not a dream!" - (с) Harry Mason :)

გ) სინამდვილეში ცნობიერებების და ფიზიკური სხეულების ურთიერთ დამოკიდებულების პროცესი აღქმის ალტერაციის დროს სრულიად ანალოგიურია ნორმალური აღქმის ილუზიაში გადასვილსა, შემდეგ ჰალუცინაციაში. ანუ, რაც უფრო წყდება ადამიანის სინამდვილესთან დამაკავშირებელი ძაფები, მით უფრო მეტად იწყებს თავისი “სამოთხის” დანახვას, უფრო მეტად იძირება მასში (შესაბამისად, უკანასკნელი სტადია, რომლის დროსაც ადამიანი საბოლოოდ კარგავს კავშირს სინამდვილესთან - ფიზიკურ სხეულთან კავშირის დაკარგვაა ანუ სიკვდილი) ეს ასე გამოიყურება:

ა) “ნისლიან” და “ღამის” აღქმაში სინამდვილესთან კავშირი საკმაოდ ძლიერია - ასერომ სინამდვილეში Incubator-ი უბრალოდ დადის ქალაქში (ან სუპერმარკეტში, კანალიზაციაში...) პრაკტიკულად ყველაფერი რასაც აკეთებს ალტერნატიულ სამყაროში - აკეთებს სინამდვილეშიც.

ბ) “კოშმარულ” აღქმაში ადამიანის ყველა მოძრაობას ალტერნატიულ სამყაროში - მისი სხეული იმეორებს სინამდვილეში (მაგალითად, თუ Heather-ი გადაერთო კოშმარულ აღქმაში Brookhaven-ის საავადმყოფოს მეორე სართულზე და “კოშმარულ” სამყაროში წავიდა პირველი სართულის C4 ოთახში - მაშინ ის გამოფხიზლდება იქვე როდესაც დაბრუნდება “ნისლიან” აღქმაში - ანუ ის მართლაც ჩამოვიდა პირველ სართულზე და ა.შ.)

გ) როდესაც ადამიანს �