Ordinador

Debuxo d'un ordenador de sobremesa

Ordinador portiable IBM

Un ordinador u computadora, ye un aparato que sirbe ta prozesar informazión siguindo uns prozedimentos determinatos. Encara que aparatos como l'abaco y atras calculadoras mecanicas dentren en ista definizión, os ordinadors mudernos son aparatos eletronicos, alazetatos en l'Alchebra de Boole y o sistema binario.

[editar] Partis d'un ordinador

[editar] O prozesador

O zelebro d'a maquina ye o prozesador u a unidá zentral de prozeso (CPU). Ye un chip con millons de microtransistors capable d'executar millons d'instruzions por segundo. Ye o encargato d'agafar os datos de dentrada, y executar as instruzions d'un programa informatico ta chenerar unos resultatos (datos de salita). A suya potenzia la da la suya belozidat mesurata en Hertzios(GHz), o tipos de CPU (Pentium 3, Pentium 4, Athlon,...), y a mesura d'a memoria cache que encorpora (puede estar de nibel 1, 2 u 3).

Ye muntato en a caxa (tamién clamata torre) que contien as partis de l'ordinador que han de ser más amanatas á lo prozesador.

[editar] A memoria prenzipal

A memoria ye a encargata d'almadazenar os datos y os programas que s'han de nimbiar á lo prozesador, ta la suya execuzión. Tamién s'encarga d'alzar os datos que iste chenera.

Se clama memoria prenzipal á aquera á la que prozesador azede dreitament més a sobent. Por as suyas carauteristicas, por un regular s'emplega a memoria de tipo RAM (memoria d'azeso aleatorio) ta ista funzión.

Todas as unidaz de memoria se pueden clasificar seguntes a capazidá (256 megabytes (MB), 512 MB, ...) y o tipo (de menos rapida á más); SDRAM(100), SDRAM(133), DDR (266), DDR(333), DDR(400),...

[editar] Dispositibos d'almadazenamiento

Por custions tecnicas, d'ordinario ye imposible almazenar tota la informazión en a memoria prenzipal. Por ista enchaquia, esiste a memoria secundaria, an s'almadazena toda la informazión con a que no siga treballando o prozesador en ixe inte. En cheneral, ista ye constituyita por toda una serie de dispositibos d'almadazenamiento esferenziatos d'a computadora en si mesma.

Á esferenzia d'a memoria prenzipal, que gosaba estar bolatil (se borra en apagar l'ordinador), os dispositibos d'almadazenamiento gosan estar no bolatils (se conserba o suyo contenito cuan s'apaga l'ordinador). Bi ha diferens tipos: disquets, discos duros, CD (Disco Compauto), DVD, zintas, memorias flash, ...

Ratón

[editar] Dispositibos de dentrada y surtida (E/S)

Nos premiten comunicar-nos con l'ordinador;

• De dentrada; El teclato, el rata, o joystick, o escaner, o microfón, a webcam, ...

• De surtida; o monitor, l'altaboz, a imprentadora,...

O teclato

[editar] Atros dispositibos

Dentro d'a caxa de l'ordinador (u a torre), cal coneutar o procesador con toz os atros dispositibos, ta fer-lo, s'emplega la placa alazet, sobre la que s'istala;

• O procesador
• A memoria prenzipal
• Os dispositibos d'almazenamiento
• Os dispositibos de dentrata y salita
• Os buses (coneuten os dispositibos internos entre ers)
• A tarcheta de bidio (construye as imachens que se beyen por o monitor)
• A tarcheta de sonito (premite a reproduzión y grabazión d'audio)
• A fuen d'alimentazión (proporciona la eletrezidat que almenistan os diferens componens)
• Os puertos de comunicazions (coneutan con dispositibos esternos) (USB, serie, paralelo, PS/2,...)