Urzhiad

E bevoniezh e reer urzhad pe urzhiad eus rannad ur gevrennad. E rummatadur ar bevien emañ an urzhiad etre ar gevrennad hag ar gerentiad. Ar pevare derez eo an urzhiad e skeuliad rummatadur reizhiadek ar bevien.

[kemmañ] Dibennoù-ger latin a verk ar renk e rummatadur ar bevien

E diwezh anvioù an urzhiadoù e kaver al lostger latin -ales evit ar plant, ar bezhin hag ar foue.
Evit pezh a sell ren al loened, lostgerioù zo lakaet e plas dindan renk an uskerentiad hepken (ICZN mellad 27.2). Koulskoude e kaver alies al lostger -formes e diwezh anvioù an urzhiadoù. Talvezout a ra da lavaret e vez bodet spesadoù dezho an hevelep neuz en urzhiad.

Skouerioù :

• Loened : Scorpaeniformes (pesked, dezho stumm kruged), Salmoniformes (pesked, dezho stumm eoged)
• Plant : Juncales, Liliales, Najadales