Lingua portugese

Paises en que portugese es parlate.

Le Portugese ha su proprie edition de Wikipedia.

Le portugese es un lingua romanic parlate in Portugal, Brasil e alcun paises african e asiatic.

Illo es un lingua indoeuropee de base greco-latin, con alcun elementos del lingua arabe, in consequentia de que le arabes populava le integre Peninsula Iberica e durante longe annos habitava le parte sud de Portugal, appellate Algarve (in arabe Al-Gharb, que significa le West) .

Le portugese es parlate per un total de ultra 196.800.000 parlantes in le mundo, del quales plus de 10.000.000 habita in Europa.

Le paises de lingua portugese
Paises	Population (milliones)	% parlantes native	Parlantes native
Angola	13,5	60	8,1
Brasil	175,0	100	175,0
Mozambique	18,6	20	3,7
Portugal	10,0	100	10,0
Total	217,1		196,8

Ultra le quatro paises de lingua portugese supra mentionate, on debe anque adder illos ubi le portugese es usate como lingua official: Capo Verde, Guinea-Bissau, San Tome e Prince, e Timor Est. Statisticamente, comocunque, le numeros de iste paises es pauco expressive.

In le insulas de Capo Verde, le population conta solmente 435.000 habitantes e le majoritate parla crioulo.
In Guinea-Bissau, con un population de 1 million e 300.000, solmente 2% parla portugese.
In San Tome e Prince, le population conta solmente 140.000.
In Timor Est, con 750.000, inter 15% e 20% parla portugese.

Recuperate de "http://ia.wikipedia.org/wiki/Lingua_portugese"