Cuccu

	U cuccu

Cuculus canorus

Classificazioni scentifica

Regnu

Animalia

Divisioni

Chordata

Classa

Aves

Ordini

Cuculiformes

Famiglia

Cuculidae

Genaru

Elyomis

Nomu binuminali

Elyomis quercinus
Linnaeus, 1753

U cuccu (Cuculus_canorus) hè un tipu d'aceddu chì faci parti di a famiglia di i Cuculidae. U nomu cuccu veni da u cantu di 'ssu aceddu. U cuccu hè abbastanza maiori, essendu longu 30-35 cm. A coda hè longa, ronda è grisgia. L'apartura alari hè di 55-60 cm. U cuccu pesa 70-160 g. U cuccu hè grisgiu-turchinu sottu è à u liveddu di a vola. I ghjovani sò bruni è russicci. U cuccu ghjugni in Auropa versu a fini di marzu. D'inguernu, stà in Africa o in Asia. U cuccu magna bruga è mignocula. A femina faci parechji ova (unu par nidu) in i nida di parechji spezii d'aceddi più chjuchi com'è a cardalina, a capinera, a codizennula, ecc. In ogni nidu, u cuccu femina sceglii un ovu, u si manghja eppo dopu u caccia è u rimpiazza pa u soiu. U piulaconu di u cuccu nasci più prima cà l'altri è si sbarrazza tandu di u restu di a cuvata. Cusì ferma solu in u nidu.

U cuccu si nutricsi d'insetti, di bruga, di molluschi è di ragna.

Cuntenutu

[mudificà] In Corsica

U cuccu hè cumunu in Corsica.

[mudificà] Citazioni

U cuccu hè citatu à spessu in a litteratura è in a cultura corsa. Par esempiu in i sprissioni:

un vechju cuccu.
castrà i cucchi.
cuntenti com'è un cuccu.
un annu hè cuccu, un annu hè falcu. Si dici ancu: faci u cuccu è u falcu.
in u pruverbiu: L'ottu d'aprili, u cuccu si devi sentire. S'eddu un si senti, hè mortu o per murire. Si dici ancu: U cuccu S'ellu un canta lu diciottu, o ellu hè persu o ellu hè mortu.
o in i Canti d'aceddi di Monsignori Di La Fuata: