Geörgje

საქართველო (Sakartvelo)

Flagge Wapen
Motto: ძალა ერთობაშია
Folksliet: Dideba zetsit kurtheuls
Offisjele taal	Georgysk
Haadstêd	Tbilisi
Steatsfoarm	Republyk
Gebiet Oerflak % wetter	69.700 km² -­%
Ynwenners (2004)	4.677.401
Munt	Lari (GEL)
Tiidsône	UTC +4
Nasjonale feestdei	26 maaie
Lânkoade	GEO
Ynternet	.ge
Tillefoan	995

Geörgje is in lân yn Lyts-Aazje. De haadstêd is Tbilisi en de presidint fân de republyk is sûnt 2004 Mikheil Saakashvili

[bewurkje seksje] Skiednis

It gebiet fan de twa âlde keninkriken Koltsji en Kartli foarmet rûchwei it gebiet wat no Geörgje is. Al yn 'e 4e ieu waard it Kristendom as steats-godstsjinst ynfierd. Ieuwenlang hat it lân hast oan ien tried wei beset west, mei de Romeinen, Arabieren, Persen en Turken dy't der baas wienen. Dêrnei kaam de goudene tiid foar Geörgje, fan de 11e oant en mei de 13e ieu.

De ynvaazje fan de Mongoalen makke in ein oan de bloeitiid, en wie it begjin fan in nije rige oerhearskers. Nei de Mongoalen kamen de Ottomanen en wer de Persen, oant it lân yn de 19e ieu yn de Russyske ynfloedssfear kaam. Nei in koarte perioade fan ûnôfhinklikens tusken 1918 en 1921, wie op 'e nij Moskou' baas yn Geörgie, mar no wienen it de kommunisten dy't de skepter swaaiden.

Sûnt 1991 is Geörgje, foar it earst sûnt de 14de ieu, foar langere tiid ûnôfhinklik. It lân kaam yn dy jierren yn in ekonomyske resesje wat late ta in boargeroarloch. Yn 1995 kaam Eduard Sjeverdnadze oan de macht. De ekonomyske tastân ferbettere net en de korrupsje naam allinne mar ta. Nei swiere protesten fan de befolking yn novimber 2003 gong Sjeverdnadze as president ôf. Nije ferkiezings yn 2004 brochten Mikheil Saakasvili oan de macht, en makken dêrmei de Nederlânske Sandra Roelofs de presidintsfrou fan Geörgje.

De Kriich yn Súd-Osseesje sette útein nei in deimannich fjochtsjen yn Súd-Osseesje. Op 7 augustus teagen Geörgyske legers op it gebiet oan, in dei letter de Russen.

[bewurkje seksje] Geografy

Yn it noarden fan it lân leit it Kaukasus-berchte. De heechste berch fan Geörgje is de Janga (5051 m).

Geörgje wurdt begrinzge troch:

• Ruslân yn it noarden;
• Azerbeidzjan yn it súdeasten;
• Armeenje yn it suden;
• Turkije yn it súdwesten;
• de Swarte See yn it westen.

[bewurkje seksje] Stêden

Wichtichste stêden fan Geörgje binne:

• Tbilisi
• Kutaisi
• Batoemi
• Rustavi
• Gori

[bewurkje seksje] Demografy

Der wenje likernôch 4,5 miljoen minsken yn Geörgje (2006). Sûnt de ûnôfhinklikens yn 2001 wenje der sa'n miljoen Geörgjers om utens.

Geörgje is al hiel lang in multyetnysk lân. Der binne mear as 26 befolkingsgroepen: 83,8 % fan de ynwenners binne Geörgjers, 6,5 % Azerbajaners, 5,7 Armeenjers, 1,5 % Russen, 0,9 % Osseten, 2,66 Abgazen, 0,1 Aramejers en 1,51 % heart by in oare befolkingsgroep sa as de Pontos-Griken, Koerden, Joaden en oaren (folksrûzing 2002).