Adjuta:Como crear paginas

Ecce como crear un nove pagina. Tu tamben pote apprender como formatar texto.

Tabula de contento

[modificar] Principios general

Face un recerca pro vider si alcuno ja ha redigite un pagina similar ante que tu mesme crea un.
Crea un nove pagina ab un "ligamine rubie" que ja existe in un pagina indice. Ligamines a paginas que ancora non existe appare como "ligamines rubie". Vide plus infra.
Consulta le conventiones de nomenclatura ante nominar un nove pagina o definir un nove pagina indice.

[modificar] Manieras de crear un nove pagina

Crear un pagina ab un ligamine existente
Crear un pagina per modificar le URL
Crear un pagina ab le campo de probas

[modificar] Crear un pagina ab un ligamine existente

Pro crear un nove pagina, tu pote cliccar super un ligamine al titulo del nove pagina. A mesura que tu lege paginas de Wikipedia, tu videra ligamines cliccabile a paginas que ancora non ha essite redigite (como isto: Exemplo de titulo de articulo nota que isto non es un ligamine functional real). Ligamines a paginas non redigite appare in color rubie. Clicca super le ligamine e tu arrivara a un pagina que dice:

Tu ha sequite un ligamine a un pagina que totevia non existe. Pro crear un nove pagina, comencia a scriber in le cassa infra. (Vide le pagina de adjuta pro plus information.) Si tu es hic per error, simplemente clicca le button Retornar de tu navigator.

Simplemente comencia a dactylographar tu articulo in le quadro de texto. Quando tu habera terminate, clicca le button "Monstrar previsualisation" pro verificar si le futur apparentia del pagina corresponde a tu expectationes e si tu non ha committite alcun error. Alora clicca le button "Salvar articulo" al base del pagina.

[modificar] Crear ligamines a altere paginas

Durante que tu edita alcun pagina existente, si tu opina que alcun parola o expression que tu dactylographa merita haber un articulo proprie, e si un ligamine a ille articulo es conveniente in tu pagina, simplemente mitte lo inter parentheses recte duple [[como isto]]. Nos denomina isto "wikificar" le texto. Quando tu salva le pagina currente, ille parola se ligara magicamente al articulo de Wikipedia que ha le mesme nomine.

[modificar] Crear un pagina per modificar le URL

Un del manieras le plus facile de crear un nove pagina es scriber alco simile al sequente in tu navigator como adresse de pagina:

http://ia.wikipedia.org/wiki/Exemplo_de_titulo_de_pagina

substituente a "Exemplo_de_titulo_de_pagina" le titulo que tu desira pro le futur pagina. Per exemplo, pro crear un articulo super Batman, dactylographa:

http://ia.wikipedia.org/wiki/Batman

Isto facera apparer un message standard que te informa que ille pagina ancora non contine texto. Alora, clicca super le ligamine "Modificar iste pagina" al base de ille pagina, e presto! ora tu redige un pagina completemente nove.

[modificar] Crear un nove pagina ab le campo de probas

Un altere option pro apprender como editar es usar le campo de probas!

Modifica le campo de probas e crea un nove ligamine.
Alora crea/modifica tu nove pagina per cliccar super le ligamine e rediger le texto.

Nota: Le campo de probas es periodicamente radite, alora registra le adresse del pagina(s) que tu creava in le lista de preferitos de tu navigator a fin de modificar los de novo in le futuro. Si tu es un usator registrate, illo(s) apparera sub "Mi contributiones" in le barra de ligamines.