Wikipedia:Cunsigli par scriva un articulu

Eccu uni pochi di cunsigli par scriva un articulu. Par cumincià, u megliu hè di scriva un articulu simpliciu. Viditi par asempiu l'articulu annantu à a Sicilia o a cità di Palermu. Quissi cunvenini parfettamenti. Par avà, un picculu articulu basta. Pudarà crescia dopu.

Scriviti in corsu suttanacciu o supranacciu, com'è vo vuleti. Issa manera di fà rispetta a diversità chì caratterizeghja a lingua corsa:

• in a varietà cismuntica di a lingua corsa: A Sicilia hè a più grande isula di u Mare mediterraniu è hè una regione taliana; a capitale amministrativa di l'isula hè Palermu.

• in a varietà taravesa di a lingua corsa: A Sicilia hè a più grandi isula di u Mari mediterraniu ed hè una rigioni taliana; a capitali amministrativa di l'isula hè Palermu.

Ci hè quantunqua una eccezzioni: hè megliu ch'un articulu annantu à Bastia o u Capicorsu fussi scrittu in a variità cismontica currispundenti di a lingua corsa. Inveci cunveni megliu par asempiu ch'è l'articulu annantu à u Taravu fussi scrittu in a variità taravesa, è ch'è l'articulu annantu à u Casteddu di Tappa fussi scritti in a variità sartinesa.