Bal d'Aspa

A Bal d'Aspa (Vath d'Aspa en oczitán gascón biarnés, Vallée d'Aspe en franzés) ye una bal pirinenca.

[editar] Localizazión

A bal d'Aspa, en Lescún

A Bal d'Aspa ye una bal biarnesa, una d'as tres bals de l'Alto Biarn, ubicata en o departamento aquitán de Pyrénées-Atlantiques, á lo SU de Franzia. A bal ye ruxiata per a garona d'Aspa, e s'estendilla cuasi 40 km dende o lugar d'Escot dica lo Puerto de Somport (1662 m).

L'alta bal d'Aspa acubilla una parte d'o Parque Nazional d'os Pirinés.

[editar] Istoria

A bal ye estata tradizionalmén una importán bía de comunicazión entre Aragón e Gascuña, unindo a Chazetania d'un canto e lo Biarn de l'altro. Bal de pastors, ye estata un camín de paso ta os pelegrins que feban a carrera de San Chaime per a clamata Bía d'Arles enta Santiago de Compostela, en Galizia.

En os años 90, os ecolochistas protagonizoron en a bal d'Aspa una importán luita contra la planificazión d'a carretera que leba ta lo túnel de Somport.

[editar] Carauteristicas

A naturaleza d'a bal ye encara prou conserbata, bibindo en ella encara los zaguers onsos d'os Pirinés.

D'entres os produtos tradizionals, en destacan os suyos quesos.

Tamién cal destacar en a bal:

• o ecomuseu d'a Bal d'Aspa
• o casco (u cirque) de Lescún.
• o camín de la Mâture.

[editar] Enlazes esternos

• Sitio web d'a Bal d'Aspa. (En franzés)
• Rota d'a Bal d'Aspa en o Parque Nazional d'os Pirinés. (En español)