Чырвона-зялёны сцяг

Сцяг БССР (1951-1991).

Сцяг Беларусі (з 1995).

"ЧЫРВОНА-ЗЯЛЁНЫ СЦЯГ", дзяржаўны сцяг БССР, зацверджаны 25 снежня 1951. Таксама сцяг Беларусі, уведзены пасля рэферэндуму 14.5.1995.

Сцяг узору 1995 вельмі падобны на сцяг узору 1951, розніца ў адсутнасці сярпа і молата і ў "інвертаваных" колерах арнамента.

Гл. таксама: Чырвоны сцяг БССР, Бел-чырвона-белы сцяг.

[правіць] Арнамент на сцягу ўзору 1951

У канцы 1940-х з'явілася палітычная патрэба ў візуальна розных дызайнах сцягаў саюзных рэспублік СССР, асабліва тых, якія былі членамі ААН. Для сцягу БССР у якасці адметнасці выбралі беларускі народны арнамент. Тады ў даваенных архівах Белпрамсавету быў знойдзены малюнак вышыўкі на ручніку, вышытым у 1917 сялянкай Матронай Маркевіч з в. Касцілішча Сенненскага раёну. Вышыўка называлася "Узыходзячае сонца". Мастак М. І. Гусеў падрыхтаваў праект на аснове рысунку, з пэўнымі сімвалічнымі дадаткамі.

Арнамент сцягу сімвалічна расшыфроўваецца так (паласа з арнаментам павернутая гарызантальна):

• цэнтральная рамбавідная фігура сімвалізуе ўзыходзячае сонца;
• рагавідныя фігуры злева і справа ад яе сімвалізуюць багацце і дабрабыт;
• фігура ўнутры ромба гэта "ключ да шчасця";
• прамавугольная фігура з меншымі прамавугольнікамі, далучанымі злева і справа, гэта "вотыўны знак", які выражае жаданне здзяйснення мараў;
• арнаментальная фігура сімвалізуе хлеб (гэтага не было на арыгінальнай вышыўцы, дададзена пасля пэўнай дыскусіі).

[правіць] Крыніцы

• Басаў А.Н., Куркоў І.М. Флагі Беларусі ўчора і сёння / Пер. А. Н. Найдовіч. –Мн.: Полымя, 1994. ISBN 5-345-00730-6.