Akronimo

Akronimoa (grezieratik akros, punta, garaiera eta onoma, 'izena'), zorrozki, bi hitz batuta sortzen den hitza da, horretarako hitz bakoitzaren hasiera (punta) bana hartuta.

Arruntki, hitz edota letra konbinaketa baten ondorioz sortutako hitz bat deskribitzeko erabiltzen da (nahiz eta bi baino gehiago izan eta hauen hasieraz konposatuta egon ez).

Siglarekin alderatuta, akronimoa izen edo termino independentea izan ohi da. Sigla bat topatzen dugunean, haren atzean dagoen talde edo dena delakoa adierazten zaigula ulertzen dugu, eta akronimoa, berriz, izen beregaina da, bere osagarriak zein diren ere ez da hiztuna jabetzen. Siglak ez bezala, soilik lehen letra izan ohi dute larriz akronimoek.

Siglak dira, adibidez:

• NBE: Nazio Batuen Erakundea.
• BBK: Bilbao Bizkaia Kutxa.

eta akronimoak, berriz

• Emakunde: EMAkume eta eraKUNDE terminoen artean sortua
• Elkar: Euskal Liburu eta Kanten ARgitaldaria da, berez, argitateletxe honen izenaren atzean dagoena.