14. nóvember

14. nóvember er 318. dagur ársins (319. á hlaupári) samkvæmt gregoríska tímatalinu. 47 dagar eru eftir af árinu.

[breyta] Atburðir

• 1417 - Vopnahléssamningur var gerður í Slésvík milli Kalmarsambandsins og greifanna í Holtsetalandi.
• 1642 - Hollenski landkönnuðurinn Abel Tasman uppgötvaði Van Diemens-land sem síðar var nefnt Tasmanía.
• 1665 - Konungslögin um einveldið í Danmörku voru undirrituð af Friðriki 3..
• 1894 - Sjómannafélagið Báran var stofnað í Reykjavík.
• 1917 - Staðfest voru lög um sjálfræði og fjárræði manna. Samkvæmt þeim urðu menn sjálfráða 16 ára og fjárráða 21 árs. Síðar lækkaði fjárræðisaldur í 20 ár þann 19. desember 1967 og í 18 ár þann 1. október 1979.
• 1930 - Hitaveita Reykjavíkur var tekin í notkun með 2800 metra langri heitavatnslögn frá þvottalaugunum í Laugardal. Þetta var fyrsta hitaveita á Íslandi og tengdust henni 70 - 80 hús, þar á meðal Sundhöllin og Landspítalinn.
• 1956 - Togarinn Fylkir sigldi á tundurdufl norður af Straumnesi og sökk. Öll áhöfnin bjargaðist um borð í togarann Hafliða.

• 1963 - Ríkisstjórn undir forsæti Bjarna Benediktssonar tók við völdum og sat í tæplega sjö ár. Hún var hluti svokallaðrar viðreisnarstjórnar.
• 1963 - Surtseyjargosið hófst um klukkan sjö að morgni á Íslandi að staðartíma.
• 1970 - Bílgreinasambandið var stofnað á Íslandi.
• 1972 - Dow Jones-vísitalan fór yfir þúsund stig í fyrsta skipti.
• 1985 - Hólmfríður Karlsdóttir var kjörin Ungfrú heimur 22 ára gömul.

[breyta] Fædd

• 1765 - Robert Fulton, bandarískur verkfræðingur og uppfinningamaður (d. 1815).
• 1840 - Claude Monet, franskur listamaður (d. 1926).
• 1907 - Astrid Lindgren, sænskur rithöfundur (d. 2002).
• 1944 - Björn Bjarnason, íslenskur stjórnmálamaður.
• 1948 - Karl Bretaprins.
• 1954 - Logi Ólafsson, íslenskur knattspyrnuþjálfari.

[breyta] Dáin

• 1716 - Gottfried Wilhelm von Leibniz, þýskur stærðfræðingur og heimspekingur (f. 1646).
• 1831 - Georg Wilhelm Friedrich Hegel, þýskur heimspekingur (f. 1770).
• 1832 - Rasmus Kristján Rask, danskur málfræðingur (f. 1787).
• 1966 - Steingrímur Steinþórsson, forsætisráðherra Íslands (f. 1893).
• 1983 - Tómas Guðmundsson skáld og rithöfundur, 82 ára.