30. júní

Leit

Á öðrum tungumálum

30. júní

30. júní er 181. dagur ársins (182. á hlaupári) samkvæmt gregoríska tímatalinu. 184 dagar eru eftir af árinu.

[breyta] Atburðir

1579 - Í Bæ á Rauðasandi var framið rán er erlendir hvalveiðimenn rændu Eggerti Hannessyni sýslumanni og heimtu fyrir hann lausnargjald.

1594 - Morðbréfamálið: Fjögur bréf sem hermdu morð upp á Jón Sigmundsson lögmann dæmd fölsuð á Alþingi.

1690 - Jón Vigfússon biskup, sá er kallaður var Bauka-Jón, lést um 47 ára. Hann var biskup á Hólum í 6 ár og hafði áður stundað ólöglega tóbaksverslun.

1856 - Napóleon prins, bróðursonur Napóleons Frakkakeisara, kom til Íslands á herskipi með fylgdarliði. Frakkar voru að reyna að fá heimild til verslunar, fiskvinnslu og útgerðar á Dýrafirði.

1862 - Eldgos hófst vestan Vatnajökuls og stóð í tvö ár. Eldstöðin heitir Toppgígar og hraunið sem rann heitir Tröllahraun.

1874 - Skólapiltar Lærða skólans mótmæltu latneskum stílum með því að halda brennu vestur á Melum.

1952 - Framhaldsþátturinn Leiðarljós var fyrst sýndur í sjónvarpi.

1954 - Almyrkvi varð á sólu og sást best við suðurströndina. Varð þar myrkur í nokkrar mínútur og skinu stjörnur á himni sem um nótt. Næst mun almyrkvi sjást á Íslandi við vesturströndina þann 12. ágúst 2026.

1960 - Austur-Kongó fékk sjálfstæði frá Belgíu.

1964 - Norðurlandameistarmóti í handknattleik kvenna, sem haldið var í Reykjavík, lauk með sigri íslenska liðsins.

1968 - Kristján Eldjárn var kjörinn forseti Íslands.

1974 - Alþingiskosningar voru haldnar. Þennan dag hófu fyrstu kvenlögregluþjónar á Íslandi störf í Reykjavík.

1974 - Alberta Williams King, móðir Martin Luther King, var myrt.

1990 - Kvennahlaup ÍSÍ haldið í fyrsta sinn og var hlaupið á sex stöðum.

1994 - Kvikmynd Friðriks Þórs Friðrikssonar, Bíódagar, var frumsýnd.