Portada

Historia da moeda en Galicia: Antes da chegada dos romanos, os pobos que se asentaban no territorio que hoxe comprende Galicia non coñecían a moeda, os seus intercambios comerciais baseábanse no troco. Estrabón fala do uso nestas terras de pequenas placas de prata para seren utilizadas no cambio, mais arqueoloxicamente non hai ningunha evidencia da súa utilización. As primeiras moedas das que hai evidencia arqueolóxica son ibéricas e romanas que se atopan nos castros galegos máis como botíns de incursións guerreiras realizadas no século II e I a.C.

Che Guevara foi un médico, político e revolucionario marxista. Foi un dos líderes da guerrilla na Revolución Cubana, e participou nos primeiros anos do novo réxime, en particular como ministro de industria. En 1965, despois de denunciar a explotación do terceiro mundo polos dous bloques da Guerra Fría, desapareceu da vida política de Cuba coa intención de espallar a revolución. En primeiro lugar en Congo-Léopoldville, sen éxito, e despois en Bolivia, onde foi capturado e executado de forma clandestina polo exército boliviano coa colaboración da CIA estadounidense. Trala súa morte converteuse nun símbolo de alcance mundial; para os seus seguidores simboliza a loita contra as inxustizas sociais ou de rebeldía e espírito incorruptible.

• 1882, nace Georges Braque, pintor francés (m. 1963).
• 1950, celébrase a primeira carreira oficial de Fórmula 1 no circuito de Silverstone, Gran Bretaña.
• 1988, morre Chet Baker músico de jazz estadounidense. (n. 1929).
• 2002, como resultado das conclusións do II Fórum Social Mundial de Porto Alegre creáse Media Watch Global.