Հակոբ Հակոբյան (նկարիչ)

Այս հոդվածը նկարչի մասին է։ Այս անունը կրող այլ անձանց համար, այցելեք Հակոբ Հակոբյան։

Հակոբյան Հակոբ Տիգրանի (ծ․ Մայիսի 24, 1923) – ՀՀ Ժողովրդական գեղանկարիչ, պետական մրցանակի դափնեկիր, ՀԽՍՀ ԳԽ պատգամավոր (1967-71)։

Ուսանողական տարիներին Փարիզում, 1953

[խմբագրել] Կենսագրություն

Ծնվել է 1923թ. Ալեքսանդրիայում (Եգիպտոս)։ Ուսանել է Կիպրոսի Մելգոնյան վարժարանում։ Մասնագիտական կրթությունը ստացել է Գահրեի գեղարվեստի (1944-48) և Փարիզի Գրան Շոմիե ակադեմիաներում (1952-54)։ Հայրենիքում նրա մասին տեղեկացվել են մամուլից և այն նկարներից, որ նա 1960 թվականին ընծայել էր Հայաստանի պետական պատկերասրահին։ Մասնակցել է Երիտասաարդության և ուսանողների համաշխարհային IV փառատոնին (1953, Բուխարեստ, 2-րդ մրցանակ), արդի եգիպտական արվեստի (1958, Մոսկվա, Լենինգրադ) ցուցահանդեսներին, Ալեքսանդրիայի բիենալներին (1959, 1961)։ 1962-ին ընտանիքով հայրենադարձել է Հայաստան։

[խմբագրել] Նկարչական ոճ

Հակոբյանը իր ստեղծագործական առաջին շրջանում ստեղծել է նատյուրմորտներ, որտեղ շեշտված են տխրության ու առանձնության զգացմունքները. «Կինը խոհանոցում», «Սխտորներ», «Վիշտ», «Դերձակը» գործերը այդ ստեղծագործական ժամանակահատվածի լավագույն օրինակներն են ։ Օտարության մեջ ապրելու տարիներին Հակոբյանը հիմնականում նկարել է թեմատիկ նկարներ, ուր յուրահատուկ ուժով ու նրբությամբ ընդանրացրել է հայրենիքից հեռու ապրող իր հետեղեռնյան սերնդակիցների հոգեվիճակը։ Բնանկարների ենթատեքստում շոշափելի են անհանգիստ ժամանակից բխող լարվածության ու տագնապի զգացմունքները, որոնք ակնհայտ են «Նեյտրոնային ռումբին՝ ոչ», «Սումգայիթ» կտավներում և «Ընտանիք» քանդակում։

[խմբագրել] Ստեղծագործություններ

• «Կինը խոհանոցում» (1959)
• «Սխտորներ» (1961)
• «Վիշտ» (1961)
• «Դերձակը» (1962)
• «Գարուն» (1969)
• «Անդորր» (1970)
• «Մալիշկա գյուղը» (1970)
• «Ջրանցքի մոտ» (1972)
• «Իմ արվեստանոցը» (1983)
• «Սումգայիթ»(1989)
• «Գործիքներ» (1998)
• «Հանրապետության հրապարակ» (2001)
• «Բուժքույրը» (2003)
• «Վիրուսներ» (2003)
• «Դեր Զորում զոհված մեծ հորս՝ Սարգիս Եսայանի հիշատակին» (2004)

[խմբագրել] Մրցանակներ

• ՀԽՍՀ Պետական մրցանակ (1977, 1985)
• «Հայաստան» համահայկական հիմնադրամի մրցանակ (1994)
• ՀՀ Ս. Մեսրոպ Մաշտոցի շքանշան (1996)
• Հայ եկեղեցու Ս.Սահակ–Ս. Մեսրոպ շքանշան (2003)
• Երևանի պատվավոր քաղաքացի (2001)

[խմբագրել] Տպագրություններ

Հ. Հակոբյան, Ու մերթ լացավ, ու մերթ խնդաց իմ հոգիս. հոդվածներ, հարցազրույցներ, Երևան, Սարգիս Խաչենց, 2006.

[խմբագրել] Օգտակար հղումներ

• Հակոբ Հակոբյանի նկարները Հայաստանի Ազգային Պատկերասրահում
• Հակոբ Հակոբյանի կենսագրությունը (անգլ․ և ռուս․) և նկարներից նմուշներ
• Հակոբ Հակոբյանի կենսագրությունը (անգլ․) և նկարների թանգարան

Սա անձի մասին անավարտ հոդված է։ Դուք կարող եք օգնել Վիքիփեդիային՝ ուղղելով և լրացնելով  այն։