Tarabidau fesico

Se clama hardware u tarabidau fesico a lo conchunto de elementos materiales que composan un ordenador. En iste conchunto se encluyen os dispositios eleutronicos y eletromecanicos, zercuitos, encordaderas, tarchetas, almarios u caxas, perifericos de toda mena y atros elementos fesicos.

O hardware se refiere a toz os componéns fesicos (que se pueden tocar) d'a computadora: discos, unidaz de disco, monitor, teclau, xoriguet, imprentadora, placas, chips y demás perifericos. En cambeo, o software ye intocable, esiste como ideyas, conzeutos, simbolos, pero no tien sustanzia. Una güena metafora serba un libro: as pachina y a tinta son o hardware, mientres que as parabras, orazions, cabos y o senificau d'o testo son o software. Una computadora sin software serba tan inútil como un libro con pachina en blanco.