ოზურგეთის რაიონი

ოზურგეთის რაიონი
ადმინისტრაციული ცენტრი	ოზურგეთი
გამგებელი
ფართობი	675 კმ2
მოსახლეობა (2008)	79000 კაცი
სიმჭიდროვე	144 კაცი/კმ²

ოზურგეთის რაიონი — ადმინისტრაციულ-ტერიტორიული რაიონი გურიის მხარეში. რაიონის ტერიტორია 1917-მდე შედიოდა ქუთაისის გუბერნიის ოზურგეთის მაზრაში, 1921-დან ოზურგეთის მაზრაში. 1930-დან ცალკე რაიონია. 1934-90-ში მახარაძის რაიონი ეწოდებოდა.

[რედაქტირება] ბუნება

მდებარეობს მდინარეების ნატანებისა და სუფსის ხეობებში, დასავლეთიდან შავი ზღვა აკრავს, სამხრეთ-აღმოსავლეთით — მესხეთის ქედის კალთები. ტერიტორია — 675 კვ.კმ., მათ შორის სასოფლო-სამეურნეო სავარგულებს უკავია 230 კვ.კმ. რაიონის ტერიტორიაზე მიედინება მდინარეები: ნატანები, სუფსა, ბჟუჟი, ჩოლოქი და სხვა. მთავარი წიაღისეული სიმდიდრეა ასფალტი, ბენტონიტური თიხები, კაოლინი, მაგნეტიტიანი ქვიშები, მინერალური წყაროები.

[რედაქტირება] მოსახლეობა

მოსახლეობის რიცხოვნობა — 79 ათასი კაცი; სიმჭიდროვე — 144 კაცი კვ.კმ-ზე. რაიონში 74 დასახლებული პუნქტია: 1 ქალაქი, 3 დაბა და 70 სოფელი.

[რედაქტირება] მმართველობა

რაიონის ადგილობრივი თვითმმართველობის უმაღლესი ორგანოა რაიონის საკრებულო, აღმასრულებელი ორგანო — რაიონის გამგეობა. მმართველობის ადმინისტრაციული ერთეულებია:

• ქალაქის საკრებულო — 1: ოზურგეთი;
• დაბის საკრებულო — 4: ლაითური, ნარუჯა, ურეკი, ნასაკირალი;
• თემის საკრებულო — 20: ასკანის, ბაილეთის, ბახვის, ბოხვაურის, გურიანთის, დვაბზუს, ვაკიჯვრის, კონჭკათის, ლიხაურის, მაკვანეთის, მერიის, მთისპირის, ნაგომრის, ნატანების, შემოქმედის, შრომის, ცხემლისხიდის, ძიმითის, ჭანიეთის, ჯუმათის.
• სოფლის საკრებულო — 4: თხინვალი, მელექედური, ოზურგეთი, სილაური.

[რედაქტირება] ეკონომიკა

წამყვანი დარგია სუბტროპიკული სოფლის მეურნეობა, მათ შორის მემცენარეობა, მეჩაიეობა, ასევე მეციტრუსეობა, მევენახეობა, მეცხოველეობა. მრეწველობის ძირითადი დარგია კვების მრეწველობა, არის სხვადასხვა პროფილის მცირე საწარმოები. რაიონის ტერიტორიაზე გადის სარკინიგზო და საავტომობილო მაგისტრალები.

[რედაქტირება] კულტურა

რაიონში 63 სახელმწიფო ზოგადსაგანმანათლებლო სკოლაა, 5 საშუალო პროფესიული და 2 უმაღლესი სასწავლებელი (ოზურგეთის ბუნებათსარგებლობის სასწავლო ინსტიტუტი, ივ. ჯავახიშვილის სახ. თბილისის სახელმწიფო უნივერსიტეტის გურიის რეგიონის ფილიალი), 34 ბიბლიოთეკა, 1 თეატრი და 1 მუზეუმი.

[რედაქტირება] ღირშესანიშნაობანი

• ხუროთმოძღვრული ძეგლები: ლიხაურის ეკლესია, შემოქმედის სამონასტრო კომპლექსი, ნაქალაქარი „პეტრა“, ასკანის ციხე, გურიელების სასახლე.