Mozilla Firefox

Mozilla Firefox
Mozilla Firefox 2.0 en GNOME, Ubuntu
Desenvolvedor:	Mozilla Foundation
Última versión:	3.0.1[1] (16 de xullo, 2008)
Sistema operativo:	Windows/GNU/Linux/Mac OS X/Solaris/BSD
Xénero:	Navegador web
Licenza:	MPL/GPL/LGPL
En galego:	Si (mediante extensión)[2]
Sitio web:	www.mozilla-europe.org

Captura de Mozilla Firefox 1.5.0.7 en galego na versión para Mandriva Linux 2006

Mozilla Firefox (orixinariamente coñecido como Phoenix e brevemente como Mozilla Firebird) é un navegador desenvolto pola Mozilla Foundation, axudado por centos de voluntarios como software libre e multiplataforma.
A versión 1.0[3] foi publicada o 9 de novembro de 2004, e ata o 12 de febreiro de 2007, Firefox acadou os 300 millóns de descargas, converténdose nunha das aplicacións de código libre máis usadas polos usuarios particulares.

A versión actual estable é a 3.0.1, do 16 de xullo do 2008. Estase a desenvolver a 3.1. Mozilla Firefox pretende ser un navegador pequeno, rápido, intuitivo, estable e seguro. Baseado no compoñente de navegación da suíte Mozilla, o Firefox converteuse no produto principal da Mozilla Foundation.

Porcentaxe do uso de Firefox

O código fonte de Firefox está disponíbel baixo os termos MPL/GPL/LGPL. De acordo con Net Applications, o 14'56% dos navegadores do mundo eran Firefox en agosto do 2007, cun 14'05% usando a version 1.5 ou superior.