Tago

Tago estas unu el multaj unuoj de tempo. Ĝi ankaŭ povas signifi la tempon inter leviĝo kaj subiro de la suno. Ankaŭ vorto "tago" povas signifi plenan (24-horan) ciklon de lumo kaj mallumo, tamen por la lasta pli preciza termino estas diurno.

Laŭ Sistemo Internacia de Unuoj, unu diurno egalas al 86400 sekundoj, aŭ 86401 se supersekundo estas necesa (pro la plimalrapidiĝo de Tero).

La hodiaŭa tago estas la 16-a de oktobro 2008. Indikon de konkreta tago oni nomas dato.

Estas sep tagoj en semajno, iliaj esperantaj nomoj devenas plejparte de la latina lingvo (trans la franca) krom "sabato", kiu devenas de la hebrea lingvo.

• Lundo (fr: lundi, la: dies lunis), tago de la Luno
• Mardo (fr: mardi, la: dies Martis), tago de dio Marso
• Merkredo (fr: mercredi, la: dies Mercurii), tago de Merkuro
• Ĵaŭdo (fr: jeudi, la: dies Iovis), tago de Jupitero
• Vendredo (fr: vendredi), tago de diino Venera
• Sabato (it: sabato, he: ŝa'bat), tago por ripozo kaj adoro de dio (ŝabato)
• Dimanĉo (fr: Dimanche, la: dies dominicalis)), tago de la sinjoro (dominus)

(Por listo de ĉiuj kalendaraj tagoj en jaro, vidu ankaŭ artikolon Tagoj.)

[redakti] Ekstera ligo

 Retpaĝo montranta, kie taglumo estas momente.

[redakti] Proverbo

Ekzistas pluraj proverboj pri tago en la Proverbaro Esperanta de L. L. Zamenhof, inter ili^[1]:

« Eĉ por plej terura tago venas vespero. »

« En la tago de la sankta Neniamo. »

« Laŭdu tagon nur vespere. »

[redakti] Referencoj

1. ↑ [1]

Ĉi tiu artikolo pri "Tago" ankoraŭ estas ĝermo. Vi povas helpi pluredakti ĝin post klako al la butono redaktu. Se jam ekzistas alilingva samtema artikolo pli disvolvita, traduku kaj aldonu el ĝi.