Alemaña

Bundesrepublik Deutschland

(En detalle) (En detalle)
Lema nazional: Einigkeit und Recht und Freiheit (alemán: «Unidat e chustizia e libertat»)
Inno nazional: Das Lied der Deutschen
Capital  • Poblazión  • Cordenadas	Berlín 3.410.000 (2007) 52°31′ N 13°24′ E
Mayor ziudat	Berlín
Idiomas ofizials	alemán
Forma de gubierno President Canziller cheneral	Republica Federal Horst Köhler Angela Merkel
Unificazión Republica Federal Reunificazión	18 de chinero de 1871 23 de mayo de 1949 3 d'otubre de 1990
Superfizie  • Total  • % augua Mugas Costas	Posizión 62º 357.021 km² 2,416% 3.621 km 2.389 km
Poblazión  • Total  • Densidat	Posizión 14º 82.210.000 230 ab./km²
PIB (PPA)  • Total (2007)  • PIB per capita	Posizión 3º 3.259.212 mil (est) US$ 39.650(2007)
Moneda	Euro
Chentilizio	Alemán/a
Zona oraria  • en estiu	UTC+1 UTC+2
Dominio d'Internet	.de
Codigo telefonico	+49
Prefixo radiofonico	DAA-DRZ, Y2A-Y9Z
Codigo ISO	276 / DEU / DE
Miembro de: UE, ONU, OTAN, CBSS, OSCE, OCDE, G-8
Tamién son ofizialment reconoxitos e protechitos como lenguaches minoritarios o danés, o baxo alemán, o sorabo, o romaní e lo frisón.

A Republica Federal d'Alemaña (Bundesrepublik Deutschland [ˈbʊndəsʁepʊˌbliːk ˈdɔʏ̯tʃland] en alemán) ye un país d'Europa Zentral. A Republica Federal muga á lo norte con Dinamarca; á l'este con Polonia e la Republica Checa; á lo sur con Austria e Suiza; e á l'ueste con Franzia, Lusemburgo, Belchica e los Países Baxos.

Alemaña s'estendilla dende as alteras montañas d'os Alpes (a tuca más elebata ye o Zugspitze con 2.962 m) en o sur, dica as costas d'o mar d'o Norte e d'o Baltico. Por meyo, s'estendillan as tierras alteras, bosquizas, d'Alemaña zentral e as tierras baxas d'Alemaña d'o norte (o punto más baxo ye Neuendorfer/Wilstermarsch, con -3,54 m), trabesatas per beluns d'os mayors ríos d'Europa, como o río Elba, o Rin, e lo Danubio.

Mientres d'a más gran parti d'a suya istoria, Alemaña estió un termín cheografico emplegato ta desinnar un aria ocupata por dibersos estatos. Se coombirtió en un estato unito en un periodo de 74 anys (1871-1945), pero dimpués d'a Segunda Guerra Mundial tornó á dibidir-se en a Republica Federal d'Alemaña (RFA —BRD—, conoxita como Alemaña Ozidental) e a Republica Democratica Alemana (RDA —DDR—, conoxita como Alemaña Oriental). O 3 d'otubre de 1990, a RDA e a RFA se reunificoren, asinas que Alemaña tornó a estar una nazión unita. Berlín ye a capital e a ziudat más important. Tamién tienen más d'un millón d'abitants as ziudaz d'Amburgo e Munich.

A Republica Federal d'Alemaña en l'autualidat ye una potenzia economica, miembro d'as Nazions Unitas, a OTAN, e d'o G-8. Alemaña ye a terzera economia más gran en termins de produto interior bruto nominal, e o esportador más gran e o segundo importador más gran de biens.

[editar] Toponímia

Debito á la localizazión cheografica d'Alemaña en o zentro d'Europa e a suya istoria como rechión no unificata e abitata por destintas tribus e más tardi por barios chicoz Estatos, o nombre d'Alemaña ha pasato á las destintas luengas d'una u atra forma. En cheneral son tres as formas ta o nombre d'o Estato en as destintas luengas d'o mundo:

• De l'alto alemán antigo diutisc. D'aquí se deriba lo nombre en alemán muderno, Deutschland.
• D'o latín Germania. D'o que se deriba, por exemplo, lo nombre en anglés, Germany.
• D'o nombre d'a tribu d'os alamans. D'aquí se deriba o toponimo aragonés, Alemaña.

O nombre d'a tribu d'os alamans probiene d'o protochermanico Alamanniz que puet tener dos senificatos d'a deribazión d'o prefixo Al-. Si Al- senifica "toz", allora o nombre senifica "toz os ombres", una alusión á lo feito de que a tribu yera una confederazión de barios grupos. Si Al-, d'atra man, probiene d'o latín alius, "atros" u "os atros", allora o nombre senifica "foranos" u "ombres estranchers".

[editar] Istoria

[editar] Posguerra mundial

Articlos prenzipals: Alemaña Oriental, Alemaña Ozidental

Zonas d'ocupazión melitar d'os Aliatos en Alemaña en 1945-1949.

En 1945, dimpués d'a Segunda Guerra Mundial, Alemaña fue dibidita en zonas d'ocupazión melitar, ta cada país prenzipal d'os Aliatos: Estatos Unitos, Unión Sobietica, Reino Unito e Franzia.

O 29 de mayo de 1949, a Zona d'ocupazión melitar estatounitense, a Zona d'ocupazión melitar britanica e a Zona d'ocupazión melitar franzesa s'unioron, ta creyar a Republica Federal Alemana.

En otubre de 1949, á partir d'a Zona d'ocupazión melitar sobietica se creyó a Republica Democratica Alemana.

[editar] Organizazión politico-almenistratiba

Articlo prenzipal: Organizazión politico-almenistratiba d'Alemaña

Alemaña se dibide almenistratibament en 16 estatos federals ditos Bundesländer (Bundesländ en singular).

[editar] Beyer tamién

• Cheografía d'Alemaña

Se beigan as imachens de Commons sobre Alemaña.