Wit

Wit jangkang ing pinggir ndalan gedhé.

Wit iku tetanduran kanthi watang lan pang sing ngandhut kayu. Wit nduwèni watang utama sing tuwuh jejeg, nopang tajuk wit. Wit dibédakaké saka semak saka panampilané. Semak uga nduwèni watang kayu, nanging ora tuwuh jejeg. Kanthi mangkono wit gedhang dudu wit sajati amarga ora nduwèni watang sajati sing ngandut kayu. Jinis-jinis mawar luwih pas disebut minangka semak tinimbang wit amarga watangé senadyan ngandhut kayu nanging ora ngadeg jejeg lan uripé ngrembyah nutup lemah.

Watang arupa bagéyan utama wit lan dadi pangubung utama antarané bagéyan oyot, minangka pangumpul banyu lan mineral, lan bagéyan tajuk wit (canopy), minangka pusat pangolahan lebonan energi (prodhuksi gula lan réprodhuksi). Pang iku uga watang, nanging ukurané luwih cilik lan gunané ngambakaké ruang kanggo tuwuhing godhong saéngga bias luwih akèh cahya srengéngé lan uga neken tetanduran sing nyaingi ing sekitaré. Watang wit ana kulité saéngga karksa saka karusakan.

Ing basa sadina-dina, pangertèn wit rada luwih wiyar, sing ing botani disebut "wit semu". Conto paling umum saka masalah ini yaiku "wit" gedhang.