Tresnak
Nafarroako eskualdeen zerrenda
Nafarroako eskualdeak ez daude ondo zehaztuta gaur egun, beste garai batean merindadeak zeuden moduan.
Probintzia hiru zatitan banatuko dugu, eta maparen arabera deskribatuko ditugu zaonaldeak.
Eduki-taula |
[aldatu] Iparraldea
Urdin tonalitate desberdinetan, Bortziriak agertzen dira iparraldean, ekialdean Baztan, Urdazubi eta Zugarramurdi dituztela. Baztanen mendebaldean eta Bortzirien hegoaldean Malerreka ("Bidasoa Garaia") dugu, eta haren hegoaldean, urdin ilunagoz, Ultzama aldea (Basaburua, Imotz, Atetz, Odieta, Anue, Lantz, Olaibar, Ezkabarte eta Ultzama bera).
Mendebaldeko eskualdeak, Gipuzkoako mugan, Leitzaldea eta Sakana dira.
Ipar-ekialdean, aldiz, arrosa kolorez Zaraitzu-Erronkari ditugu, sartaldetik sortaldera.
Azkenik, ipar eta erdialdean, Nafarroa Behereko mugan, Auñamendi dugu, mapan morez dagoelarik.
[aldatu] Erdialdea
Probintziako erdi-erdialdean Iruñerria dago, eskualderik populatuena eta hiriburua biltzen duena (mapan berdez). Honen hegoaldean, berde ilunagoz, Izarbeibarra dugu.
Mendebaldean, Lizarrerria dugu, zabal-zabal, hori tonalitate desberdinez mendebaldeko zati txikiagoa eta ekialdeko eremu nagusia banatuz.
Ekialdean, azkenik, arrosa argiz Agoitz aldea agertzen zaigu (Lintzoain, Longida, Urrotz, Izagaondoa, Untziti, Elo, Ibargoiti eta Agoitz bera) eta arrosa ilunagoz Irunberri aldea (Urraulgoiti, Urraulbeiti, Erromantzatua edo Urraul-Ekialdekoa eta Irunberri bera).
[aldatu] Hegoaldea
Hegoaldean Erribera delako eskualde zabala dugu, hiru zatitan banatuta:
-
- Tutera aldea laranja kolorez (Corella, Fitero, Zentroniko, Cascante, Murchante, Monteagudo, Tulebras, Barillas, Ablitas, Fontellas, Cabanillas, Ribaforada, Fustiñana, Buñuel, Cortes, Bardeak, Valtierra, Arketas, Castejon eta Tutera bera).
-
- Arga-Aragón ibaien erribera, gorriz (Zarrakaztelu, Murillo el Fruto, Santakara, Melida, Murillo el Cuende, Caparroso, Alesbes, Milagro, Martzilla, Funes, Azkoien, Faltzes eta Miranda-Arga).
Iparraldeko erdialdean, berriz, marroiz, Orbaibarra eta Tafalla-Erriberriko ingurualdea ditugu (Lerga, Uxue, Pitillas, Beire, Artaxoa eta Erriberri eta Tafalla haiek).
Ipar-ekialdean, marroi argiz, Zangozako ingurualdea dugu azkenik (Esa, Ledea, Oibar, Leatxe, Ezporogi, Eslaba, Galipentzu, Zare, Kaseda, Xabier, Petilla de Aragon eta Zangoza bera).
