17. september

17. september er 260. dagur ársins (261. á hlaupári) samkvæmt gregoríska tímatalinu. 105 dagar eru eftir af árinu.

[breyta] Atburðir

• 1605 - Sænski herinn beið ósigur fyrir Pólsk-litháíska samveldinu í orrustunni við Kircholm.
• 1630 - Borgin Boston í Bandaríkjunum var stofnuð af breskum landnemum.
• 1631 - Þrjátíu ára stríðið: Gústaf Adolf 2. Svíakonungur vann sigur á hersveitum Tillys í orrustunni við Breitenfeld.
• 1823 - Fyrsta grindadráp í Reykjavík. 450 marsvín voru rekin á land vestur í hafnarkrikanum þar sem Slippurinn er núna.
• 1844 - Fyrstu Alþingiskosningar í Reykjavík. Sveinbjörn Egilsson hlaut flest atkvæði, 15, en neitaði þingsetu og varð því Árni Helgason þingmaður, en hann hlaut 11 atkvæði.
• 1896 - Eldur sást í hafi frá Landeyjum, suðvestur af Hellisey þrjú kvöld í röð.
• 1917 - Verslunarráð Íslands var stofnað.
• 1939 - Seinni heimsstyrjöldin: Sovétríkin réðust inn í Pólland úr austri í samræmi við samkomulag þeirra við Þýskaland.
• 1948 - Folke Bernadotte greifi var myrtur af meðlimum ísraelsku hryðjuverkasamtakanna Stern (einnig kölluð Lehi).

• 1966 - Vegur fyrir Ólafsfjarðarmúla var formlega opnaður.
• 1987 - Fréttaþátturinn 19:19 hóf göngu sína á Stöð 2.
• 1988 - Steingrímur Hermannsson og Jón Baldvin Hannibalsson létu þau orð falla í viðtali í fréttaskýringaþætti á Stöð 2 að ríkisstjórn Þorsteins Pálssonar væri fallin þar sem ekki væru forsendur fyrir samstarfi eftir tillögur forsætisráðherra um 6% gengisfellingu til að mæta vanda sjávarútvegsins.
• 1992 - Landsbankinn tók eignir Sambands íslenskra samvinnufélaga upp í skuldir og innlimaði þar með Samvinnubankann.
• 1994 - Óperan Vald örlaganna var frumsýnd í Þjóðleikhúsinu og sungu Kristján Jóhannsson og Elín Ósk Óskarsdóttir aðalhlutverkin.
• 2001 - Mesta stigafall í sögu Dow Jones-vísitölunnar varð á fyrsta viðskiptadegi bandarísku kauphallarinnar eftir 11. september.

[breyta] Fædd

• 1826 - Georg Friedrich Bernhard Riemann, þýskur stærðfræðingur (d.1866).

[breyta] Dáin

• 1179 - Hildegard von Bingen, þýsk abbadís og dulspekingur (f. 1098).
• 1948 - Folke Bernadotte greifi og friðarsinni.
• 1994 - Karl Popper, austurrísk-enskur vísinda- og stjórnmálaheimspekingur (f. 1902).