Януар Іванавіч Сухадольскі

Януар Сухадольскі

Януар (Ян) Іванавіч СУХАДОЛЬСКІ (1797, Гродна — 1875), жывапісец-баталіст.

Першыя ўрокі жывапісу браў у польскага мастака А. Брадоўскага. У якасці баталіста ўдзельнічаў у руска-іранскай вайне (1826-1828), знаходзіўся пры штабе фельдмаршала І. Паскевіча на заказ якога стварыў цыкл карцін. Удзельнічаў ў паўстанні 1830–1831 гадоў, эміграваў, жыў у Рыме. Пасля амністыі, вярнуўся на радзіму, дзе жыла сям'я. Па запрашэнні імператара Мікалая I паехаў у Пецярбург дзе атрымаў заказ на цыкл карцін пра батальныя сцэны руска-французскай вайны 1812 году. Цяпер частка карцін захоўваецца ў Гомельскім краязнаўчым музеі (работы, што былі створаныя на заказ фельдмаршала І. Паскевіча).